اقول العيال برررررا ماتفهمون؟؟؟؟
راحوا العيال؟؟؟؟؟؟؟؟؟؟ اشوى
اسمعوا يابنات عندي لكم خوش نصايح للي تبي تخلي رجله على كيف كيفه !!!!!!!
1 - في اول ليلة زواج وريه العين الحمراء خليه يسكنتس في افخم اوتيل واطلبي كل الاكل حتى لو مااكلتي بس نجاسه من اول يوم خسريه ... طبعا بيقولتس انتي تامرين امر وهو وده يذبحتس ....!!
واذا طلبتي الاكل وجابه لتس قولي انا مااحب هذا ابي شي ثاني اسقعدي له ....
2 - نصيحه لاتستحين ترى الحياء ما منه فايده بعدين يصير يستقوي عليتس .. واذا قال كلمه ردي عليه بعشر.
3 - كل صيفيه خليه يسفرتس قولي انا متعوده اسافر حتى لو ماقد طلعتي برا ديرتس .. ترى العود من اول ركزه ...
واذا سافرتي شري هدايا لاهلتس كلهم فردا فردا لاتنسين احد وقولي هذا طبع عندنا خليه يعرف انتس بنت عز >>>>>>> ولو انتس خرطي...
4 - خليه يجيب لتس شغاله وسواق والا تبينه يخليتس تنفخين فهالبيت ؟؟ بعدين روحي للسوق ودوجي ودوري لين تقولين بق ..
5 - فاتورة جوالتس اذا كان عندتس جوال سابقا حولي البريد عليه وسعي صدرتس كلمي كل اللي تبين حتى لو اهلتس اول شارطين عليتس شروط ان الفاتوره ماتتعدى سعر معين .. انتي ماعليتس منه خليه تصك الاف >>>>>>> عشان تتصفقين ..
6 - تدلعي عليه وقولي انا مااعرف اطبخ تبي تاكل خل الشغاله تسوي والا جب من المطعم ... وتدرين وش اخرته ؟؟؟ >>>>>>> يبي يعرس على الشغاله !!!
7 - اعزمي صديقاتس واهلتس عندتس دايم ومدي لهم سفره من هنا لهناك وعلى حسابه .... لا ترحمينه ابد ترى الدلع ماينفع >>>>>> تراه بيتفل بوجهتس عادي امسحيه بس اعزمي !!!!
8 - خليه يفتح لتس حساب بالبنك ويحط مصروف شهري خاص لتس ماتصرفين الا على نفستس والمصروف طبعا لايقل عن 5000 ريال حتى لو كنتي موظفه .... وسعي صدرتس الدنيا فانيه !!!
9 - دايم الفي عليه كلام وقولي فلانه مشاء الله على زوجه توه جايب له ساعة الماس تجنن وعلانه جايب له طقم وانا بعد ابي مثلهم >>>>> قايله لتس تبين تتصفقين !!!
11 – لا تطيعينه شوري عليتس >>>>> اولله نصيحه ... ترى الرجال اذا شاف زوجته بس تقول سم والا تم يتضايق هم يحبون شوية اكشن >>>> حلوه اكشن ..
12 – لا تخلينه يسهر برا البيت له يوم بالاسبوع فقط عشان تفتكين منه بعد ويستحسن انه يكون يوم الخميس والسهر لين وحده بالليل بس ...
13 – ازعلي وقبي عليه اذا مانفذلتس طلب والله الله بدموع التماسيح تراه تفيد احيانا ...
14 – لاعمرتس تمدحين وحده عنده بيصير يسالتس عنه واذا قالتس وشلون فلانه قولي موب شغلك وحطي اصابعتس بعيونه تعرفين ماينعطون وجه .
عاد ترى الموضوع كله مزح بمزح الحين تنطون بي وتقولون تخربين بناتنا
تقبلوا تحياتي ............ بااااااااااااي
