( بدايتك ) : الحمدلله وبتوفيق من الكريم بديت بـ 500 ريال رأس مال لحالي فوق الرصيف قدام بيتنا، وبديت أطقطق كـ نجار بتصليح الدواليب وصيانتها همن تزيين الأعمال الخشبية مثل الرفوف والشبوك والحافظات مثل ماصورتوهن الآن .. همن توسعت لله الحمد وعُرفت على مستوى الحي والأحياء المجاورة .. همن الحمدلله أخذت المحل القريب لمحلي هذا اللي بالزاوية وبديت فيه أول بداياتي وهكذا .. ( فترة العمل ) طول اليوم ( هل ساعدك احد ) أبدا لم يساعدني إلا شخص واحد الله يجزاه الجنة وهو فقط يشتري مني أي شيء أسويه ويزود السعر على نفسه تشجيعاً لي ومن بعده توسعت بالعمل لين فتحت هذا المحل الحالي ومقاسه 4 × 4 متر والحمدلله ( هل أنت تعمل بيدك ) نعم والحمدلله اللي عافان وعطاني الصحة وقدرتها بهذا العمل ( هل لديك مصدر رزق آخر ) فقط هذا المحل ( كم دخلك بالتفصيل ) الآن لله الحمد من 2000 ويوصل إلى 3000 ريال شهري ( بكل صراحة ما هو دور المسؤول تجاهك أو ماذا عمل لك المسؤول ) المسؤول مع الأسف هو العائق لي مع أنه زبون ويتعامل معي باستمرار .. مسؤول البلدية يحارب عملي ما يبي مني أضع مشغولاتي وأعمالي على الرصيف بشكل لو بسيط على الأقل .. ولاحظوا محلات بريدة كبيرها وصغيرها يعرضون كل أعمالهم عند الباب وعلى الرصيف حتى المطابخ بكبرها .. وهذا شيء يهمني علشان يشوفون الناس شغلي وهذا المراقب ماغير وراي متابع ما يتغاضى لو بشيء بسيط وأنا ابن بلد وغيري بشارع آخر قريب وأجنبي ما يقال له شيء مادري ليش ومثل ماتشوفون بالصورة المحل مرتكم وغاص بأعمال الناس ، كذلك بغيت شهادة خبرة من المعهد المهني وتم تعقيدي لأبعد حد ويطول الكلام فيه، وربي يغنين من فضله ( لك متطلبات من أي جهة ) الغرفة التجارية تلقي لنا بال وتعطينا وجه ( كلمة أخيرة ) لو الشباب يعملون ويبحثون وعلى الأقل لو يسعون والله ما تلقون أجنبي وتعال شف جمبنا العصرية شف حوالين الدوار باليوم يوقف إلى 50 بنغالي ينافسون عيال الديرة بأعمالهم ..