&&جوري&&

((**((((إذا البنات قشراااان العيـــــال وش يصيرون)))))**))رد على البتار55

إلى أعضاء مجلس عنيزة المحترمين

السلام عليكم ورحمة الله وبركاته

أحب أعرفكم بنفسي


أنا قارئة جديدة بالنسبة لمجلسكم ...ويشرفني إن أكون دائما مطلعة على مواضيعكم الشيقة....

ومن حسن حظي لفت نظري كلمات الأخ ( البتار 55 ) أبو عبد العزيز
صحيح إن فيها شي واقعي وشي خيالي....

والله يعافية علمنا خطط حلوة ...على قولة المثل ( جاء يكحلها أعماها )

<<الله يهديك طبيت فينا وما ناظرت عيبكم يا العيال...

طبعا بتقول إنا كاملين والكامل وجهه سبحانه


راح أقدم بعض النماذج <<جاك الموت يا تارك الصلاة
وما أتوقع إنها تخفى عليك بما إنك منهم



واللي شجعني إني أبدي رأي .....تقبلكم للنقد ومناقشة المواضيع وأهم شي




قلوبكم البيضاء اللي ما تعرف الزعل




يالله نشوف بس أبي تفاعل بلييييييييييييييييييييز<< عطوني رايكم بصراحة بدون زعل



1/ شباب والسيرة بنات ذيابة ... يا ويل المهات.. كلهم جذاب.. كلهم لعاب .. كلهم كذاب.. حتى أنا .
كلمات الشاعر المرحوم : طلال الرشيد ( أتوقع ما تحتاج تعليق ) .


2/ يجيك واحد مكشخ وكل شي نظيف... كنه توه طالع من المغسلة والجزمه ( تكرمون ) تلمع ممسوحة ببخاخ قزاز ولامراية... والسيارة أجار وألبوك فاضي

ليه محد حدك
مد لحافك على قد رجليك .


3/ تقليعة الشباب في اللبس.. صر توا تنافسونا بالألوان ( أحمر و ردي برتقالي .. ومشجرات )
وصبغات الشعر ( الميش والبلياج ) والربطات ( البندانة ) ما باقي إلا الشباصات .


4/ لو يطلبون أهل البيت من ولدهم نبي نروح مشوار ....عقد المسألة أنا مواعد فلان بروح مشوار عطوني حق البنزين ولا سواق لموزين
وأخلصوا تأخر توا ... علشان أهل البيت ما يطلبون منه بعد اليوم

بس لو له حاجه جاء يتلحوس مثل القطو... اطلبي أمري أوديك أجيبك وإذا خلص غرضه قال ظفي وجهك أنا مشغول.

كيف التعامل مع هذي النوعية؟


5/ بصراحة أسلوب الشباب من سيء لأسوا

لما نشوف في الفضائيات ونسمع في الراديو إذا سألهم المذيع أنت من وين ؟ بكل فخر يجاوب:
من السعودية

هذا الي فالحين فيه .. واسمع الحكي اللي بعده تريقه .. وما يعرف يجمع كلمتين على بعض

شكلة كاتبها في ورقه وقاعد يقراها

ولو يشوفون كاميرات تصوير تكثر التجمعات << ولا الحج

و إذا شخص يبغى مساعدة كأنهم ما شافوه

إلى متى ها لأسلوب الهمجي المشكلة شباب متعلم ما ندري وش نقول .


6/ البنت لما تثق في ولد << طبعا هذي غلطتها لأن العيال مالهم أمان ( أسمحولي في هذي الكلمة)
نفذي اللي أبي وإلا تشوفين شي ما عمرك شفتيه
و يوصل لغرضه بالتهديد

لو أحد من أهله صار له هذا الموقف راح يرضاها طبعا : لالالالا


ليه ما يعتبرها من أهله ويستر عليها ؟؟

و إلا علشانها وثقت فيه ولا اللي تحاكيني تحاكي غيري
كل يرى الناس يعين طبعه .. أحسن النية لم تبغي تقدم على أي عمل قدم الخير على الشر .


