بسم الله
بقولكم سالفتي مع المغازل
هذا مره من المراريت تعرفت لي على وحده المهم قالت لي ابغا اشوفك قلت لها معصي تشوفينن ولا اشوفتس ايه هين قالت خلاص اجل الوعد شاليهات اليمامه قلت له بس انا ما معي عائله وهو حق عوائل قالت ما علي منك دبر عمرك وبلشت مدري وش اسوي قلت مابه الا اليبه ورحت لم واحد من الربع وقلت اليوم يومك قال ابشر قلت له السالفه قال ايه وش تبي اسوي قلت له ابيك تلبس عباة وتجي معي تسنك مرتي قال ما يهبا الا انت وحشك قلت وعوووه وراك انت تسذا بس على شان ادخل ولا يدري احد المهم بعد جهد وافق يروح معي يوم رحنا وجينا ندخل الشاليهات قال السكيورتي الي عن الباب ياالحبيب قلت نعم قال انا شاك في المره الي معك قلت له استح هذي زوجتي قال ليش لابسه قراره اجل الحمار لابس القراره المهم قلت للسكيورتي ودي اصير مع زوجتي على انفراد ورحنا للسياره وقلت له الحين ياحمار تنساهن برجليك قال اني دورت كنادر مالقيت قدي ولبست ذولي المهم رجعنا للسكيورتي ودفيناه بميه ريال ودخلنا
يوم دخلنا استاجرت لي شاليه وقلت لهالحمار انثبر لين ارجع لك المهم دقيت عليها جوال ولقيتها طبعا انا قايل لها اني اشبه نواف التمياط ما تدري ان امي متوحمة بقرد
المهم يوم شافتني قالت هذا اللي يشبه نواف قلت لها اهم شي الاخلاق قالت طيب قلت لها طيب وريني وجهس
قالت طيب وانا قاعدن اتلفت يوم فتحت وجهه ضحكت وقلت اها بس شيلي القناع اللي انتي لابسته قالت يا حمار هذا وجهي وع اول مره اشوف شي اشين من
المهم انه ضاق صدري وركبت سيارتي ورحت بيتنا ونمت يوم جاء من بكره الصبح ولا باب غرفتي يطق
واثره الوالد يهاوش افتح يالحمار افتح خذ الله ذا الوجه قلت وش السالفه
واول ما فتحت الباب كف همن ركبه على الطحال
قلت وش السالفه يبيي قال اثرك معرسن وحنا ما درينا قلت والله يبه اني ما اعرست قال الا تو شاليهات اليمامه متصلين يقولون خلوه يجي ياخذ مرته اثري ناسين هالحمار من امس بالشاليه من ضيقة الصدر
قلت لازم اقول لبوي لا يحسبن معرس ضدز المهم قلت له قال امش لم ابوه نخذه معنا رحنا اخذنا ابوه قلت لهم اقعدو انتم انا بروح اجيبه دخلت ولقيته قاعد قلت انت هدر من امس بذا قال وش اسوي اجل؟ قلت المهم امش معي لك مفاجأه قال ولله اني داري انك ذيب تبي تعرفني على اخته قلت ايه امش المهم رحت به ويوم شاف ابو هوابوه يمعط الليور ويقد يلخلخ فيه عاد انا واقف وما دريت الا الوالد الله يسلمه انواع البقوس قلت يبه هماك داقن قال لا عيب هو يدق اولده وانا لا
وش تدور بس قضت السالفه
