ابوكرتونة

اثنين قراوى ماشين في الشارع، واحد منهم شاف مرايه، وقعد يطالع في وجهه ويحك راسه، قال له القروي الثاني "وش فيك؟" .. قال "ياخي الوجه هذا أنا شايفه من قبل" قام القروي الثاني أخذ المراية وقعد يطالع فيها وقال "الله يقطع ابليسك !! هذا وجهي !!"

فيه قروي رجله فيها مرض وقالوا الدكاتره يبيلها قطع .....الرجال جاب الصاطور ومد رجله وقطعهابنفسه بدون تخدير قاموا الدكاتره يصفقون له الغبي مد رجله الثانية وقطعها (لاحظوا هنا انها صارت مأساة مب فرفشة)

يقولك فيه ثلاثة حكموا عليهم بالإعدام معهم واحد غبي ، قالوا للأول تبغى السيف والا المنشار الكهربائي ، قال : المنشار ، جابوه عند المنشار ما إشتغل ، قالوا : حظك وأطلقوا سراحه ، قالوا للثاني : المنشار وإلا السيف ، قال : المنشار ، جابوه عند المنشار ما إشتغل ، قالوا : حظك وأطلقوا سراحه ، جابوا القروي ، قالوا : المنشار الكهربائي وإلا السيف،قال السيف،والناس تصيح عليه:المنشار المنشار المنشار قال : خربان خربان مايشتغل فيه

واحد قروي طاح في بير رموا عليه الحبل وجروه يوم طلع فوق إلا هو ميت الأخ كان رابط الحبل في رقبته

شيبة وعجوز بغو يذكرون ايام الخطوبة فقال الشيبة للعجوز: خلينا نتلاقى في حديقة الزهور فقالت العجوز: موافقة راح الشيبه وانتظر في الحديقة 10 ساعات وبعدها العجوز ما جت. فلما شافها اليوم الثاني قالها ليش ما جيتي. قالت: امي ما خلتني .

هذا واحد محشش قال لخويه.. ارسم على ظهري مربعات .. ورقمها من 1 الى 20 .. يوم خلص ..قال له "حك لي المربع 15"

.. سكران طاح من على الدرج.. راح للدكتور عطاه مرهم وقال له "ادهن مكان الاصابة" .. قام راح ودهن الدرج

! فيه واحد عصبي راح للخياط وقال " خذ هذا القماش ابيك تفصله لي، واضبط لي مقاس الاكمام لا اتوطى في بطنك واضبط لي الطول والا ترى بأحوسك حوس .. تفهم ولا ماتفهم انت .. تراك حمار.. والا تدري .. هات القماش

" شايب راح امريكا يعالج عند ولده .. شاف وحده حلوة قال لولده "ودي اتزوج هذي" قال الولد "يبه هذي يهوديه!" قال الاب " لا والله .. اليهودية اللي عندي في البيت

يقولك فيه حشاش اتصل على مطعم وقال عندكم عشاء قال العامل عندنا قال الحشاش: طيب ليش ماعزمتوني؟

واحد يمشي ومعاه ارنب يبغى يبيعه فيه السوق..جاه محشش قاله لو سمحت بكم القرد اللي معك؟؟؟..رد عليه البياع: هذا ارنب موب قرد يا احول..قال المحشش: والحين انت من كلمك؟ انا اسأل الارنب .

. يقولك فيه مجموعه من المساجين اللي محكوم عليهم مؤبد,, وكان معهم كتاب نكت من الف صفحه ويوسعون صدورهم بالنكت الين حفظو الكتاب, لدرجه صارو ينكتون برقم النكته 57 هاها 62 هاها,, وعلى هالحاله الين سجنو معهم مسجون جديد وبدا يقرا الكتاب الين حفظه مثلهم وصار ينكت معهم بس كل ماقال رقم نكته 39 ماحد ضحك 98 ماحد ضحك ,, واذ هم قال احد منهم رقم نكته 87 هاها كروها من الضحك ويوم جا الرجال وقالهم ليش اذ قلت رقم نكته ماضحكتم واذا احد منكم قال رقم ضحكتم؟؟ رد عليه واحد وقال ياخي النكته ماهيب بنوع النكته ,, النكته تعتمد على اسلوب الالقاء ..
فيه واحد يده مقطوعه ومنقهر من الدنيا ونفسه قرر ينتحر المهم طلع على عماره بينتحر ويلقى واحدتحت مقطعوه يديه الثنتين ويرقص قال والله قهر انا اللي يد واحده مقطوعه وبغيت انتحر وهذا يديه الثنتين مقطوعه ويرقص المهم هون ونزل تحت يسال ارجل وشلون ترقص ويديك مقطوعه قال من قالك اني ارقص انا اقمز من القهر ابي احك ظهري

كسوووووول انجحو اعياله وشرى لهم كوره وقالهم اذا تجحتو السنه الجايه انفخها لكم

فيه واحد يوم جاء يطلع من البيت قالت زوجته وراء ماتسوي زي ابو الجيران السوري قبل مايطلع يعطي زوجته بوسه ؟؟؟؟ قال: ظنك توافق ؟

فيه نذل صار مدير دار ايتام سوى مجلس اباء

فيه عبيط خطف طياره جايه من جده الى الرياض وقال للكابتن ارجع لجده الطياره مخطوفه قال الكابتن: اللي يبي يخطف طياره يروح للعراق ايران اي دوله برى.. قال العبيط: لاني ناسي جوازي في جده ---------

فيه حوطي سمع بخطف الطيارات خطف قطار الشرقيه وقال للسواق اطلع جده



انشاء الله تعجبكم