ضحكتك.....

ثوبها من رذاذ وشالها من قصب

قصيدة جميلة للشاعر / مساعد بن ربيع الرشيدي

هات من جمرها وشويّ من كاسهــا

.................ضحكتك طفلةٍ مرفوع عنها ا لعتب

طفلةً تسهر الغيمة بكـــــــــرَّاسهــــا

...............ترسم النجمة اللِّي غافيه بالـــــــهدب

خلَّها تقلب أيامي على راسهــــــــــــا

.................ليتها ماتملّ ولايجيها التعـــــــــــــــــب

خلها بالضلــــوع تشب مرواسهــــــــــــا

.................القصــايد تبي دافع قِـــــويّ وســـــبب

كِلِّ مـــاجا يزخّ العطــر نسنـاسهـــــــا

.................ثوبها من رذاذ وشالها من قصـــــــــــب

خبنّي بين حدّ الصحــو ونعاسهــــــــــا

.................لحظةٍ فارهه لين اتســـاقط رطـــــــــب

لحظةٍ باذخة تذبحك باحســـاســـــها

..................كنَّهـــا تبعدك عنّي وهـي تقتـــــــــرب

هاتها يابعد عمــــري... بعد ناسهـــــــا

..................ضحكةٍ ماربت بشفـــــاك ماتنحســـــــب

عاد لي ريّع النعناع بانفاسهـــــــــــــــــــا

................لعنبو شعرٍ بذاك الوقت مـــا ينكتــــب

مساعد بن ربيع الرشيدي

قصيدة رائعة جداً ..

اشكرك أخي سهيل التميمي ..

على الاختيار الجميل ..

يعجبني ما تـقدمه

المعالي.

ماعليك زود أخوي .......

والحقيقة أني أشوف ربعنا كن فيهم غياب عسى المانع
يكون خير إنشاء الله ....

وشكراً لك مرة ً أخرى ..........

هلا بريح النفل والخازمى .هلا بذباحة الحيل.
مشكور ياكثير الخير ويازين ماجبت واخترت .سهيل التميمي الله يتمم علينا وجودك ولا يحرمنا مشاركاتك المتميزة .

ساري ..... ياهلا والله بكم

ياخوي ماتحس أن المجلس مابه هاك التفاعل اللي أول

.... والا يمكن أنا غلطان ............

هلا والله بأخوي سهيل .لا والله منت غلطان بس خبرك ايام حج والناس مشغوله والكثير مسافر والباقي يدورن على الضحايا الزينه الله يقبل من الجميع ان شاء الله .

سلام.....ياسهيل التميمى
تسلم على هاالرائعة وكلك ذوق ونطمع باكثر....وسلام
.....................الأميرة...................... ...............