رحله الى البر ( لا تفووتكم ) !!

هذي قصه حلوه وصلتن على الايميل وحبيت انقله لكم !

السلام بالاول..هذا يوم من الايام الشتويه الرهيبه اتقنا انا والشباب نطلع البر نخيم لما كم من يوم نوسع الصدر فيها.....
فاتفقنا انه يطلع اثنين مننا يروحون الموقع المتفق عليه بالبر ويحطون الخيام ويزينون العفش ((يعني الاغراض)) ويقعدون هناك يحرسونها الما يجي اليوم الثاني المهم رحت انا وواحد من الشباب علشانه مافيه الا انا وياه الي ماعندنا شي وفاضين .....

رحنا الموقع ونصبنا الخيام ونزلنا العفش من الددسن العراوي ...وقعدنا شوي شوي الما اظلم علينا الليل ..شوي حسينا انا وخووي الي اسمه عبد العزيز بالجووع وانا وياه دلوخ ولا واحد يعرف حتى يسوي بيضه مسلوقه..قال خويي خلاص انا بروح اجيب لنا عشا وانت تقعد هنا .. قمت انا وافقت وياليتني ما وافقت ..يقالك اني مسوي شجاع ..قلت له رح ما عليك انا ادبر نفسي.. راح عبد العزيز وقعدت انا بالحالي ومن جد توهقت ..
وزياده على اني خايف وميت من الخوف وجيعان ووحيد بالحال بالبر زهقت وانا اشين شي عندي الزهق.. واتذكر انه معنا عود حق واحد من الشباب جا يبينه.. والله وانقز وادخل الخيمه واجيب العود واجلس فوق المركا تقول كاني عبادي الجوهر وانا ماعندي سالفه..قعدت اخربط بذا العود واخرش حتى اني اتذكر انه كان حوليني خنافس وحاله واشياء تدبي واول ما بديت العزف ما لقيت شي من الازعاج..
والله واتكي واخرش شوي على ذي الاوتار واطبل شوي فوقه ولا اروح جمب النار العب فيها واشوي ابو فروه((ابو فروه على مااظن يسمونه الكستناء وهو حاجه بنيه مدوره تقريبا يحطونها على الجمر ثم يقشرونها ويا كلونها)) وقعدت العب فيه هو والعود..
شوي الا اقز لك انوار سيارات من بعيد شويوافرحت حسبت انه عبد العزيز جا يب العشا..
ماادري الا صار موب هو صار جيب لاند كروزر موديل 2001 فل كامل مع فتحه وطيس ولونه لؤلؤي..قلت وووويييين ما فيه امل يصير ذا الددسن
المهم وقف الجيب بعيد شوي عني وانا بديت ارتجف..شوي قرب..قرب..قرب
الما صار قريب مني يعني يمديني اشوف الي جو السياره
قعدو يناظروون فيني يحسبون اني جني ولا شي اما انا من ناحيتي متاكد انهم بشر لان ما فيه جن معاهم جيب لاند كروزر المهم انفتح الباب ونزلت منه وحده طاقه اللثمه وانا الي اقز جوا حوالي خمس بنات كل وحدة تقول للقمر قم واقعد محلك وقامت عيوني فتحت وقبقبت وسعابيلي سالت وراح عني الهم والجوع والخوف والبرد ..شوي قربت من البنت وقالت لي السلام عليكم ...قعدت انا شوي وقلت وعليكم السلام ثم قالت لي انت ضايع ؟؟؟؟
قلت بالله عليك قد شفتي احد ضايع ووراه خيمتين واغراض وحاله قالت لا بس ليش انت بالحالك قلت لا معيخويي بس راح يجيب عشا المهم ثم قالت لي بالله عليك عندك موييه؟؟
قلت انا ايه شوفي الترمس جمب الخيمه واشرت على المكان شوي راحت الجيب وماادري وش قالت للبنات ثم نزلت ثنتين وجابت معها ترمس صغير وراحوا عندج الترمس حقي حق الماء.. وهم رايحين مرت من جمبي وحده لا اله الا الله....عيون زرق والله اني ناصاب مع ذا الظلام ماادري كيف شفت العيون المهم وشعر زي الحرير وجسم انا الشماغ الي متلثم فيه تسبح من السعابيل وعيوني من جد تفتحت المهم واقوم وازين الشماغ والبس اللفروة واتكتم فيها وامسك العود تقول كاني خالد عبد الرحمن وابد اعزف بشوي شوي علشان مايسمعون ..بس اني خفت من انهم يقولون لي اعزف لنا عاد ذيك السااعه من جد اتوهق المهم قعدت اناظرهم الما خلصوو قاموا راحوا ركبوا السيارة الا البنت الي جتني اول مره والثانيه الحلوه ام عيوون زرق..
جت ماادري وش تقول شكرا ما شكرا وتامر شي وماادري وش تقول لاني كنت مقبب عيوني بالحلوه الي واقفه وراها وانا اقول في نفسي هاه يا ابو شعيل اذب لها الرقم ولا لا وبدت الافكار الشاعريه وقاعد اتخيل انا وياها فوق الطعس عند الغرووب وانا قاعد ابوس ... ااا عفوا قصدي اتغزل فيها تقول كانه فلم مدبلج مكسيكي ...وشوي انفتحت قزازة الي جمب السوااق
وناظرت اثنين راكبين قداام ..اووووف اووف اوووف .. كل واحد منهم يقول قم يا جبل اقعد محلك.. اثنين عديمي لون البشره عريضين المنكبين والكتفيت كبيري البراطم منتفختا خدودهموكل واحد يقول ميد الثاني زحف وهم راكبين قداام
قمت انا تسكررت عيوني وقفل خشمي وتكمكمت في فرووتي وتلثمت بشماغي .. وانا قاعد اقول الله يستر الله يستر شوي الا ذا عزوز بالددسن جااي يراكض
يبي يعرف وش السالفه وانا انا ظر وجهه بدت الملامح المماثله زيي ما صار لي بدت سعابيله تنقط وعيونه فتحت وقمت انا على طول عليه ووجهت وجهه للي قدام وصار له نفس الشي وراحوا البنات وقعدنا انا وعبد العزيز بالبر نستنا جييب ثاني ...."

