ازين عمليه؟ولا ماازين.....؟

بسم الله الرحمن الرحيم انا مشكلتي اغلب وقتي مزكووووووووووم ومشاكل مع الصيف ومع الشتاء وودي ازين عمليه لحميه بس خاااااااااااايف (تعرفون مستشفياتنا انواع التقدم بالتشريح اسف قصدي بالطب) لاكن اهلي ابلشون زين عمليه زين عمليه ...عاد مره قررت اني اسوي عمليه والي يصير يصير رحت وحللت ويوم دخلت على الدكتور على طول قالي عمليه من دون كشف ودريت انه ماعندك احد لاوالمشكله ان شكله يخووووووووووف وهو صعيدي على ما اعتقد وقالي ياابني بكرى خل ابوك يجي يوقع على العمليه......قلتله انا ليش يجي ابوي......تدرون وش رد علي ؟؟؟؟؟؟؟قالي لان اذا حصل لك شي بالعمليه يكون ابوك المسؤل((((قصده بالعربي الفصيح اذا مت ماني مسوووووووول عنك))اولله من زين الاسلوب ..قلت انا بنفسي مابدهاش وقلت للدكتور تحرني بكرى انا وابوي جايينك

يوم رجعت للبيت قالي ابوي وش صار عليك بالمستشفى قلت لا ابد الدكتور يقول مايحتاج عمليه

انوااااااااااااااااااااع التصريف.....عاد وشرايكم ازين ولا مازين عمليه تبون الصدق اني خايف لا ومن شده الخوف اذا مريت من عند مستشفى اغمض...

هههههههههههههههههههه

الله يرجك يالخبل المملوح اما هذي تمر من عند مستشفى وتغمض عز الله ماسويت عمليه

اجل لو عمليه بالقلب ولا باكلى ولا بالمصران وش تتزين انت وخشك

يابن الحلال توكل على الله وادخل سو العمليه بس مهب عند الصعيدي الي تقول هذا انا خفت منه وانا مالي دخل

انقز للرياض وابطلق مستشفى سو العمليه ترى هذي مسالة حياة او موت

(( انواع زعزعت الثقه

))

لالا وانا اخوك سو العمليه تراه بسيطه وانشاء الله نهنيك بنجاحه باذن الله يارب

0×

ضاق صدري علشانك لاكن تدري وشلون تاكد قبل يحتاج عمليه ولا لا اذا قالو لازم ولاقالو ماندري اصبر ومواعيد وخرابيط رح شفلك من الاطباء الشعبيين ولا العطارين تراهم يبخصوووون اغديه يصير شفاك على ايديهم وان مالقوووو حلو رح اكووووووو خلهم يكوونك واذا مافاد عاد رح سوى العمليه وعندي لك نصيحه او مقوله يقولونه وجع ساعه ولا وجع كل ساعه حرفتبه شوي بس ميخالف انشاله نهنيك بقومتك بلسلامه لاكن تراه العمليه بسيطه انشاله ولايلعبك ابوهاجووووووس تراه هو الي يضيع الواحد

@!@

[gl]انتبه لعمرك يا وليدي[/gl]

العمر مش بعزقه ياخوي لا وصعيدي وش تلقا اسمه " زمباوي ".

انتبه اذا بغيت تزين عمليه لا تروح علىطول للمستشفيات الزينه رح للشينه قبل مر العسكري ولا الجامعي هذولا شينين .

واذا بغيت اللي اشين منهم عندك المستشفى السعودي الالماني .

صح انهم رخيصين لكن وش نزين لازم نروح لمهم.

اهم شي لا تروح لسعود تراهم بيموتونك علىطول.

واذا نويت تزينه رح للطعيميه ناظر به مكان ولا لا

.

فال الله ولا فالك <<<<<<<<<<<< الخبل المملوح

.

اسف

<<<<<<<<<<<<<<<<<الكريستال .

الف سلامه عليك وما تشوف شر ان شاء الله.

[gl]الكريــ،ـ،ـ،ـــتــال[/gl]

السلام عليكم

اهلين اخوي المملوح

انا مع كلام المصحصح

اذا الموضوع يحتاج عمليه روح الرياض

وماتشوف شر انشاء الله

تحياتي

بااااااااااااااااااااااااااااااااي

ا لصراحه انكم جزمتون.........وش دعوى لو ماقلتلكم كان احسن

خوفتوووون زياده مصحصح يقول مساله حياه او موووووووووت ؟؟ والخالدي يقول رح خلهم يكوونك........ وكريستال يقول العمر مش بعزئه ..........حلوه مش بعزئه ورحاب تقول رح للرياض معناته ان القصيم ماعندك احد ......... لا كن مشكورين وماقصرتو على ردودكم باااااااااااااااااااااااااااااي

أدوات الموضوع	إبحث في الموضوع
عرض نسخة صالحة للطباعة أرسل هذا الموضوع إلى صديق	إبحث في الموضوع: البحث المتقدم
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)