ماذا قال غازي القصيبي عن باريس نجد؟

قال :

إن الذي لقب مدينة عنيزه بباريس نجد إما أنه ما شاف باريس أو انه ما شاف عنيزه.

فما رأيكم بمقولته ؟

الأخ ابو ياسر :

اولا وين قال هذا الكلام (في اي كتاب او مجلة او ...)
ثانيا وش المقام اللي خلاه يقول هذي العبارة .

مع خاص الشكر
دلال

الظاهر إنه قالها في أحد اللقاءات الصحفية اللي تسويها معه الجرايد...
على العموم مقولته هذي مشهوره عنه فإذا كنت سمعت أو قريت الكلام هذا من شخص آخر أرجو تنبيهي...وشكرا

الاخ ابو ياسر : قولت( الظاهر ) ما تشجع ان الواحد يناقش في هذا الموضوع لان احتمالية ان الكلام هذا غير صحيح يعني ما قاله غازي القصيبي احتمال وارد ، فما اعتقد انك تلقى احد يبي يناقش موضوعك هذا وانت معتمد على ( الظاهر )

دلال

حنا بعد ما يشرفنا نقارن بباريس
ولا فيه وجه مقارنة
حنا بلد مسلمين واهل حضاره انسانية قديمه
و باريس وع
تسني عاد شايفن باريس
ابعد ما وصت صعافيق

عموما يا أخت دلال بغض النظر غازي القصيبي قالها أو قالها أحد غيره....
حنا ودنا نسمع راي الاخوان بالمقوله نفسها لأني سمعتها من كثير من الشباب وخاصة اللي ما يحبون عنيزه

الاخ ابو ياسر بعد التحية والسلام احب اقولك انه يمكن ان هذي العبارة مقيولة من اللي انت قابلتهم كنوع من اثارة الحفيظه للعنيزاويين والواجب في مثل هذي الحالة اننا ما نكبر الموضوع ونعطيه اكبر من حجمه الطبيعي لان الموضوع يمكن انه ما يتعدى كونه دعابة .
واحب الفت انتباهك الى ان غازي القصيبي او اي واحد بشعبيته ماهو بحاجة الى انه يستعدي اهالي ديرة كاملة فمهما كان لو طلب رأي القصيبي في مثل هذا الموضوع اكيد انه يبي يقول ان عنيزة مدينه جميلة وادعه ومن هالكلام هذا الي يتكرر دايم في مثل هالمواقف .