ذهبت قبل ايام مع صديق لي نتمشى بالسيارة في ارجاء مدينتنا الغاليه
عنيزة.
فمررنا بمكان عزيز على قلبي فاخذني الهااجس الى الوراء قليلا ..فخنقتني العبره
فشعر بي صاحبي
وقال لي :- ثنياني خلاااااص بلاش حب لاتوجع قلبك...
فلما انتهينا من تمشيتنا وانزلني عند باب بيتنا ...ارسلت له هذه البيتين
شفته وعيني خالفت عقبه الشوف=ماعاد اميز بين طفلٍ وشايب
انا اسمعك والقلب ياخوك مخطوف=شالوه ناسٍ يصنعون العجايب
يابو علي قلبي ورى الحب ملهوف=ماهمني لو يزعلون القرايب
ما امل من دنيا المحبه ولا اعوف= ولاظن قلبي من هوا ريم طايب
يابو علي ذي علةٍ داخل الجوف=مافادني نصحك ولاني بتايب
ابتبعه وابتبع الشك والخوف=واتبع غرامٍ داخل القلب ذايب
وان قالو اني مت في لمحة الشوف=تكفون سموني ..(قتيل الحبايب)
مساؤكم زهر وعطر ..
حبيت أقتبس بيت ، مايطاوعني قلبي أخلي الزين كله ، كل بيت أحلى من الثاني ..
قصيدة رائعة ، تسمو بها المشاعر وترتقي ، أحاسيس صادقة يكفي أنها وليدة الحقيقة وليست الخيال ..
