للاخوة الاعزاء اهدي هذه القصيده للشاعر حمد المغيولي (رحمه الله): -
على شارع الحله وانا اراقب الفله=عرض لي عساه الخير من ياسم العرقات
على كبدي اللي تجحد الغيظ والعله=كواني وخلاني عليه اجذب الونات
تقبل مغيب الشمس يمشي على ظله=ضحى والضحيه منه انا طحت بالمثنات
حدث بي عقب مااقفيت يافاتني خله=الاواعذابي منك ياشمعة الزينات
انا اللي عيوني تزعج الدمع وتهله=جرح خدها اللي حدها تزعج العبرات
غزالٍ تغطرس بالحلا والغلا كله=يسوق المنايا سوق ويتابع الغارات
تجزّل بها اللي بالحلا محسنٍ دله=عذاب العيون عيونه اللي كما الساعات
الى اقبل يداني خطوة الرجل ويتله=اقول الحياة اللي بقت مالها لذات
اقوله وانا ياغافر الذنب والزله=ليال الشتا قزّرتها هاجسٍ واسكات
احسب نجوم الليل واسهر على الدله=فريد وحيد شاب راسي من اللوعات
الاياهني من ناعم العود مصخٍ له=ارفّه على نفسٍ طنت من زمان فات
ورى ما تعاملني على الدين والمله=حرام عليك ان مت مقهور مع من مات
