بأيي

( بسم الله الرحمن الرحيم )
ــــ
عندمـــا يشلخ الشيبان ..!!!
كنت جالساً ذات قايله مع الوالده الله يحفظها ( لك شهرين ما رسلت لها ريال ياحيوان ..)) ..
وكانت اطال الله بعمرها مشغوله مذيتني بالحش في إحدى العجائز وانا معطيها الخامس .. قالت لي : هاه وش رايك ؟ وانا والله مسرح منيب حولها ما خذتن عقلي سويّر ( انا أغدي بكله في شعرها ) .. قلت لها : اي والله صدق يمّه ماله حق ... في هذه لحظه ولّعت عين الوالده ولمعت مثل ما تلمع عين دوق فليد حق قرندايزر ... وعرفت اني منيب معها في السلفه ..وتناولت اطال الله عمرها ثلاجه القهوه وهبدتني بها على رأسي (( بكل بساطه )) .. وانسدحت تلك السدحه وعلى رأسي بعض النجوم والقواطيه ... وانا ارافس برجي وأقول بيني وبين خاطري : قسم لو ما انتي امي ياشيخه لا اتوطى في بطنك ...
قوشعتني الوالده من على الفراش وقال أغرب عن وجهي .. شكلت لها واعطيتها ظهري وخرجت ... طبعاّ الست هانم لسه مقهوره مني .. وانا مقفي صنتني ببياله شاهي ( بدال تطنيش )
ــــــــــ
توجهت الى المزرعه لعلي أجد ما يسليني عن حب سوير ( انا غدي قلم في شنطتها ) .. هناك رأيت أبي وجارنا أبو هادي قاعدان على ضفاف الساقيه ( إخس ياللي على نهر السين ) وكان ابو هادي حاطن سيقانه في الماء ( الله ... عاد من زينها هالسيقان... غطي الكابرس حقك انت وجهك كخخخخخخخخخخخخ ) ... سلمت عليهم وقبلت رأس ابي وقعدت بجوارهما وكنت معطي الساقيه ظهري فرفسني ابو هادي ووقعت في الماء ( يمزح هو ووجه ... بس اردها في ولده هادي الرخمه ) ضحك الاثنان على هالموقف حتى بانت اسنانهما الي ورى .. وتأكد ان الاثنين من ربع ( القات ) ومسوين لي فيها ان الدخان فضيحه ..
كان الاثنان يتبادلان الشلخ على بعضهما ( المشكله ان الواحد منهم يشلخ على خويه في موقف حاضرينه اثنينهم )... استجمعت شجاعتي وقررت ان أفاتح الوالد في موضوع سويّر ( أنا اغدي فيش في غرفتها ) .. قلت : بابا ..( الصراحه ان قلت يبه ... بس لزوم دهن السير ) .. تدري ياطويل العمر اني شاب في مقتبل عمري والحمد لله توظفت وعندي من فضل الله خير والحين أبي اعرس ولا تبين كل دايم اسافر للخارج واسوي حاجات مهيب زينه هنا واجيب لك فضيحه ولا ما تلاقين الا حاطين في الحجر الصحي فيني فيروس
( طبعا مهم عارفين وش الفيروس بس ابي اسوي حالي قدامهم مثقف )HIV الـ
ارتكز ابوي وتعدل في جلسته وزّر زاراه حق الرقبه .. وقال : اثاريك مطلع جواز من وراي ( وازيدك من الشعر بيت .. مخروم بعد ). مسطني مسطتنين بعقال الملك فيصل ..( هالمسطتين لزوم الكشخه قدام ابو هادي ... ما تلاحظون ان بهبهاتنا معيشين في رعب يوم كنا صغار .. وربي تعذيب ضربهم ) .
قال : من هي اللي تبيها ... ؟؟ .... طلع ابو هادي سيقانه من المويه وتنحنح وصب لابوي فنجال قهوه ( على باله اني بقول بنته منيره .... والله ما بقى الا هي عاد من زينها وسنونها الكبار ) .. قلت والل يبه نفسي هافّـتني على سويّـر ( اناأغدي دسك في جهازها ) ... قال ابو هادي :وش هافتك ذي وش انت شايفها زقاره ؟؟؟ ( طبعا هو يبي يرقع طيحه وجهه يومما جبنا اسم بنته أم سنون ) .. نظر الي والدي نظره كلها حنان وعطف وشفقه وتنهد تنهيده حسيت ان صدره بينشق منها .. طلع الدخان ن جيبي وقلت ..( احرق الروح يبه قبل تروح .... عاد هذي تهليسه لا تصدقون ) قال ياولدي ابشر وربي لا أزوجك اياها ما ابيك تتعذب مثلي يوم حبيت أمك .. مط ابوهادي براطمه اللي كنه حقت ياسر عرفات ( الله من تشفيط شكمانات المورات وانا اخوك ) .. وقال تتذكر يبو هادي ؟؟ ( بدأ الشلخ الحين ) .
قلت خليني اشوف آخر ما توصل اليه الاثنين من الشلخ ... سويت حالي متحمس وقلت اسألك بالله يبه الا معلمني وش السالفه ؟
ــــــــــــــــــ
قال الله يطول عمره .. انه شاف أمي وهي ترعى الغنم في الوادي .. وراح في عين امها يوم شافها ..ماعاد طب النوم عيونه كل ما غمض يشوف خيالها قدامه في يوم وليله قلب الوالد شاعر وخذ لك من القصايد .. المهم ان الوالد ساءت حاله الصحيه ونحل حاله وطلعت ضلوع صدره .. وقرر يوم سأله جدي عن السبب قال له : يبه ودي تخطب لي فاطمه ( ترى ذا اسم امي الصدقي )
