أخوي ... ساري ..... مــسّـــاك الله بالخير .. كيفك حبيبي ؟
ساري تراك ذبحتني بوصفااااتك هذي أوّل العبيله وبعدين القصديره.. مالك حق ياخوي .ياخي ذوِّقنا ..
... وقبل القصديره صورة هذيك ( الفيضه اللي ترد الروح للقلب المودّي ) وانا صاير بجدّه مثل ( المسحاة مع البدو)
مضــيّع ... وانتم بالمصفــّر وبالغضا .. طلعات وفلاّت .. ماشاء الله <===( لاتقول نحتنا بعد)
وقصدير بعد..؟؟ ياخوي ترى مالكم حق ..
وعلى طاري القصديره ... مير <===( والله عنيزاويّه أصليه هالكلمه )
أخوي ساري لايفوووووووووووووووووووووووووووووووووووتك ..
بدل لحم الدجاج .. او الحاشي .. أو أي لحم بالعالم... ( أتركه ) فيما لو .. حصل قميري (حدر) بداله
حط قميري بالقصديريه .. وأفضل عدم وضع أي شيء غير البصل والصلصه <==(لازم هذي )
ترى الطماط مايصلح (سيبه ) .. وملح وبهار .. وقميري طبعا منظــّف ومغسول فقط ..
وبدون وضع ماء ( ولا نقطه ) ... وحط كمان .. فلفل أخضر علبين كذا .. حسب الطــّلب
إيييييييييييوه أشوى تذكّرت لاتنسى ( المكعب الصغير الفااااائق النكهه ) مــاجــي ترى ضروري
وعلى قولك أخلط الخلطه وحط القميري بوسطها .. وبعد أن تجمّر النار .. ترى مايحتاج .. إنــّك تدفنها بوسطه واس الجمر وجلسها
فوق .. لمدة نصف ساعه ولا تقلب القصديره ( تقول الفوقي ماجاه حراره بلا لقافه سو اللي أقوللك ولا عليك )
وبعدين نظفها من الرماد .. وشقها بالسكين من ألأعلى . لاتفككها .. لأنــّها ملياااانه مرقه وزيت من القميري ممممممممممممممممممممممم يالله من فضلك يارب .. والله الله بالخبز الجديد .. مع الشــّاهي .. توووه خادر
وبالهناء والعافيه ...
وترى والله ( ماقالت .. لا ) إنــّك تعزم الربع كلّهم .. أبو خالد وعبيد ونساي وباقي الربع.)
<=====( وبعد إن كانك تعرف أحد بالغربيّه وودّك تعزمه على قصديرك تراه مهيب شييينه )
<=======( يلممممح ) هــذا اللي هو يبي ...
آخــر كــــلام
يوم إنتقلنا على جــدّه صارو الشباب يقولون لي ( يابويا رووووح بلا .. نجديّين.. بلا فهلله بلا تريقه )
وإن جيت لعنيزه قالولي الشباب ( ياشيخ طس بقريح بلا حِجْز بلا دِباشه بلا هك)
غديت على ماقالو ( مِثِل معايـد القريتين )...
وش الرّاي .. تكــفــون .. ألمشكلِه إنــّي عنيزاوي أصــــل وفـــصــل ...
..................تحياااااااااتي ...............................
اولا نقوم فرد قطعتين من القصدير فوق بعض ثم نقوم بوضع قطع من اللحم بدون عضم سواء دجاج او لحم غنم حسب الحاجه وعدد الاشخاص مثال كيلوين لحم مقطع قطع صغيره ثم نقوم برش البهارات عليه والملح وقليل من الزيت (عافيه) يعني ملعقتين وأربعة فصوص بصل كبير مقطعة قطع صغيرة وثلاث حبات طماطم وعلبين حبرحر (حسب الرغبة) مقطع او بأكمله.ويضاف لها قليل من الخضروات مثل البازاليا والفاصوليا وقطع صغيرة من الكوسة والجزر والبطاطس .ثم تخلط الكمية المذكورة مع بعضها ثم يسكب عليها مقدار فنجال شاهي من الماء ثم تلف بالقصديرة بعدة طبقات على الاقل اربع طبقات ثم يحكم كبسها من الاطراف .يعني يتم اعداد القصديرة بالبيت قبل الرحلة للبر.