___________________________

وع تحياتي ... أسير الحب

باااااياااااااتووووووووووو

الله تجنن القصه منزمان ما رحت للبر خاطري ارروح

اقووول اسير الحين القصه صدقيه ولا لاء

اذا صدقيه انا

طيب مشكووور على القصه بسألك النها يه ما فهمت معليش تفهمني تراي مفهيييه كل صديقاتي يطنزون علي لأني ما افهمت بسرعه واتنح شوي واستيعابي بطييء يضحكون واذا قضوا ضحكت انا

يا حياتي انا بس مسكيينه

المهم فهمني النهايه تكفي لان القصه تهبل ليتني موجوده معكم ولا تتطنز علي

اصـــــــير ترمس ماء

قسم بالله ان القصـــــــه رهيبه يا عبـــــــادي ..

<<<<<<<<<<<< راح يقول لــ ربعه يخيمون يمكن يطلع لنا مثل اللي طلع لك ..

ايييييييييييييييييه قريت الموضوووع مرره ثانيه لووووووووووووووووووووووول فهمت لوووووووووووووووووووووووووولات ههههههههههههههههه

حسافه اني ماكنت مو جود ههههههههههههه

لاكن السنه الجايه بخيم لين ما يجي جيب 2001 لاندكروزر

وبخلي خويي كل يوم يجيب عشا على شان يدخل لديره

بس حسافه القصه انك ماتعاملت زين مع الشابات الطيفات خليتهن يروحن

ما قهويتهن يا البخيل على الاقل كان عشيتوهن من العشا الي جابه الخبل عبد العزيز
او بس جا على شان يبقق عيونه عههههههههههههه

علىى العموم انشا الله تطلعون السنه الجايه ويتكرر الموقف ونسمع تكملت السالفه ههههههههه

بانك تعاملتو انت وعبد العزيز زين مع القصه الله يرجكم

باي

أدوات الموضوع	إبحث في الموضوع
عرض نسخة صالحة للطباعة أرسل هذا الموضوع إلى صديق	إبحث في الموضوع: البحث المتقدم
تقييم هذا الموضوع
تقييم هذا الموضوع:

الذين يشاهدون محتوى الموضوع الآن : 1 ( الأعضاء 0 والزوار 1)