لمن قد يهمه الأمر

السلام عليكم ورحة الله..
طبعا إنه من ارائع ان نستفيد من تجارب الغير ..
الاروع أن نتلقاها منهم مباشرة..

موظوعي اليوم مو أنا اللي كاتبه .. هو قصة رواها أخونا (يوسف الصالح) بنفسه في كاسيت
باسم (هذه قصتي)
لكن أنا قمت بعمل عسى الله أن يجعله بميزن حسناتي.. ويكون سبب يشفعلي يوم الدين ..
اني قمت بتفريغ محتوى الكاسيت كتابه .. وذلك لتسهيل الطرح عليكم

ملاحظة..
نظرا لطول المادة .. من المحتمل أن تنشر على أكثر من جزء ..

مشكورين .. ونبدأ ::::

بسم الله والصلاة والسلام على رسول الله أنا أخوكم يوسف الصالح أرحب فيكم وأنا سعيد إني أكون معاكم في المخيم وأشكر القائمين على الدعوة وأنا سعيد إني أشوف الوجوه الطيبة هاذي ..

اليوم أنا موجود هنا جايكم من الشرقيةأحمل رسالة .. رسالة أخو إلى أخوانه فيكم الشاب وفيكم الأب ومن رح يسمع الشريط أمكن تكون أم ..أخت

رسالة يمكن فيها نوع من الألم ولكن أنا فضلت إني أنشرها في كل المملمة وفي خارج المملكة والحمد لله الله وفقني إني أنا نشرتها في مدن ومناطق وهجر كثيرة في المملكة .. وانا اليوم عندكم في عنيزة وهذا الشي أسعدني كثير أني أنا أكون معاكم في المخيم ...

رسالتي مكونة من عدة رسايل وأبغاكم تاخذونها بمحمل الجد بس قبل لا أبدي طرح الرسايل أنا نفسي إني أتفق وياكم إتفاق والاتفاق هذا يكون عهد ووعد بإن كل ما تسمعونه هني تنشرونه خارج لانه هذا من صالح المجتمع ..

ومن العهد أنا باعرفكم على نفسي وأنا الحين فخور في نفسي .. والحمد لله أن الله من علي بالهداية.. أنا ابي أخذ منكم عهد .. انكم لا تظنون أن كل واحد يدخل في البوة اللي دخلت فيها أنا رج يخرج منها مثل يوسف الصالح .. لأن أنا الله رحمني وطلعني ولكن في أشخاص مازالو يعانون ..

وأبي منكم عهد .. أنا مني جاي ها أشهر في معصيتي و لا جاي هنا أتباها فيها.. أنا جاي هنا أنقل رساااالة حقيقية .. لا قريتها فكتاب ولا سمعت أحد يقولها .. أنا قايلها من قلبي إلى قلبكم وما بي منه إلا الأجر من الله ..

رسالة إلى كل شاب اغتر في شبابه.. اغتر في قوته.. اغتر في تفكيره.. اغتر في هيئته.. رسالة إلى كل أب نسى أن عنده عيال.. أنا اللي قاعد جدامكم .. قبل 11 سنة بالظبط كنت مسعور وسبب الي خلاني سرت مسعور بإني أنا في يوم من الأيام لجأت إلى أشياء كانت تغضب الله .. وهذي حقيقة..

أنا اللي جدامكم أدمنت المخدرات لمدة عشرين سنة .. شفت فيها الويل .. شفت فيها العيشة الظنكى .. والله اني ما كان عندي لا ليل ولا نهار .. ولا كنت مرتاح .. كان عندي خوف.. كان عندي ألم ..بحجة أني أنا شباب .. رح أقلكم القصة من البداية .. ولكن رح أقلكم شنو اللي غرني ..

كثير من الشباب اللي يسوون معاصي هاذي الأيام كانو مثلي ..كانو يقولون .. إن والله أنا الحين عمري ثمنتعس سنة ولا تسعتعس سنة .. ولما يصير عمري واحد وعشرين سنة رح أبطل ..رح أبطل المعصية.. كنه يعتقد أنه رح يعيش لعشرين سنة .. أنا من الشباب اللي كنت أشوف الأشخاص اللي ينصحوني من المعقدين .. أنا من الشباب اللي كنت أضيع وقتي في البلوت والسهر .. وكانت النتيجة سجون.. ومستشفيات وتشرد في الشوارع ..

رسالة إلى كل شاب ..( اللي تزرعه الحين ..تبتحصده بعدين))

رسالة إلى كل أب .. اللي تبتزرعه في عيالك الحين ..رح تحصده بعدين ..

لاتجيني تقلي ولدي جنني .. لانك أنت الي زرعت فيه هذا..

كانت بداياتي من المسجد للبيت .. صحيح كان عندي أبو شديد .. بس كان من المسجد للبيت.. صحيح كنت أنظر لبوي إنه انسان معقد ومايفهم .. ولكن من المسجد للبيت .. كنت مشترك مع مكتبة المسجد, شباب طيبين من أحسن مايكون ماعندهم أي مشاكل وكان عندنا رحلات ووناسة ومثل المخيمات هذي .. شي يحبه قلبك..

