بصراحه عقب ما قريت الموضوع ماقدرت امسك نفسي من الضحك وللعلم بعض هاذا الكلام صحيح .....
'طبعا مو قصدي اسئ لشباب بلدي بس الدعوه كلها صرقعه مع المصرقعه
وكما اتفقنا الموضوع منقوووول وانا مالي دخل بس ترى الدعوه كلها مزح في مزح يعني لاحد يزعل
فأهلا وسهلا بكم في هذه الجولة السياحية في ربوع شباب بلادي
شباب مـــــــــكــــــــه
معروفين بالمشاكل والمضاربات ..ومن شروط المضاربه لديهم أنه يكون لديك ساطور أو سكين .. وياويلك اذا دخلت حارة وعملت مشكله مع اي واحد منهم .. صدقني وقتها راح ينزل لك منتخب كاااامل زي منتخب نيجيريا كذا وعاد مااحرق عليكم الباقي .
بس للأمانة فهم شبااااب دمهم خفيف مبسوطين دائماً .. مايعترفو بكلمة مااقدر.. يعني لو قلت لاي واحد منهم هيا بنا نمرح .. يقولك اوف كوررس وفي رواية "قداااام"
ومفردهم مكاوي وجمع المذكر السالم مكاويين ..
وفيه مثل اعجبني يقول "اذا معاك ساندوتشه .. لاتروح المطعم" << انتبه بعدين يدحكوووو عليك .
ومن العبارات الشائعة لديهم مثل .. "ودين صلاة امي" .. "ياواد سيب الهيامه" .. "استنا شويه دحينا اهرجوووو" " مكة حقنااااا"
ويا حبهم للفلسفه .. في كل شي عارفين ..وما فيه احد تسآله ويقولك ما اعرف.
اهتمامات البعض منهم منصبه على كرة القدم << مع انه ماادري فين يلعبوها كل الدنيا عندهما جبال.. الترفيع بدباب جي تي .. تشفيط غراء.. او احتساء كاس من الكالونيا.. وبعضهم لحبه للمنتجات الوطنية قام بإستخدام الخل او زيت الفرامل لزوم المزاج والروقااااااان .
شباب الطــــــــائف
عاد انتو ترعرعت بينكم .. سهل التعرف عليهم بدون الحاجه إلى معامل مخبرية او تشريح .. راح تعرفهم من طريقة لبسهم للطاقيه ... من شروط اختيار الطاقية المناسبة أن يكون إرتفاعها 150سنتيمتر وعرضها 5 سنتيمتر .. لما تمشي بينهم تحس انك ماشي بين ناطحات سحاب مو بشر ويرتدون طواقي..
مشاء الله عليهم دائماً تجد فيهم النشاااط والحيويه لدرجة انهم مايناموا في الليل وعندهم شي واحد مشهووور الا وهو الحبوب ومن اشهر انواع الحبوب لديهم نوع يسمى (الشبح) حتى أن احد الشعراء تغزل في حبوب الشبح وانشد قائلاً :
بلادي بلادي بـلادي المـرح ...
وفيها حبوباً تسمى الشبح...
تلجلج تلجلج تجيب الفرح...
وعندهم منطقة مشهوره على نطاق دول الخليج "الحوية" التي تعتبر الموزع الرسمي للشبح .. ويقال قديماً في المثل .. الحوية حبه لك وحبه ليه!!
ويتصف شباب الطائف بأنه البعض منهم عدواني.. واذا مثلاً صادف انه عينك جات في عينه .. راح يتمدد صدره ويشمر عن ساعديه ويقولك : خير!! ايش فيك تطالع ؟؟
وعليهم محشاااااات رهيبه لاتفوتكم.. وكل كوم والسواقه عندهم كوم .. تحس انهم جالسين يلعبو (درايفر)
القيادة فن وذوق وأخلاق << لكن عندهم القيادة لا فن ولا ذوق ولا أخلاق
اهتمامات او احلام البعض منهم: تقضيم حبوب .. وبعدين تمسك معاهم على بلوووت سبحان الله يستفيدو منها في حاجه مفيدة!!.. والا لفلفه في الشوارع .. او التخرج من الثانوية العامة بتقدير جيد ويشتري دباب اربع كفرات ويشتغل عليه << ما الؤمهم نظراً لتدني سعر صرف الدولار مقابل (صرف عشرة ريال ياشباب)!!
او تشتري قراندي موديل 88 وتسدح خشمها بالارض وهاتك تلميع في الكفرات والصدام ..بزيت فرامل <<< من جد مستلجين !! ومن ثم التوجه الى منتزه الرداف ويجب أن يكون بحوزتك شريط لمزعل فرحان او فهد بن سعيد ويكون مسرررررع<<(ارجع وحط شده على حرف الراء).. وبكذا تكون حققت قانون طوني في علم السلطنه والطرب!!
شباب جــــــــــــــــــده
منتشر بين البعض منهم الكذب بصورة كبيرة ومخيفه .. حدثني احد الزملاء قائلاً اسكت ياعاشق امس رقمت خمسة بنااااات وراء بعض !! قلت له : اجننت يا خدمي .. والله لو انك الحين في شيكاغو ماسويتها .. ابوووووك يا ريكي مارتن!!
