مسيكم بالخير جميعا ....
أخباركم ؟ علومكم ؟ تمام ؟؟ الحمد لله .
بصراحة أنا لاحظت التباس على سكان عنيزة حول المطاعم الجديدة التي سيتم افتتاحها في مدينتا الغالية ... من هذه المطاعم ( الطازج ) و ( طازج الأسياح ) .
واليكم هذه القصة ..
واحد من الجماعة : مطعم الطازج يبي يفتح عندنا بعنيزة تصدق ؟؟
واحد ثاني : لا يا شيخ قل والله ...... وين هو به ؟
الأول : شفت العمارة الكبيرة اللي عند النقل الجماعي هذاك هو .
الثاني : الله يبشرك بالخير .. طيب سؤال ... المشروع اللي بتقاطع السفير مع ولي العهد وشو ؟؟؟
الأول : والله علمي علمك بس يقولون انه مطعم بعد .
الثاني : بعد ؟؟؟؟
المهم انا صراحة عجزت اصبر على هالمعلومات اللي تضيق الصدر فقلت لهم ياجماعة الخير تراكم خالطين الزيت مع الماء ...
العمارة اللي جنب النقل الجماعي هذاك مطعم ( طازج الأسياح )
والمشروع اللي بتقاطع السفير مع ولي العهد هذاك مشروع مطعم ( الطازج فقيه )
وحرصا على ايصال هذه المعلومات الى سكان عنيزة كافة الذين عندهم لبس في هذا الموضوع مثل اخواننا اللي فوق فكرت في نشرها في هذا المجلس .
ارجوا اني وفقت في هذا العمل ... والمسألة كلها هي جعل هذه المشاريع التي تجعل من عنيزة مدينة متكاملة وحضارية واضحة لساكني هذه المدينة الغاااااااااالية ... وتقبلوا تحياتي ...
قلــــــــــــــــــــــــم صريــــــــــــــــــح
