مرحبا وهلا وغلا .....يمكن خطر ببالي موضوع ماله داااعي بس بصراحه محيرني ويستاهل اني اتكلم عنه مع اني ادري انه ماراح يصير يعني معصي او امش بوزي منه لانه من سابع المستحيلات
الموضوع اللي شغل بالي هو ليش مو البنت هي اللي ترقم الشاب ليش حنا دايم اللي نرز وجيهنا ونضحي بمستقبلنا ونحلق صلع اذا مسكونا الهيئه ويكتبونا تعهد ليش مو الهيئه بنات مثلا هههههههه
تخيلوا الهيئه بنات ومطوعه بس طبعا بدون لحيه هههههههه
المهم تلاقين الواحد من الصبح راز عمره ويجهز ثوبه ويكوي غترته ويجهز العطر واذا مالقى عطر مافيه مانع ملطف جو يمشي حاله وتلاقينه مشتط (يعني مرتز) والمسكين يجلس تقولين جالس يحل الواجب وهو يالمسكين جالس يسوي كروت وارقام ويكتب بالورقه هذي فيصل وهذي الورقه خالد والورقه الثانيه الوليد تكفااااااا ومناك اسمه عنبر ولا مفتااح خخخخخخخخخخخخخخخخخخ
والله عذاب وتلاقينه اذا دخل المجمع مايقدر يطالع يمين او يسار كله من البنات علشان ماتخترب شخصيته شوي شوي ياريكي مارتن الحين بس ريكي وش دخله بالشماغ ؟؟؟؟ المثل غلط مايركب اسحبه
المفروض بصراحه حنا نجلس والبنت تجي وتقط الرقم علي وانا جالس في الكوفي شوب ولا اتمشى وتغمز لي وتقط كم كلمه وش الحلو ذا لالالالا مقدر على كذا وش العطر الحلو هذا ومناك ملطف جو بس هي تبي تحتك لزوم الشغل
وحنا نتغلا ونقول وش تبين انتي والله لو مامشيتي لعلم عليك الهيئه وش ذا انتي وخشتك يالله متحاليه وجهك يالله بلا ازعاج وتلاحقنا وتحتك وحنا نقول لا . المهم تحط الرقم بالكيسه واسوي نفسي مادريت يعني ثقل واكلمها واقول ايش قلة الادب هذي ماتستحين انتي تسوين هالحركات ترضين بنت ترقم اخوك مو عيب عليك وانتي عاااد تسوي فيها بنت فاهمه وتردين عليه مو مني سامحني والله غصب عني ماقدرت اقاوم هالعيون الوسامه الثقل .. عاد حنا نخق ونغتر وعلى طول نشبك . وانتي طبيعي تقولين ممكن تعطيني رقمك لو سمحت وشي طبيعي الشاب بيرد رد طبيعي مو من اولها خليني اتعرف عليك اول . وبعدين مقدر اعطيك رقمي اخاف من خواتي ههههههههههههههههههههههه
ليش البنت ماتتكلف ليش الولد هو اللي يتكلف دايم يعني البنت لو تجي بلموزين ماعليه حلووه ومافيها شي وعااادي ..والولد لو جاء بلموزين قامة القيامه ولو البنت جات بدتسن وش فيها مافيها شي بس الولد لو سواها هذاااا عربجي ياااااااي وش ذا فهد بن سعيد على غفله .يعني لازم اتسلف واشتري موتر صح واركب نفسي ديوووون علشان اكون حلو والبنت تطالعني وتشوفني
بس ماعليه راح يجيكم يوم ياظلمه والله على الظالم
اول شي البنات مو حلوين انا مااحبهم ومابي ارقم.. مو الجوال نزل من عشره الاف الى 300 ريال انا بصبر الى مايجي اليوم والبنت هي اللي ترقمني . وياني بسوي بلاووووي ياني بثقل ثقل ااااااااف ياني فيني حره عليكم . اول شي بس بجي المجمع اقهر واطلع بس وماني جايب كيس معي يعني معصي ترقمني
اعتقد هاليوم ماراح يجي مادام البنت السعوديه بنفس ثقلها وحلاوتها وطيبتها وروعتها ورقتها ومافيه زيها بنت والكلام للخليجيه بعد بدون نقص . الخليج طبعه غير وهو الشي اللي مانلاقيه برا لوسافرنا يعني مثال في شرق اسيا، الفلبين تايلند، جاكرتا هالدول حقت الفنس والله هم اللي يرقمونك هههههههه وياني اثقل ثقل واتغلى ياني احس بشي حلووو والله ماتنلام البنت ان ثقلت شي حلووو شعور غريب وخاصه اذا عرفت ان في شخص يلاحقها ياهي تلتهه وتجيب فيه العيد . طبعا مافيه مقارنه بين بنات الخليج وبنات اي دوله ثانيه هم الحلى كله وهذا لايق عليهم
المهم الموضوع مجرد تعبير عن راي وحبيت اشاركم فيه يعني لاتواخذون على كلامي وابيكم توسعون صدوركم
واللي في القدر يطلعهو الملاسو
ويامن شرا له من عله حلاله
( بصراحه انه خطير وخياله خصب جدااااااااااااااااااااا) ولا وش رايكم؟؟؟؟؟؟؟