وغيرها الكثير ..
ويجيد شباب جدة فن التعامل بلغة الأصابع ومن اشهر أنواع الاصابع لديهم اصابع الحشيش الغنية بالمعادن الطبيعية وكذلك اصابع يدي بس الى الأن مانزلت للأسواق بخليها مع العيد!!
ويشكل الحشيش احد اهم الجوانب الترفيهيه في حياتهم .. بالاضافة الى المشروبات الروحية << ياروحي ياشيخ !! مثل : البيبسي << ياكثر المدمنيين عليه .. .. البيره مع البندول << ياشباب خطيره جداً على الكبد لا احد يجربها رجاءاً ..
كذلك الــgirlfriends .. لازم تكون مشبك بنات او تعرف بنات والا راح تعتبر شاب متخلف وعقليتك لا تتواكب وتتماشى مع متطلبات العصر والامم المتحدة..
و اذونااااااا الخدم بتقليعاتهم الغريبه .. زي اللي كاتب على سيارته Eminem او Nana <<< ليه انا اسم امي ماكتبته على سيارتي !!
وبالقوة يبغو يقلدو تكارين امريكا .. صار السلام عندهم whassup brother!! <<< وياالله لما يجي عندك ويقولك هيه .. تحس انه يتفل عليك !!
وفيه بعض الشباب حاط على صدره 10 كيلو سلاسل << على باله راح يطلع صداااام جيمس .. وبعضهم يلبس اقمصه عليها شعارات واحرف غريبه وهوا والله مو داري ايش معناها JBP -Jewish best people
اعوذ بالله من جد شباب مهدد بالانحراف
اما اهتماماتهم : لف سجاير – الفشخره الكذابه – الطفش .. كل مااجلس مع احد منهم قال طفشااااان – تشجيع الاتحاد – سرقة الايميلات– الكذب – المصلحه ... يعني اذا ماكان معاك فلوس .. والا ما عندك شقة خاصة فيك والا منته مستأجر كبينه فمحد راح يعطيك وجه – مطاردة البنات << اما ذي النقطة فهم مبدعين فيها عمى في شكلهم يشموا ريحة البنت مع السواق من على بعد 40 كيلومتر...
شباب بـــــحــــره
كل الترفية .. كل الإثارة .. كل الأكشن .. كل الأسلحة لدى شباب بحره <<< طيب ياشوتايم .
البعض منهم اذا طفش مره قام بعملية قنص لعيال الحارة بالرشاش .. وإذا كان مزكم ومريض يتسلا مع اهله بالرشاش في البيت ..
وحتى كبار السن عندهم مصرقعين ..مره جلست مع شايب مغمور وبدا يسرد علي مقتطفات من مغامراته وفروسيته في الماضي ..واللي قاهرني انه كل شويه يسب فينا ياشباب اليوم واثناء سرده لاحدى المغامرات الشيقه.. قمت بمقاطعته قائلاً : اخس ياجيمس بوند .. رد علي بغضب قائلاً : اعقب يابزر النيدووووو .. عوذه .. عوذه منكم يابزارين اليوم !!
ثم سألته ماهو رأيك ياعم في قيادة المرآه للسيارة ؟ في محاولة خبيثه مني لتهدأت الوضع ..لاني عارف انه راح يلعن ابو جدي .. عشان كذا قمت بالاستعانة بالعنصر النسائي في سؤالي..لزوم الإغراء .. ايش تعرفوا انتو !!
اجاب قائلاً : تخسي ثم تخسي ثم تعقب .. الحريم مالهن الا مطابخهن !! وبعدما حسيت انه الوضع تفجر قلت : ياعم ما كأنه العشاء تأخر؟؟ << ايوووووه خلك مؤدب ومالك ومال الخوض في السياسة..
شباب المديــــنه
مدري ليه شايفين نفسهم .. يتكلم شويه وبعدين يقول اناااا من المدينة ... على عيني وراسي من المدينة بس اعصابك !!
وعندهم قهوة مشهوره اسمها ابو .. والله نسيت .. المهم انها ابو حاجه لو ضربتك فيها لنسدحت صريعاً ..
ولكن صدقني راح تحب المدينة بغض النظر عن شبابها لانها مدينة الرسول صلى الله عليه وسلم ..
شباب ينبـــــــــــع
يوووووووووه بصراحه تخاف منهم .. فعندهم ثقافة شباب الطائف ومكة وجدة بالاضافة الى ثقافتهم الخاصة والتي تعتبر غريبه .. فإذا كنت ماشي على رجلك في ينبع << ( تلفها في خمسة دقائق !! ) فراح تجد انه الكل يضرب لك بوري هاه مشواااااار وانا مطنش واعمل نفسي اني ابكم !! ابغاهم يريحوني وينقلعوا ..
شباب الريــــــــــــ ــــــــــــــاض
رأس مالهم الشماغ والعقال .. دائماً لابسينها .. مشاء الله عليهم مشخصين في كل وقت وفي كل مكان << صار نسكافيه!! .. تجدهم مشخصين عند الأكل .. عند النوم .. عند الحلاق ..عند الاشارة تكون الساعة..... هاهاااااااي ..