يوم راحوا يخطبون عند ابو أمي وافق بس اشترط ان الوالد يجيب مهر 100 ناقه حمراء .. وهذا كان مهر تعجيزي طبعا ... عاد الوالد راسه يابس وقرر يجيب المهر .
قال ابوي وسافرت انا وعمك أبو هادي على ظهر ناقتين مصبوغه ازرق ( عاد الاثنين هلاليين وقتها متعصبين ) ... ابو هادي تحمس مع السالفه وققر يستلم زمام الشلخ الآن : يقول : مشينا في آخر الليل وبعد اربع ساعات طلعت الشمس ولا لقينا حالنا الا في وسط صحراء ما فيه الا صوت الريح وفجأه طلع لنا 20 أسد منطلقين يبون يأكلونا .. وكان أبوك يدندن ولا انتبه لهم .. وانزل من لىناقتي واطلع سيفي وامسك الاول واضربه هذيك الضربه اللي شقته نصين , وأمسك الثاني وازنطه مع حلقه الين تنافصت عيونه , واحط سبعه أسود تحت باطي وهم يرافسون بأرجيلهم ( حسيت ان ربي بيرسل عليه شهاب من كبر شلخته هذي ) .. المهم اني ذبحتهم كلهم وخليت 3 أسود ربطتهم وحطيتهم وراي على ظهرالناقه وأبوك ما حس ولا انتبه لشئ ( بصراحه مغصني بطني يوم قال هالكلمه ) ... ويوم جاء الظهر قلنا نبي وقف ونصلي نتغدى يوم شفنا والين حنّـا ما عندنا مويه..../ دور الوالد في الشلخ / وكنا رح نموت من العطش .. ما اشوف الا ذيك الغيمه اللي مليانه مويه جايه من فوقنا وامسك الرمح حقي ( ولا يون طرزان ) وافكه على الغيمه ويفقع بطنها وجاك الماء يصب علينا وابو هادي ناشر القدور حقتنا علشان تتمتلي من المويه ويوم اكتفينا حطيت يدي في جيبي واطلع ريال هلل واحطه على راس الرمح واطلقه عىالغيمه علشان يسد الفتحه اللي يصب منها الماء ( شكل ترشيد استهلاك المياه من هذيك الايام ) ... وبعد ما تغدينا وعينا من الله خير كملنا مسيرتنا الين وصل لمدينه كل جدرانها من الذهب والفضه ( ما بقى الا تقولون انكم لقيتوا إرم ذات العماد ) .. وقعدنا نحمل من الطابوق الذهب والفضه شوي الا تطيح علينا هذيك الشبكه اثاريهم الحراس ويودوننا عند ملك المدينه ويوم دخلنا الا الملك حقهم بنت تطيح الطير من السماء من جمالها .. يوم شافت مك ابو هادي بغت تنهبل عليهم وطاحت بين ارجيله ( وش الملكه المخفه ) وقالت : على بلحرام ان اتزوجك غصبٍ عن أمجابتك ... عاد ابو هادي خق قدامها ... وحرك الكابرس حقه ( كخخخخخخخخخخخخخخخخخخخخخ ). المهم انها تزوجت بأبو هادي وربطته من رجله بسلسله علشان ما يهرب وانا حطوني في سجن تحت الارض ( ترى ما يقصد الحاير ) وقعدنا 10 سنوات واناطول هالعشر سنوات وان احفر خندق علشان نهرب منه وكل ما حفرت حفره لقيت بترول .. غطيته بلوح علشان بعدين ما احد يعرف ( في أحد شلخاته قال انه هو اللي علم أرامكو بآبار البترول ) المهم سويت الي اني بمووت وطلبت اني اشوف صديقي ابو هادي قبل أموت ويوم جابوه لي حطينا رجلينا مع الخندق وكانت نياقنا مسفطه عند الجهه الثانيه مفلله بنزين وتحترينا (( تحس ان بعض الهلّس احد اسباب الوادي المتصدع )) ورجعنا لديرتنا ولا معنى شئ .. ويوم جات أمي تنزل اغراضنا اللي على ظهر الابل لقت 15 طابوقه ذهب من لي حملناها قبل عشر سنين (( يبه والله فيه شئ ينبلع وشئ ما ينبلع )) ... واشترينا مهر أمك ..وهذي كل السالفه .
المهم ان ابوادي قام يحكحك صدره .. تحمس ويبي يصكنا بسالفه ثانيه ... هاد اناقمت من عندهم ورحت لأمي وقلت يمه كم اعطاك ابوي مهر ... قالت والله مدري ما شفته الا ليله اعرس .. قلت : هو ما كان يحبك يو كنتوا صغار ... قالت : غصيبني به جدك ولا أنا كان قلبي عند غيره (( والله لو يسمعك ابوي ألحين ياشيخه ان يسويك مرقوق )) ..

ــــــــــــــــــــــــ
سوير :
سولفت لها بذي السالفه ابي اتقرب منها قالت لي :
منيره وتخب عليك أنت وأهلك ذا وجه واحد يبي يفتح بيت

FamOus

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههه


اجل نياق زرق الله يرجك


<<<<<<<<< جازت لوه سالفت الغيمه

حلوه والله بجد ولا تخلينا من ذولي