|
قـــــيــــــــــس ولـــــــــــــيلـــــــــى في عــــصر الانــــتـــــرنــــــت
لو عاشو قيس ولــــــــيلى في هذا الوقت وش يصــــــــــــــــــــــــــير.................... .................................................. .................................................. ......
--------------------------------------------------------------------------------
قيس: (جالس طفشااااااااااااااااان ومستغرب .. اعوذ بالله أنا مواعدها بالوقت هذا على سفح الماسنجر.. عسى خير إن شاء الله وش أخرها هذي .. ولا ليكون الاتصالات مقطوعة عندهم بوادي القرى .. بعطيها عشر دقايق وإن ما جت بسير على جميل ألعب معه عشرتين طاوله
خلوني أتصل بجميل اشوف أخباره
جميل: اهلين (مسوي لبناني على باله إن بثينه هي اللي متصله)
قيس: اخس يا الخبل وش اهلين هذي .. انا قيس لا تلعب علي ترى أعرفك يا أبو ركب سود
جميل: هلا قيس الله يرجك وراك داخل فيني عرض
قيس: يا أخي هالعامرية غثت كبدي هي وجهها .. مواعدها على الماسنجر ولا جات
جميل: أقول ليكون صاكتك بلوك يا الاثول
قيس: ليه مفكرنا بزارين مثلك انت وبثنية
جميل: زين الله يوفقكم .. أنا علي نبهتك ولا تنسى إنه عندي خبرة ومشترك بالإنترنت قبلك يا المتخلف يا أبو اشتراك بالساعات
قيس: والله انك مثل ابليس تجيبلي الوساوس بالقوة
جميل: كيف الجو اليوم (يبغى يغير الموضوع)
قيس: اسمع .. انت هالحين بالبيت حقكم؟ ولا برى يا الهامل
جميل: لا أنا بالاستراحة أزرع الورد اللي جاني هدية من بثينة
قيس: اخ يا حري تهديك ورد وانا هذي لاطعتني على الماسنجر من ساعه
جميل: نعم تقول شئ؟
قيس: لا لا سلامتك .. اقول إذا ما جتني بجيك بالاستراحة .. بس لا أوصيك على العشا ترى جيعااااااان .. ويالله هالحين مع السلامة
جميل: مع السلامة
قيس: بدأ يتذكر كلام جميل وسالفة البلوك .. وبدا يسرح بأفكاره .. نام غفوة خفيفة وإلا هو يشوف الصورة هذي
اتفوووووووو .. أعوذ بالله من الشيطان الرجيم أعوذ بالله من الشطيان الرجيم .. اللهم اجعله اخير اللهم اجعله خير .. بسم الله علي .. يا جارية أحضري الماء تباً لك
وبدأ ينشد:
ولما تلاقينا على سفح نتاً (النت)*** وجدت اسم العامريةِ أحمرا (غير متصل)
فقلت صكيتيني بلوك بعد فراقنا *** قالت معاذ الله ذلك ما جرى
وقيس يقطع الشعر ويبادرها قائلاً: ولكمووووووووووووووووووووووووووووووووووووووووووووو ليلىىىىىىىىىى
ليلى: يسمووو يا حياتي (عاد مسويه ثقيلة تقولها بشويش)
ليلى: السلام عليكم
قيس: وعليكم السلام ورحمة الله وبركاته
ليلى: آسفه يا حياتي غصبن عني تأخرت
قيس: لا والله عادي ... اصلا انا كنت مستعد انتظرك العمر كله على هالسفح الجميل حق مايكرسوفت
(صمت رهيييييييييييييييييييب)
ليلى: أقول قيس
قيس: قولي يا عيون قيس الزرق
ليلى: جوالك قبل شوي ليه مغشول ؟