وبدت تظهر عندي سلوك الشاب ( الي مو ..) يعني في شباب وايد الحين نشوفهم قاعد في النص لا مع هذولي ولا مع هذولي .. كنت في وقتها أنا كذا .. وكان في مقولة يرددها الشباب ويمكن يرددونها للحين مازالو ((ساعة لربي وساعة لقلبي)) وهذي اللي دمرتني .. اللي دمرني أني أنا صرت بغبغاء .. شمايقولون الناس أقول ..شمايلبسون الناس ألبس ..شمايحطون الناس أحط ..ولا أفكر في يوم من الايام هل هو يصلحلي ولا مايصلحلي .. بس عساس ان فلان ها.. حط شماغه مثل لشريم فأنا أسوي مثله مثل لشريم.. لابس ثوب حاطله .. أسوي مثله

فاللي حصل إني جالس في المجلس مع أبوي فأبوي لاحظ فيني المشكلة هذي فقالي اسمع .. اسمع مني انت الحين هذي السنة لازم تنجح .. إذا مانجحت أنا باعلقك ..

تعرفون وش معناتها بعلقك؟؟ يعني باشتغل عليك بالعقال ..خلك رجال وانجح

فقمت أنا طلعت من المجلس أدور حلول

((شنو الحلول ؟؟ شنو الحلول ؟؟ شنو الحلول؟؟

وأنا كنت عندي مشكلة.. وهذي مشكلة كل شاب .. الحلول السريعة.. الشباب يبغى حلول سريعة.. يبغى يفتح يغمض يلاقي كل شي عنده..

أنا كانت هذي فيني ..

فرحت حق الشباب بعد صلاة المغرب وهم قاعدين في المكتبة.

وقلتلهم ياشباب.. أبوي يقول إذا مانجحت باعلقك .. وش الحل؟

قالولي والله.. توكل على الله .. وصلي وادعي ..

أنا قلت فقلبي (هذي يبيلها شغل)) ..

عفوا على التعبير بس انا قاعد أوريكم شخصيتي الحقيقية ..

قلت ((هذي يبيلها شغل.. على ماتوظا ..وعلى ماصلي ركعتين .. وعلى ماتروح فوق .. إلا خلصت الامتحانات .. أنا أبغى حلول سريعة عندكم؟؟

قالو ..لا

قلت ياجكماعة في حاجة يسمونها(( براشيم)) علموني؟؟

قالو لا ياخوي من غشنا فليس منا ..

قلت ياعمي ماعندكم سالفة!!

ورحت أنا .. وأعلنت الحرب عليهم.. هذولي ناس معقدين ..كل شي يبونه صدج صدج صدج.. مايصييير !! لازم نسزي وحدة من الثنتين..

فرحت أفكر علفراش بعد صلاة العشا .. شاسوي ؟؟ شاسوي؟؟

انتو لاحظو ... في المجلس كان في نوعين من الشباب

كان في سباب ملتزم وطيب ويمشي ويجيك وهادي وناجح وفاهم ..

وكان في شباب يسمونهم .. رجج رجـــــــة

فأنا كان عندي فئتين .. رحت حق الشباب الفهم...

مافهمني ..

فقلت ليش ماوح حق الرجــــــة؟؟

فرحت المدرسة وانا معزم اني اروح حق الرجة.. ودايمن أهل الرجة الرجج .. يسمونهم العربجية .. يقعدون تحت سور المدرسة بالفسحة وففي نهاية الدوام ..

لانهم يحاولون يغطون على عيوبهم .. مايبون الناس يشوفونهم..

تحت سور المدرسة تلقاه .. ولا تلقاه يعني يمشي حاله..

فصارت الفسحة ورحت أدورهم . فنطيت السور .. ولا هذا اللي قاعد اسمه عبد الله.

قلتله ((عبود)) وهو قاعد يدخن – ترى انا مادخن- قاعد يدخن وجالس على بلوكه

قلتله عبود أنا عندي مشكلة .. قال هااااه هندك مشكلة –شوف حلال المشاكل- قال اجلس اجلس .. وش مشكلتك؟؟

قلتله أبوي ..

قال (غزك الشاكوش)

في شباب ترى يسمون أبهاتهم شاكوش !

قال الشاكوش وش فيه معاه؟؟

قلت الشاكوش يقول إذا مانجحت رح أعلقك ..

وهو عاد بيدينه السجارة .. ويقول ( إنا لله .. أخي أبوك معقد ..

فسحبت بلوكه وجلست جنبه .. وقام عطاني سجارة

أول مرة ألمس سجارة كطبيعية في حياتي ..

أول مرة أمسك دخان في حياتي ..

حتى يوم مسكته بديني ماعرفت أمسكها .. بس أول ماحطيتها بفمي جتني صورة أبوي

ماسك مشعاب ..

قلتله .. ابي اتعلم البراشيم .. كيف اتعلم البراشيم؟؟

قالي و لاااايهمك , انت بتنجح؟

قلتله أي والله

قالي مالك الا طيبة الخاطر..

