السلام عليكم
كيفكووووووون ؟؟ انشاء الله طيبين ؟
<---------= شكلهم يقولون وش تبي ذي وراه ماتبدأ بالموضوع بسرعه
خلاص اببدا بس لاتهوشونن
-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-*-
بسم الله
"
مشكلتي مشكله يا اخوان.. الواحد ما يتذمر من خلقه ربه او يعترض على قدره..لكن انا ابي اشكيكم حالي..حتى تحسون بمعاناتي..
انا الله بلاني ( بقصر القامه ) بشكل مفرط وملفت..
يوم ولاده امي( فيني ) كان ابوي قدام غرفه الولاده رايح جاي(<---خط سريع
)اقبلت عليه الممرضه قالها:هاا بشري بنت ولا ولد؟قالت:مبروك جتك العينه بكره الباقي !! ( تنكت هي ووجهه )
في البيت مهما كبر عمري ابقى بنتهم الصغيره اخواني وخواتي ينولدون ويكبرون وانا مثل ما انا..اربيهم على ايدي وارضعهم واغيرلهم حفاظاتهم..ويكبر ويصير رجال ويصير كبري مرتين ينقلب الحال ويبدأ يهوشن ويعطين اوامره ... هذا من بعض مشاكلي ...
بيني وبينكم هالحاله فيها اجيابيات مثل مافيها سلبيات لاني اروح الملاهي وأماشي بزران وادخل جو معهم والعب العابهم
وبنفس الوقت مقدر العب العاب الكبار مع ان عمري عشرين بس مايصدقون احلف ولا ما احلف..صرت ما امشي الا وبطاقه العايله معي
اهلي بعد كانوا يعانون من حالتي..لا رحنا حدايق او اسواق اختفي واضيع عنهم بين الزحمه لاني بصراحه ما اطولهم ولا اشوفهم..ما اشوف غير سيقان تتراقص قدام عيوني..وفكل مره يعلنون عن طفله ظائعه والاغلب لاجو يستلموني اهلي يلقوني ممخشه ومجرحه ومصعرره بجبهتي البلا من الدبجات اللي اشوفهن لان الواحد ما يشوفن ويبدا يشوتن ولا يردن إلا كعب الثاني يعني بالمختصر صايره ( كره بشريه ) ... الى متى هالاحراجات
وعشان الاحراجات ما كنت البس عباة لان مره لبستها وطلعنا للسوق العالم تحسبن عري( بس سوده ) وقاموا البزران يتراكضون ويلاحقونن ويلزخونن بزبيرياتهم وانا انحاش وهم وراي وما وقفهم عند حدهم الا بس جايتن تفزعلي بزعمها اني من جماعته
وعشان يحدون اهلي من هالمشكله صاروا كل ما يطلعون يربطون رجلي برجل ابوي بحدايد تقل( كلب ) بس مااااش ما مشت هالسالفه لن ابوي عجز يمشي كل مارفع رجلينه يبي يمشي الاه انا متبطحتن تحت رجوله همن يتوطى ببطني ويواسينن بالارض
فكروا فكره ثانيه..( ركبوا على راسي الليزر اللي ينحط باسطح المراكز والمباني ) كودي ابان ويندرى عني..وجازتلهم هالسالفه ما اخطي خطوه الا والليزر يشق عيونهم وصاروا يعرفون حركتي اول باول وماعاد صاروا يفتقدونن ولا اضيع منهم...وعقبها رحنا للبر قرب العصر فرشنا زوليتنا وقعدنا اليين بدت الشمس تغيب والظلام يغطي المكان..وماندري الا والعالم بدت تقبل علينا ويقربون لمنا..ويجي واحد ينافخ ويقول حسبي الله عليكم اجل كل هالخبصه والليزرات على غير سنع وحنا اللي جايين من اخر الديره نحسبه اعلان عن شين يسوا
ومن ناحيه اللبس كنت ما اكلف على اهلي..اي بلوزه كانت تعتبر فستان لي والشراب هو الهيلاهوب تبعي
وكنت امسك الفرشه واكسر المسكه تبعه واشيل اسنانه وتصير نعال لي ..وكنت استغل ملابس اخواني الصغار وكل واحد يناظرني ويقول لاخوه تذكر هاللبس كنت احبه وهو غالي علي بالحيل ولا غيرته نط الثاني وقال آآآآآآه ذكرتيني ذا اللبس اللي تشحذت امي تشريه لي يعني انا كنت بالنسبه لهم(جدار ذكرياتهم )