وغيرها من الأمور الكثيرة لاكن ما أحب أكون ضيفة ثقيلة في مجلسكم العامر الله يديمه



أحب أشكر كل القراء على دقائقهم الذهبية التي أخذتها
من وقتهم الغالي لقراءتهم لردي المتواضع على موضوع( الأخ البتار55 )
وأرجوا من الشباب أنهم مايزعلون مني مثل مافي محاسن فيه مساوئ سواء للبنات أو الشباب.






&&جوري&&

امل

تسلمين اختي && جوري&&

على الموضوع الحلو وشفيتي غليل كل بنت من التطنز على البنات

ونشاءالله مواضيعك تكون حلوه كذا على طول

القلم الصريح

سلالالالالام يا أصحاب ...

الأخت جوري ... حياتس الله ... وعلى قول الأخت الغالية أمل .. موضوع حلو .

واسمحي لي ببعض التعليقات ...

البند الثاني // فعلا هذا صحيح .. أنا العام الماضي جالس بالمحل ولا عندي من الشيطان طريق المهم كنا في يوم 28 رمضان يعني السوق يخترررررش ... وادخل علي ذاك الواحد اللي قلت هذا يبي يضف كل اللي بالمحل يعني واضح من الرجال انه يلعب بالقرووووش ... المهم قعد وكيف الحال ووش الأمور .. وفنجال قهوة وفنجال شاهي ... ومير يقرب لمي وقال ( معك سلف أخوي خبرك عارف العيد قريب ويبيله أغراض للأهل وانت عارف ) انا انصفق وجهي -×- .. الحين كل هالكشخة وهالزبعة وتبي سلف ... أنا بصراحه عطيته المقسوم .. وقلت له الله يستر عليك وتوكل على الله ...

البند الثالث // بصراحه بالنسبة للملابس صارت فعلا تنافسكم ... أنا دخلت سيتي بلازا قبل العيد ادور لي تكميله .. المهم وادور وادور عجزت القا الملابس الرجاليه ودار بيني وبين واحد من الهنود هذا الحوار

انا : هيييي صديق ؟؟؟
هو : ايوه بابا ايس فيه ؟؟
انا : وين هذا ملابس مال رجال سيم سيم انا ؟؟
هو : انت ما فيه سوف ؟؟؟ سوف هناك كله ملابس مال انت ؟؟ ( وقال كم كلمة والظاهر انه كانت سبه )
انا : اوكي ..

واروح والقا الملابس اشياء خياليه اول مره اشوفه ... اللي كمه فرنسي واللي مادري وشلون جاية .. واللي له ذيل مع ورا .. واللي مفتوح مع الجنب ... المهم أخذت لي كم بنطلون وكم تي شيرت وكم جاكيت ... يوم رحت احاسب ... عطون بطاقة اكشط واربح .. وطلعلي هدية بقيمة 90 ريال ... ( صارت قصة اشوف )

أما الباقي فلا يحتاج للتعقيب لأنه واضح

وشكرا .. واسف على الاطاله

القلم الصريح

~ POTUTO ~

يسلـــــــــــــــم بؤك حبيبتي جورررررررررري تعجبيني والله


والله كل اللي قلتيه تو بدون مجامله شيء حقيقي وواقع


اشوووووووف ابو ميلاد معنا

ههههههههه اما اللي له ذيل خطيييييييير

الدختور ابو ندى

ياااااااحبيلتس


العياااااال هم أسااااس النهضة العمراانية << بلحيل


هم الي كثروااا فلوووس محطااات البنزين<< من الدوران طبعا


هم الي يحضرون ويشجعون المنتخب << لاتعليق


على كلن انتظروووو رد البتاااار


الي راااح يكووون مزلزل


وراااااح يقلب الطاااولة

سي
يووووووووو

&&جوري&&

&&جوري&&