بريميدسا

السلام عليكم أخواتي وأخواني الأعزاء وعساكم بخير بصراحة عندي هذه القصة أو على أصح السالفه وبصراحة أحترت بين أحطها بالمجلس الادبي والا بمجلس سعد والا المجلس المفتوح
لانها ما تخلو من الدعابه والادب فاخترة انها تكون بالمجلس المفتوح
بس ترها تتكون من عدة أجزاء وماني مكمل إلا إذا شفت ردودكم
ماشي بس اتمنى ان تعجبكم
,,,,,,,,,, بس طولوا بالكم شوي الانها طويله ..........



الجزء الاول


مع بداية أجازة الصيف و الناس ما صدقت تفتك من
الاختبارات وبداية موسم الأعراس ..وزي العادة أهلي
مسافرين يا للديرة يا للشرقية يا لجدة يحضرون عرس .وأنا
طبعا بروحي في البيت عايش عزوبي 100% ونظام زي الزفت ما
تعرف متى تنوم ومتى تقوم ..ولا وش تأكل ..المهم ما أطول
عليكم كنت نايم .والله يكافينا الشر كنت أحلم بكابوس أني
مكان الدعيع وهالألمان طايحين فيني تمزع وشوتات وكل
دقيقة قول ..خلصوا الشوط الأول 30 - صفر ..وكله كوم
وحارسهم اللي يروع أذا جاني مسرع ويقب الكورة ثم ينط
علي عاد أنا من الروعة انحشت من الباب كله وأنط ذيك
النطة بأقصى ما عندي ..وأسمع صوت المذيعة اليابانية تقول
الهدف الواحد والثلاثين ...وما وعيت ألا أنا مسفلح على
الأرض و جرس البيت يرن ..طبعا ما أدري وين حطيت ساعتي
وبالتالي ما أدري وش الوقت ومنهو اللي جايني هالوقت فقمت
وفيني الروعة من الحلم علشان أفتح الباب .وتوني فاتح
الباب الا وش أشوف بنت متغطية بعبايتها وطرحها خفيفة على
طول دفتني ودخلت البيت لا احم ولا دستور و أنا فاك خشتي
يا ربي هذا تفسير حلم حارس ألمانيا اذا كذا كل ليلة
باحلم بلاعب في هالمونديال الا عبدالله سليمان ومحمد نور
باحلم بهم جميع في ليلة واحدة تحسبا للعواقب ..المهم
سكرت الباب ولحقت البنت اللي دخلت لداخل البيت .ولقيتها
فصخت العباة ورمت الطرحة الحق ينقال البنت حلوة بس ما
عرفتها ولا أدري من هي ولا وش تبي ..المهم تلتفت علي
البنت وتشوفني فاك خشتي ..

البنت : هو وش فيك ما عمرك شفت بنات حلوات .

أنا : لاو الله بس أنا ما عرفتك طال عمرك بصراحة ولا
أدري يعني وش تبين ...

البنت : ما عرفتني ..يالله ياليتني مت ولا سمعتها منك
..اثرك لعاب يالخاين .أنا قلت بيعرفني من زولي ..هذا
وأنت كل ماشفتني في الحارة قمت تصور فيني كأنك ماكينة
تصوير ...ولا شكلك ماخذها مقاولة تصور كل بنات الحارة
يالخاين ..وأنا اللي أحسبك تحبني وتحلم فيني كل ليلة ..

أنا : لا والله أحبك أنتي ( ما يعرف ينصب ابدا ) ولا
عمري صورت بنت غيرك صدقيني ..

البنت : طيب أنا مين هااه قل يالله ياللي تموت فيني ولا
تعرف تنام الليل الا على صورتي ...

أنا : أكيد واحدة من بنات الحارة ..أصلا كل بنات حارتنا
يهبلون بس أنتي تهبلين أكثر والله ...

البنت : اسكت بس يالنصاب ..أنا ندى أخت سطام هاه
عرفتني ولا لا ..ندى اللي تحبك وتغليك يالشين ..

أنا : هلا ندى كيفك والله حتى أنا اعزك و أغليك بس أنتي
الله يهديك ما تعطيني وجه تذكرين قبل سنتين يوم ترجعون
من الطايف جيت أسلم عليك كشيتي في وجهي ودخلتي ..ولا
نسيتي ..

البنت : ايه تستاهل أنت ووجهك أجل تسلم على أخوي
سطام قبل ... ما سمعت يالقروي بالحكمة القائلة ليديز فيرست
..مو العيال أول مالت عليك ..





يتبع ...............

أستنا تعليقكم

شير طلوى

كمللللللللللللللللللللللللل رح


بس انتبه لا يطب سطاااااااااام

بريميدسا

هلا أخوي طير شلوى قصدي شير طلوى
الله يستر نا من سطام بس جايتك السالفه







































خذ














سطام

يذكرني بالفنان فهد الحيان
مع أحترامي له





الجزء الثاني

البنت : ايه تستاهل أنت ووجهك أجل تسلم على أخوي
سطام قبل ما سمعت يالقروي بالحكمة القائلة ليديز فيرست
..مو العيال أول مالت عليك ..