قيس: هاه .. ليه .. كيف .. ايش (احتساس وتلخبط) لا يا حياتي هذا صديقي جميل ابن معمر كنت اسولف معه
ليلى: جميل صاحب بثينة ما غيرها
قيس: ايه
ليلى: وععععععععععععععععععععععععععععععععع
قيس: سلامتك يا عمري انتي متعشيه زيت خروع؟ ولا فول ؟ وش يتارع فيك يا حياتي
ليلى: هههه لا يا قسقس أنا أقول وععععععععع على بثينة الشيفة ... ياااااااااي منها ومن شكلها .. مدري صاحبك ذا وش يحب فيها
قيس: مدري عنهم عساهم الحرق
ليلى: لا قسقس صدقني فعلا هي شيفه انا شفتها بالعرس
قيس: عارف يا قلبي انك غير .. صدقيني صدقيني يا ليلى إنتي عندي أحلى شيفه بالدنيا
ليلى: ويش ويش وش تقول إنت
قيس: ما أقول شئ والله جالس أمدحك
ليلى: أقول انثبر بس مالت عليك والله من يوم صاحبت جميل وإنت صاير جلف ما تعرف تقول كلام رقيق .. (تحط له صورة اللسان الطالع)
قيس: ليلى وش السالفه اشوفك زعلتي .. والله ثم والله إنك أحسن شيفه بحياتي ما أمزح ولا أتتريق
ليلى: بس بس بس بس خلاص .. أفففففففف احد يقول لحبيبته إنتي شيفه .. وين قيس الأول اللي من يوم يشوفني يقول تذكرت ليلى والسنين الخواليا
قيس: خلاص لا تعصبين .. لكن ما أسمح لك تهينيني وتقولين إني جلف.. ولا عشاني أحبك
وبدأ ينشد:
يا نعنبو منهو خضغ للمزايين *** ويا نعنبو منهو عشق ذا الطحاطيح
ليلى: طحاطيح؟؟ ليكون قصدك أنا .. مؤنث طحطوح طحطوحه .. يعني قصدك أنا طحطوحه هاه؟
قيس: إنتي وش بلاك تدورين المشاكل .. أنا قريحتي فاضت وجا على بالي هالبيتين بس هذا كل الموضوع.. وبعدين أنا أحبك حتى لو إنك سلتوحه
ليلى: !!!!!!!!!!!!!!!!!!!!!!!
قيس: بدينا ؟ ... بدينا بالتعجبات وحركات النص كم هذي
ليلى: إذا مهو عاجبك طق راسك بجدار الهوت ميل إنت وجماعة الملوح كلهم .. أصلا أنا من يوم اشوف اسمك ابن الملوح على طول أتذكر اللوح يا لووووووح
قيس: بس عاد عن الغلط .. بلاش نجيب سيرة الأهل إذا سمحتي .. وترى أنا ساكت عشان العشرة الطويلة اللي بينا .. ما يكفيني إني عشانك متحمل كلام الناس يوم يقولون عني إني مجنون
ليلى: عز الله إنهم ما كذبوا إنك مجنون وستين مجنون
قيس: الله يسامحك .. لكن اسمعي هالبيتين:
ولما بدا لي إنها لا تحبني ** وأن هواها ليس عني بمنجلي
تمنيت أن تعشق سوايا لعلها ** تذوق مرارات الهوى فترق لي
ليلى: المهم انا خارجه يا شاعر الغفله .. تبي شئ؟؟؟؟؟؟
قيس: لا سلامتك .. بس حابب اسمعك آخر قصيده لي
ليلى: بعدين بعدين
قيس: خلاص لا بعدين ولا قبلين .. انا برسلها على الايميل .. جعلك ما تلحقين تقرينها
ليلى: نعم قلت شئ؟
قيس: لا سلامتك قلت بشتاق لك كثير يا حياتي
ليلى: اشوى كنت أحسب .. المهم يالله باي
قيس: باي
قيس: نسيت أقولك متى أقدر اشوفك مرة ثانية ؟؟
نسيت أقولك متى أقدر اشوفك مرة ثانية ؟؟ ((تعذر تسليم هذه الرسالة لكافة المتصلين))
منقوووووووووووووووووووووووول
تقلوووووووووووووو تحياتي,,,,,,,,,,,,,,,,,,,,,,,,,,
نــــــــــــــــــــــــــــــــــــاوي
|
هههههههههه
