هذي عنيزة مانبيعه بالزهيد ..

قال البطل الشاعر : علي بن رشيد الخيّـاط ( راعي البندق )يفتخر بأهل عنيزة ورجالها . سنة 1270هـ

يادارنا لا ترهبي يومك سعيد**حنا حمـاة الدار ..وشـبّ اشـعالها

هذي عنيـزة ما نبيعه با لزهيد **لافرّعـنّ البيض نحمى جالهـــا

دونك ودون الغيد مخضر الجريد**نروي من الضد الحريب سلالها
يا مـا ذبحنا دون غضّــاتٍ تميد** جنا يز ترمى ولا احد شـالها

لو جبت عناز وشمّـر و ا لرشيد ** ونجـدٍ جميعه دقّــها وجــلالها

جبته وخلّـيته كما حلـقة حديد**شرق وجنوب وغربـها وشمـالـها

الدار دونه لا بــةٍ تحمى الطريد ** صعب على كل العدا منا لها

كم سـابق يـوم اللقا جريه يزيد** عاد اتنا ضربه وضرب امثـالـها

تا طا حديد وفوق راكبها حديـد ** تـوطّــــته مركوبته بنــعـالـها

عيّـنت وين الجرو تكفى لا تحيد**قل لي تعـشّـته الضّرا وعـيالها

ياشيخ ياللي ما طلع مثلك وليد ** لا رفّـعـنّ الخيل شهب اذيـالـها

الشيخ مثلك مـا يحايد من بعـيد ** يارد على دارٍ بـكو نـزا لها

لي بندق ترمي الـلّـحم لوهـو بعيد**ما وقّـفت بالسوق مع دلاّ لها

خماسي رصاصهْ ستّة اشبارٍ تزيد** ملح الجريف محيّلٍ يعبا لها

ربعي هل الطولات والباس الشديد**خطرٍ عـزايمها تهدّ جالها

اولاد علي هم عما عين الضديد ** عقّـا لها يوم الوغى جهّالها

وان كان تبغى الحكم فالراي السديد*ادحم على الديره وحضّب جالها
قطع النخل مهـوب عيب والوقيد ** العيب با للي ما يتـمّ اقوا لـها

الله يجـازي كل جـبّـار عنـيد ** منّـا ومنـكم يوم عرض اعـمـا لها

سلام ..ياعابر
قصيدة ..رائعة جدا ..
.............................الأميرة.............. ........................

يابيت وين إلي تولاك وانشاك....حصن مرابيعك وحصن مبانيك
خمسين عام من تولاك يرعاك....واليوم ماكنه برجله وطا فيك
جيل سلف والجيل هذا تعداك....بقيت لا هذي ولا ذي ولا ذيك

عزيمة لا يشق لها غبار ايها العابر. ما افخر عنيزة بمثلك ايها الابن البار لها.

القصيدة اكبر من ان اعلق عليها

عزة ، إباء ، انفه ، شموخ و .. و .. لدرجة الحيره في اي ابياتها اقوى و اجمل .

تسلم ايدينك اخوي عابر

أروع القصائد العنيزاوية النبطية
تسلم لنا عابر على هالدرة الثمينة ,,,,

هذي عنيـزة ما نبيعة با لزهيد **لافرّعـنّ البيض نحمى جالهـــا

---------------------------------
عنيزة ,,, حضارات سادت ,, و نرجو من الله أن لاتبيـــــد

لي بندق ترمي الـلّـحم لوهـو بعيد**ما وقّـفت بالسوق مع دلاّ لها

خماسي رصاصهْ سـتّـة اشبارٍ تـزيـد** ملح الجريف محـيـّلٍ يعبــا لهـا

ربعي هل الطولات والباس الشديـد ** خـطرٍ عـزايـمهـا تهدّ جبالهـا

من القصائد الخالده التي لايمحوها الزمان.............

مشكور يأخو عابر ، ورحم الله شاعرنا الخياط.

سلام عليكم...
القصيده ممتازه بكل المعايير وتراي من زمان ادوره وتســـــــــــلم والله