أنا : أولا أخوك أكبر منك ثانيا أخوك يعني اسمه صديقي
مالت علي يوم كنت في رابع ابتدائي هو كان في سادس ..غير
كذا أنتي عارفة أخوك سطام أقشر يطاق ظلاله ...

البنت : رح بس شكلك تلعب علي ...جرحت مشاعري هذا وأنا
أحبك يا ظالم ...

أنا : لا والله ما كان قصدي سامحيني ..أرجوك لا
تتوقعين أني كنت مهملك ...أجل جاية عندي علشان تعلميني
أنك تحبيني وتموتين في دباديبي ..

البنت : جعل دبادبيك البندق اللي تطيرهم وتطيرك معهم
..سوري لا أنا جيت علشان شي ثاني ...ما تشوف أن بيتنا من
أمس وهو مختبص ...ولا ما تدري وين حاطك الله...

أنا : الا طبعا ملاحظ بس أكيد عندكم عزيمة ولا عزاء ولا
شي من هالقبيل ...لين تأكدت أمس من ولدين صغار عند
المغسلة .بأن عندكم عرس بس عرس من ما أدري ...شكله عرس
اختك ولا أبوك بيتزوج على أمك...J

البنت : يا سخفك أبوك بيتزوج على أمك ما كان أحد درى
..لا يا فالح هذا عرسي ....اليوم انشاءالله عرسي في قاعة
الكوابيس السعيدة ..وعلى فكرة أنت معزوم ...

أنا: أنتي وش تخربطين اليوم عرسك وجاية عندي تعترفين أنك
تحبيني ...ليه ليه تنتظرين اليوم علشان تصارحيني ليه ما
قلتي لي من قبل علشان اسوي أي شي علشان هالعرس ما يتم
..وأقاتل الدنيا كلها من أجلك...

البنت : اقول يا روميو عسا ما شر مصدق أني أحبك
وعععع مالت عليك ..هذا اللي ناقص .

أنا: لحظة لحظة أجل ما تحبيني واليوم عرسك وشلون
..طيب وش جايبك عندي هنا ...

البنت : اها جعل والدينك في الجنة ..أهلي بيزوجوني
واحدما أعرفه ولا أعرف عنه شي الا أنه يقرب لنا من بعيد
( يا خال ابوي حك ظهري )... وكانوا ساكنين في أمريكا
..وبس رجعوا السعودية وانهبلت أمه تبي تزوجه طبعا مالقوا
أحد في جمالي وملحي ... فخطبوني له وأهلي المطافيق تقول
ما صدقوا على الله وافقوا بدون ما يأخذون رأيي ..

أنا : طيب وخير انشالله زي العادة بتنزلين راسك في الأرض
وتروحين لغرفتك وش الجديد ...ثانيا كل هذا على جنب أنا
وش دخلني ..يعني تبيني أكلم أبوك أقنعه يلغي الزواج...

البنت : لا طبعا وش أنزل راسي وامشي لغرفتي والله أني
سنتين أهوجس بالزواج بس مو كذا لازم يعرفون أن أهم رأيي
في هالمسألة هو رايي مو خبط لزق ...أحسن شي سويته أني
أدبتهم وانحشت من البيت وقت الغداء وهم لاهين في الأكل
..وجيتك .وخليتهم محتاسين يدوروني أحسن بيموتون ولا هم
لاقيني .

أنا : لحظة انحشتي ..وأهلك يدورونك هلا والله ..و جايه
عندي أنا ..ليه أنا بالذات ...

البنت : وين أروح أكيد اذا خلصوا من الغداء ودوروني
علشان نروح للكوافيرة ولا لقوني بيقلبون الدنيا علي يعني
بيسالون عني عند أقاربي ولا صديقاتي وحتى في بيوت
الجيران بس أكيد ماراح يدورون عني عندك لأنهم عارفين أن
أهلك مسافرين وأنت بروحك في البيت ثانيا عارفة أنك ما
راح تسوي لي شي ... يعني أنا بأمان ..

أنا : الله يسلمك من ذوقك ... لحظة لحظة وش قصدك واثقة
ما اسوي لك شي ..لا يا عيوني أقدر أسوي واسوي ونص
..الحمدلله مافيني الا العافية ...كلي فحولة ...

البنت : يا شيخ انثبر يا شينك ويا شين تفكيرك أنا قصدي
واثقة فيك ..افهم يا دلخ ...

بريميدسا

ترقبوا الجزء الثالث

خذني الشوق

وانحشت من البيت


ابللللللللللللللللللللللللللللللللللش



هههههههههههههههههههه الله يعنك بس ننتظر الجزاء الثااااااااااالث بسرعه


بااااااااااااااااااااااااااااااااااااااااااااااااي