اذكر اول يوم ابي اسجل فيه بالجامعه رافعه راسي من قدي ابي اقدم بالجامعه..بس وقفت عند الباب وما طلته وانحرجت عند البواب وسويت اني ازين نعلتي..واحتري احد يدخل..والله وتجي وحدتن ماشاء الله الطول طول برميل(<---هذا للسمان يالدلخه ) وما امداه تفتح الباب منا الا وانا زارقتن منا اصلا ما انتبهتلي ..واشوف السكيورتي عند الباب ولا ادري وشي وعطيتها بقفاي وكملت طرقي..ومير تصرخ ذيك الصرخه هزت جدران الجامعه والبويه تشققن وتقولي:هيي هيي يااااااا هيش على وين ان شاء الله شاخطه..وانا اللي احقد عليه واناظره بعين قويه وتبدا مناخري تتوسع وتاخذ حجم غير طبيعي ( بس ما انتبهت لان فارق الطول كان كبير)همن قالت وين داخله ممنوع دخلول غير الجامعيات و الكبار تبين تنتظرين احد من خواتك انتظريه هنا مو تدخلين..واقولها وش اللي انتظر احد انا يالطيبه جايتن اسجل حالي حال غيري..همن بوبزت وقربت اذانه من اثمي وقالت وشو؟؟ حطيت يديني حول اثمي ورفعت صوتي: اقووولك انا جايه اسجل..وشي طبيعي انها ما تصدق الين وريتها شهاداتي وكلش
وهنا ودي انبهكم يا اخوان لشي ظروري ويمس الاطفال بشكل عام..ترى بعض الكلمات تسببلهم عقده نفسيه ويحسون بالاحباط يعني مثلا واحد لا لقى بزر بطريقه قام يقوله بنفس شينه هش هش يالله مناك تراه وقسم تحطم راعوا شعورهم
<----= تعاني من هالمشكله
وامي بعد عانت كثير من هالمشكله خاصه بالزواجات كنا كل مانوصل عند سكيورتي الفنادق وقصور العروس يناظر امي ويقول:ايه الهباب اللي معاكي ميش مكتوب ممنوع اصطحاب الاطفال؟ بس طبعا بطاقه العايله والاثباتات شغاله
ومره بالاجازه رحنا لمهرجان جده وكان فيه مسابقات ثقافيه بمنتزه رحنا وانتصينا على اول طاوله انا وابوي وامي واخواني الكبار( واللي هم بالاصل صغار )
بدو يسألون الكبار اول شي وكانت الجوايز قيمه..اختاروا ابوي وخمسه غيره..بس ابوي الله يهداه كان تكماله عدداذكر انه ماقال بالمسرح غير( وشو يالحبيب؟ عيد السؤال لو سمحت..ممكن تشرح مافهمت )
وجا دورنا أقصد دور الصغار..طلعوا خمس متسابقين وبقى واحد قال المسؤول:انا كده حظطر اختار بنفسي..وقاعد يتلفت يمين ويسار وطاحت عينه علي وقال انت ياحلوه ممكن تشاركي معانا؟؟انا خقيت وبنفس الوقت ارتبكت وارتبشت واحد يغازلني ياحلوه وبالمكرفون وقدام العالم..ناظرت ابوي خفت يقوم يمردغه بس لقيته غمزلي وقال اطلعي حبيبتي مافيها شي وانا ابوتس(حاسس بالذنب خسرنا جايزه قيمه )
وانا اللي اطمر عالمسرح واجلس حمب ولد يناظرني ويتبسم ويغمزلي مايدري اني كبر امه
همن تبدا الاسئله..كم عدد الصلوات؟ماهي اركان الاسلام؟ ما عاصمه المملكه؟اين يقع المسجد النبوي؟ ومن هذا القبيل..
وانا قبل ما يكمل السؤال انط بحلقه واجاوبه وكان ينبهر بثقافتي ومعلوماتي وفصاحتي وعجبته مره لدرجه انه زلب المتسابقين اللي معي وطق حنك معي وادهر سواليف
ولاول مره احس انه لي قيمه واني ذكيه وانجزت شي وهو اللي يعلن عن فوزي بجداره وحصولي عالجايزه وهي سبع تذاكر سفر لباريس مع الاقامه وحنا خمس اشخاص امي وابوي واخوي واختي وانا طبعا معتبريني نص راكب قشينا خالي وحرمته وبنتهم سبع سنين(صديقتي العزيزه ) وهذي المره الوحيد اللي احس اني محظوظه لقصر قامتي واللي اول مره اشوف امي وابوي يتحمدون ربهم فيني
يعني لا احد يكره او يتضايق بخلقته او شين فيه لانه مايندرى وين الخير فيه حتى لو ربي خالقه بشعر ليفه مثلا وماخذ ثلاث ارباع حجمه ما يدري يمكن يوم من الايام ينبش بشعره ويلقى حمام وبيضه وعشهم..كذا يكون حمى اسره من الضياع وكسب اجرهم بشملهم وحماهم من التفكك والضياع
<----------= تراه موب اناااااااااااا
اختكم : جنوو
باياتوو^v^ <------= لازم الصيني ( اصلا هو علامه الجوده )
<----= اشرب مويه برد على نفسك 