وبعضهم اذا شال الشماغ عن راسه راح تشوف جزر اندونيسيا في راسه<<< بالله بغينا تذكره ذهاب وعوده !!
واصحاب مصانع الاشمغة مستغلين مدى تعلق الشباب بالاشمغه وحبهم لها.. وكل شهر نازل شكل جديد .. مساكين الواحد ما يلحق يتهنى ويفرح بالشماغ اللي اشتراه ..
وعندهم قمة الترفيه والترويح عن النفس أنك تطلع القهوة مع اصحابك وتجلسون تتفرجون على الدش .. والمكيف شغال وابن امه يفتح فمه !!
لكن للأمانة ماعندهم لاحشيش ولا حبوب .. لانهم كذا بالفطره مرتفعين .. بس انته قول السعوديه فازت .. وتعال شوف الجنااااان .. والا قم بتمرير عبايه مخصره من عندهم يؤؤؤؤؤؤ ويش ذااااا الزين والحلااااا..
اهتماماتهم .. مشاهدة افلاااام التفحيط ... دخول الشات ثم كتابة عبارات غريبه زي (لؤؤؤؤؤؤؤؤؤؤؤل) << انا ودي اعرف ماهو موقع الهمزة من الاعراب في الكلمة السابقة ..سؤال عليه درجتين!!
بسهوله راح تجدهم وتتعرف عليهم من ملابس بعضهم .. قميص نوم وفوقه طاقيه .. والمشكله يطلع فيها ويروح كل محل .. المسجد , السوق , الملاهي , الماسنجر ..
وفيه بعضهم مرررره ماتقدر تاخذ وتعطي معاهم شايفين انفسهم .. ومره لاغين المنطقة الغربيه من قاموسهم !!
حجاااااازي وجع فجعتن !!
وتقول العرب قديماً قصمنجي .. على وزن افرنجي .. وكذلك قصمنجيه .. على وزن ملوخيه آسف كنت اقصد افرنجيه .. ايش اعمل جيعان !!
لكن يغطون كل عيوبهم بالكرم الزايد ما شاء الله عليهم
شباب الدمــــــــام
رهيبيين وتحف في نفس الوقت.. بس كرهونا في مطعم الطازج كل مره وعازمينا فيه .. ياشباب استحووو غيرو المطعم ..
وماعندهم سيره الا سوق الراااشد <<< ياشيخ الله يستر على شارع الحنان بينبع اللي كله هنود و3 من الفلبين وواحد سعودي << اللي هو انا مضيع !!
اهتماماتهم : يجيد البعض منهم التحدث باللغة الروسية والاوكرانية والاشتراكية وجميع دول الاتحاد السوفيتي السابقة بطلاقة << هذي والله اخرة التسدح في فنادق البحرين.
شباب البــــــــــاحه
ونعم الشباب .. ولكن يلاحظ عليهم كثرة الحسد ونقل الكلام !!..
" سعييييييييد اظهر له كاااامري جديده وفيها بيجر ياخه <<< يقصد جرس السرعة!! واليوم الثاني المسكين سعيييد يسوي حادث بالكامري ويصدم في بيته!!"
واذا مثلا ً عطست فالخبر راح ينتشر في كل مكان والله فلان عطس ويمكن يطلعو عليك اشاعة انك مصاب بحمى الوادي المتفقع !!
شباب جـــــــيزان
عينات كثيره من شباب جيزان خاويتهم وعشت معاهم.. كنا اذا طلعنا نتعشاء سوا وبعد مانطلب ونأكل ونجي عند النقطة الحساسة الا وهي الحساب تعال شوف الاعذار .. والله نسيت ام محفظه !! والله مابش صرف !!
هواياتهم : تخزززين قات .. يشاهد مباراة لازم قات .. جلسه وسهر وفيها ضحك لازم قات .. لعب ورقه لازم قات .. السفر لازم قااات.. تقابل ام بونيه لازم قات ..
واللي شدني انه لديهم انواع مختلفه من القات مثل : القات الحرامي القات جي ال اكس - قات عيد العمال - قات العودة إلمدارس- قات الهكرز العربي - قات اعقلها وتوكل << لدعم الحملة الوطنية للتآمين !! - قات وفنيله علاقي وفوطه << صار فلم مصري !! القات مدري ايه انواع كثيره مشاء الله ..
والكثير منهم يعتبرو محترفين في لعبة "الكيرم" طلعوني من اول ماتش ..
ولكن بيظل فيه هناك شباب من جيزان فيهم الكرم والصدق والطيبه .. ولكن العينات السابقة بتغطي عليهم وتعطي صورة سيئه عن البقية..
الخــــــــــاتمــــــه
[gl]منقوووووووووووووووووووووووول<<<يعني مالي دخل خلاص[/gl] [gl]منقوووووووووووووول>>>يعني مالي دحل[/gl]
والدعوه صرقعه <<<خايفه على نفسها مرره والله من عذرها
.
