شكرًا لك: 0

شـُكر 0 مرات عن 0 مشاركات

من مذكرات داشر



يا شباب الكلام يبي يطول شوي بس اقروه كل وراح تضحكون بقوووووه






يومني صغيّر ...كنت راعي أفلام كرتون وحافظهن كلهن إلين هالحين بعد من كثر ما شفتهن..

ما يمر يوم إلا وأنا صافطن لي ثلاث أربع أشرطه من زود الشفاحه..وبعض المرات يجونّا بنات جيراننا الصغار يناظرونها عندنا وإن قضينا نقوم نلعب ...ودوووووك يا تحجير في السيب اللي ورى بيتنا..الله المستعان بس..

كنت ألعبهم غصب لعبة شرطي حرامي واخليهم ينحاشون وانا أركض بشويش من زود العفانه
لين ما ياصلون السيب اللي ورى..عاد ذاك الوقت تطلع السرعه الصدقيه...ثم أمسكها بقوووه واقول إيه ساد عشان ما تنحاشين خخخخخخخخخخخخخخخخخخ الله يغفر بس....

كنت أطالع هايدي...يا سلااااااام بس عالخضره والجبال اللي فوقهن ثلوج وذا المياه اللي تتكبكب ومحد سأل عنها مهوب مثلنا فيذا الله يخلف..
لو أشغل الدينمو عشان أسقي الزرع يمر ابوي وهو يناظرني بنص عين <-- يعني يقول ابلع العافيه وطف الدينمو والا فقشت رآسك..

نرجع لموضوعنا..

...بس ما قهرني في هايدي إلا ذاك السربوت راعي الغنم بيتر.. اللي مسوي اخلاق عند جد هايدي ويعنني أحافظ على الغنم وأحبهن وهو من جنبها..

عاد حركاته مكشوفه هو وخشته..أجل يصد هو وهايدي في حدا هالشعبان ويقعدون يسولفون وهم متبطحين.. ويييييين يا عمي..؟

لا والمشكله إذا قعد يوري هايدي المعيز الصغار إذا بغن يرضعن..يطمن تحت بقوه ويخلي المكان اللي جنبه ضيّق ويقول لهايدي تعالي وانظري..!! خخخخخخخخخخخخخخخخخخخخخخخخخخ

آآآآبووه ذا السرمادي ولد قريح ..لو فيه خير أصلا كان راح يكمل دراسته ما يجي يطامر ورى ذا الغنم ونصف البلا عاد من هايدي..بلاها مهيب تلبس شلحه أبد ذا المارجه..وكل ما هبت شمال طلعن ذا العصاقيل.. ثم يفق بيتر خشته ذا الضعيف..قسم بالله عاد بلاه ما قد شاف خير...
إن راح لبيتهم مهنا إلا عجزٍ متجمعات ويخيطن ثياب.. وخبري بجدته أجوديه وبنت حلال بس بلاها عمياء وإلا تسان تشوف حل لبيتر ذا الكلب... ههههههههههههههههههه

وصراحتن ما قد شفت مثل أخلاق سالي عاد...بنت مؤدبه ومحترمه وهاديه مره وطخما إلين ما قالت بس..<<< وهذا المهم ههههههههههههههه

كنت اتحسر إذا شفتها تشتغل خدامه ...مهوب لأني راحمها وإلا شي..لالا..بس ودي تجينا شغاله مثلها..خخخخخخخخخخخخخخخخخخخخخخخ

والله بلاكم ما تدرون...شيون سيرلانكا كلهن قد شطفن بيتنا وإشتغلن على سنتين.. واللي قاهرني..فوق إنهن شينات...ذا التحجير من جدتي الله يهديها..إن جيت من الجامعه تشيل الغداء وتطمر وتوافيني عند باب المجلس <<< كنها تقول لا تدخل بس بأسلوب ...هههههههههههههههه
وزود على كذا تعبي رآس أمي قبل لا نستقدم الخدامه..تقول إذا عطوتس النموذج إكتبي في المواصفات : سوداء وقبيحه..<--- جدتي فيها نذاله مهيب طبيعيه..

من جد مافييييه إلا شغل لكاعه عند جدتي ذا اليومين...

عاد قبل أسبوع وديت جدتي والخدامه محل أبو ريالين خخخخخخخخخخخخخخخخخخخخ طاحت في حركات المراهقه تالي عمرها مسويه رحوووووومه جدتي شاريه للخدامه مناكير وغوايش قبل لا تسافر خخخخخخخخخخخخخخخخخخخخخخ أنواااع الذله عااااااد....تخليني أشيل الكيس حق الخدامه وامشي وراها وهي تتقضى..

...وذا الايام أقعد مع اخواني واناظر ذا اللي يجي العصر ( الاسطوره زورو).. والله يا هو قلب بيتنا فوق حدر..عقب ما تنتهي الحلقه..تشوف أخواني ذا القشران كلن لابسن عباة وفاتحن النقاب وخذ يا مطامر يقلدون زورو..
ولازم تآخذ حذرك وانت تمشي في البيت بعد..يمكن يمحطك واحدن مع مقفاك بمعلاق ثياب يعنني معي السيف حق زورو خخخخخخخخخخخخخخخ

وبما إن فيه ترابط كبير في افكار الموضوع.. من اللي قد شاف فيلم تايتنك..؟ <<<< عقب هالسؤال...شف صرفه للبزران اللي عندك..

بس ما راح نتكلم عن الفيلم وأحداثه المثيره للشغب في أي ملحق شباب... وبما إن الفيلم فيه حرمه وسياره ومدري وش بعد... ودي اناقش ذا المطافيق اللي يطالبون بقيادة المرأه للسياره...ولا تقولون وش دخلها في الفيلم...؟ بالعربي طنّت في رآسي وبس..


من إحدى الأمور المهمه اللي أراها تستحق النظر..هي الحط من كرامة الشاب السعودي..إي والله إني صادق..أجل تخيل واحد واقف عند إشاره ومعه ددسن وتوقف جنبه ذيك البنت اللي معها لكزس خخخخخخخخخخخخخخخخخخخخ..

اقسم بالله غبنه من جد.. من ناحيتي انا والله إني بنشبها في زباله إذا ولّعت الاشاره هههههههههههههههههه

------->> واحد من اخوياي يقول إذا ساقن الحريم بشتغل في مطعم عشان الطلبات الخارجيه.. يقول بكثّر لهن كتشب ومايونيز عشان يصيرن زبونات خخخخخخخخخخخخخخخخخخخخخخخخخخخ

عاد إذا الدعوى كذا انا بشتغل حلاق ... وكل شغلنا في الخدود وما جاورهن..خخخخخخخخخخخخخخخخخخخخخخخخخخخخ

إنتهت الخنبقه بحفظ الله ورعايته...وأنا بمشي..ولحد يقوم من مكانه..

بس لا أوصيكم...إستروا ما واجهتوا... ولحد يعلم جدتي اني قلت ذا الخنابيق ترى تفقع وجهي قسم بالله..



ولكم التحية





المصدر>>>==========-------------- الايميل




أسير الحب


باااااياااااااااتووووووووووووووووووووووو