السلااااام عليكم جميعااااااا
تذكرون خالتي اللي غطست راسي بالثلج؟ ((خالتي المليحه نويره)) هذي خالتي صار لي موقف معها بالسيفوي اللي بصحارى(قبل حادثة الثلج)..
>>>>> شدعوه ماكرهت صحارى بعد اللي صار لها فيه!! المهم تعرفون خالتي وموقفها من الشباب!!
المهم مره انا وخالتي وبنتها كنا بصحارى وقبل لانطلع مرينا على السيفوي ..بعدين افترقنا(قصدي هجينا) المهم صرت انا وبنته نتمشى براحتنا ونتقضى...وبينما نحن ندور((خطمة لغه عربيه عشان الضمير)) سمعنا صووووووت رهيييييب!!!!
تدرون وشو؟؟
.
.
.
.
.
.
.
.
.
.
بعد شوي
.
.
.
.
سمعنا صوت خالتي وهي تقووووول: الله يزيلكم من هالارض بحق السميع العليم!!!
المهم ركضنا نشوف وش السالفه....لقينا خالتي واقفه قدام بنتين وحولهم4شباب وهي تهوش متحمسه على باله اننا حنا البنات اللي واقفات يسولفن مع الشباب.. ((المشكله البنات لابسات عباياتهن على الكتف وحنا عباياتنا على الراس)) بس مع الحماس الاخت صارت ماتشوف زين...المهم قالت لهن:والله مااخليكن يابنات ال.......(مشفره) هين اوريتس انتي والله لااعلم عليتس اخوتس اخليه يربيتس(تقصد بنته) وانتي ((انااااااا)) والله لااعلم عليتس امتس لااخليه توريتس الشغل...اصلا انتن ماتستحن يبي لكن تربيه من جديد هين...والبنات طلعن حجازيات قالت وحده: ٌٌُإيشبكي انتي مجنونه ولا ايه؟؟ ياامنا شكلك انتي غلطانه احنا مانعرفك!!
ردت خالتي(بعد مااحتمى الوطيس):انا مجنونه عساي اشوفتس بشهار!! لا وتبرين من بعد؟؟ خوش والله الحركات هذي ميب علي انا((مسويه الاخت لكيعه)) اقول يالله بس السياره على طول الوعد بالبيت هين!!
قالت وحده:انتي ايش تقولي؟!!
ردت: اقول قلكن ورقلكن امشن عساكن للذهاب يالله للسياره!!
((((((( حنّا مبسوطااااااااااات ...... تقطّعنا من الضحك)))))))) 
المهم قامت وحده من البنات يوم شافت السالفه جد كشفت وجهه.......!!!!!!!!
ياللهووووووووول((((شدعوه خالتي ماانصدمت ووقف شعر راسه))))!!!
ياربي وش اسوي الحين(خالتي تقوله بقلبه) لازم ارقعها!!!!!!!
<<<<<<<<<< اعرفه زييييييين وادري وشلون تفكر!!!!
المهم التفتت على الشباب وحولت الهجوم عليهم: وانتم الله يزيلكم من هالارض... حسبي الله عليكم تسان ماخليتو احد بحاله...ماغير دوران بها الاسواق ...فاضين لاشغل ولامشغله....الله يزيلكم مازال الصخر..وووووووو...........
تدرون وش سووا الشباب؟؟!!!!!!
هجوا مابقى الا واحد!!!!!! رفع عقاله عليه وقال: والله العظيم ياعجوز قريح اذا ماظفيتي وجهك عني الحين اني لااخلي ظهرك ازرق بذا العقال!!!!
خالتي خافت شوي......... بس كرامتها ماتسمح لها تسكت!!!
ردت: عسى عقالك زين بس!! أغديك تجربه اول قبل لاتمحّطن به... مابقى الا هالمبزره...هذا اللي ناقص...اصلا انت لو تستحي تسان مارفعت ايدك على مره((((((كلها انوثه)))))) مير الله يخلف على امٍ جابتك....(((وهي ميته من الخوف)))!!!
المهم الرجال انهبل الاشوي رفع عقاله بيجلده...!! بعدين جت فرقة الانقاذ(حنّا) >>>>>>>>>>>>>>ونعم الفرقه بدريييييييييييييييي!!!!
وسحبناه للسياره وركبناه وقعدنا نضحك عليه اسبووووووووع....!!!!!!!
<<<<ياحبيله خالتي ذي عليها خطمات....رهيييييييبه>>>>>.....
اسفه طولت عليكم.....ان شاء الله بس اعجبتكم السالفه..
بايوووووووووو حبايب ألبيييييييييي....
+^^نونو^^+
أسف شكلي طولت عليكم 
