[c]السلاام عليكم
هلابكم يالربع
يالله انت تحييهم كلن بسمه
هذا الجزء الثالث والاخير من موضوعنا
(حشاء مسلسل مكسيكي موب موضوع)
والي ما تابع الموضوع من بدايته
هذا الجزء الاول
وهذا الجزء الثاني
نبداء بموقفنا
*****
1- هاه فارشين...
مره خوينا النحوت ماغيره
راكب مع واحد من الشباب
راجعين من المدرسه
والي راجع معه النحوت توه شاري سيارته
ومنجد المراتب وحط التلبيسه الي على الطبلون
ومزبط الموتر
وفرحن به
ركب النحوت وشاف الحركات
وجازت له
وبدا لسانه يحكه
وهم بنص الطريق لبيت النحوت
قال النحوت
وهو يلمس التلبيسه الي على الطبلون
هااااااااه فارشين
(يعني حاطين فرشه)
الكلاام ذا الظهر
بعد المغرب
راعي السياره صادم
ودخل جنب موتره كله
وكلفته السياره
8000 ريال
*****
2-جعل...
هذا واحدن من الشباب توه شاري سياره جديده
يقول قمت من النوم المغرب
بنفس يوم شريتي للسياره وطلعت للاستراحه
دخلت الاستراحه
وقعدت اتقهوى
بعد ربع ساعه جاء واحد اول مره اشوفه
اول ما دخل قال
وش الجعل الي وقف عند باب حوشكم تقل
مغطس بــ ببسي
يلمع
لقيت عنده عجوز تحببه
تحسبه الحجر الاسود
(يقصد سياره خويي لانه سودا)
قال خويي انا ضاق صدري
وافكر اقوم اغوله
او اسكت احترمن لخويي الي مسير عليه
يقول طلعت من الحوش الفجر
وانا بوقف السياره عند البيت
وراي سياره الوالد
اشوفه بالمرايه بعيده
وقفت ونزلت
ناظرت ولا اني ملحم بالسياره
رحت قدمت سيارتي
لقيت به مخش
قلت
هلاااا بدينا
*****
3-يعد هلل...
هذاي شايب من اهل البدايع
طالعن هو وعياله
رحله للخبيبه<== رايحين لدزني لاند
الخبيبه ( المنطقه الي بين عنيزه والبدايع)
المهم
قاعدين قريب من الخط
والا ذيك الكراسيد 92 GLX
على وقته
وجااي من الرس لعنيزه
مسرع يمشي تقريبا الميه والثمانين
ويوطي عيون القطط
طبعا وهو يوطيهن يطلع صوت
طق طق طق طق
عاد الشايب يوم سمع الصوت
قال وراه ذا تقل يعد هلل
اظن الكراسيد صارت
سيكل
*****
وبالاخير اتمنى ان الموضوع يعجبكم
فماااااااان الله
[/c]