بس خذيت ثنتين..

أنا غبي .. صدقوني غبي !! بعد كان عندي مشكلة اني غبي ..

لنه لو ان عنده حل حق نفسه كان نجح .. بس كنت أبي الحلول السريعة..

وأنا أحذر من الحلول السريعة..

فطق الجرس .. دشينا المدرسة ..

وطبعا عنده طقوس يسويها قبل لانروح الفصل .. لازم كل يوم يش الحمام وياخدله دورتين في المدرسة.. يعني لازم تروح نص الحصة..

وأنا مجبور أسوي مثله علساس ان عنده حل لي ..

فجلست قلي نهاية الدوام ..

قعدت أفكر ..شنو الحلول ؟؟ كيف يعلمني برشام؟؟ كيف؟؟كيف؟؟ المهم

انتهى الدوام وطلعنا من المدرسة

طلع جدامي قمت لحقته.. مو هو اللي لحقني!! لا أنا اللي لحقته .. انا عطيت فرصة حق الشخص هذا انه يدخل حياتي ..

واسمحو ياشباب .. ترى حنا نعطيهم الاذن .. نعطيهم الظوء الاخضر يدشون حياتنا

هم ما يدشون من ني والطريق؟

جنا اللي نسمحلهم يدشون

فلحقته..

كان في نهاية الدوام واحد اسمه ناصر

نسميه((نصوور))

هذا نصور مفصول من المدرسة ويجي نهاية الدوام يفزع..كان في مضاربة.. في شي ..

ياخدله دورتين يفحط ويسب هالمدرس ..ويلعن هذاك ..

وكان له قيمة نصور.. يعني اللي يركب ويا نصور في السيارة .. يعني بطل!

فقالي يابوك تعال خلنا نركب مع نصور في السيارة

قلتله يالله نركب مع نصور في السيارة .. نركب مع نصور..

الحقيقة أنا أول مرة اقعد مع الاشكال هذي حسيت ان شعر جلدي تحرك .. خاصة يوم حطوني في النص وصار نصور يسوق على يساري وعبود على يميني وقام يفحط..

والشباب يصفقون له.. وش الحياة هذي؟؟

بس ياخوي الظاهر ان هذولي عندهم حل..

لاصح عنهم حل لي !!

فطلعنا برة طريق المدرسة ويوم يقول عبد الله حق نصور .. نصور ترى الشكش حق يوسف يقول إذا مانجح يبي يعلقه !!

ويقول نصور ((لالا .. أبوك معقد!

قلتله .. قالي ياها عبدالله .. الحل؟؟

قال الحل عندي!!

.. وش صار ... وش الحل اللي خباله نصوور؟؟
يتبـــــــــــــــــــــــع !

السلام عليكم.. عسى ماكون طولت عليكم.. خلنا نشوف وش صار..

دخلوني غيبوبة .. دخلت في مجال مو مجالي .. هذاك الوقت كان عندي إمكان إني أرجع ولكن معظم المعاصي في بدايتها تعطيك حلاوة .. انها ماتخليك ترجع

وكنت أقول .. يالله خلنا نشوف نهايتها وشي!

أنا ماظنيت إن نهايتها عشرين سنة..

أنا كنت أطن يوم .. والله إني ماظنيت نهايتها عشرين سنة ..

ولا ظنيت إني حنسجن ثمن مرات..

ولا أخش مستشفى الامل تسعتعش مر ة..

ولا تشرد في الشوارع .. ولا ان يطلقوني زوجتي ..

ولا أبوي يطردني من البيت ..

ماكان عندي أمل .. كنت أظن يوم !!

فدخل يدينه في مخباته نصور وطلع منديل أبيض .. والله اني مانسى المنديل هذا لان هذا المنديل هو اللي غيرلي حياتي كلها

ويوم يرفع المنديل كذا لي .. وطاح المنديل من يدينه .. إلافيه أربع حبات

قلتله شنو هذا يا نصور؟؟

قال : انت بتنجح ولا لا؟

قلت له إيه ..

قال أنا خويك مابي أضرك ..

كلهم يقولون شذي.. كلهم يقولون شذي في البداية ..

أنا مابي أضرك .. أنا احبك .. أنا عزك ... وهو وده يذبحك..

"يا ويلتاه ليتني لم أتخذ فلاناً خليلاً لقد أضلني عن الذكر بعد إذ جائني وقد كان الشيطان للانسان خذولاً"

قالي .. هذي حبة وحدة .. وتخليك تحفظ كتاب الرياضيات صم!! وتصوره تصوير!!

والله مادري أنا .. أنا الحين احس اني أنا مطلوب مني .. مادام اني خذيت الدخان من عنهم .. ليش ماخذ هالحبة؟

وخذيتها وكليتها..

والله يا أخوان أنا كليتها .. خلوني أقلكم المشهد اللي حسيته

حسيت أن في باب انفتح وفيه ضباب وفي شي أسود داخل..

دخلت حياة جديدة .. لكن حياة وشي ؟؟ مادري!

فقلتلهم .. طبعا المروج دايمن يعطيك كيف تستعمل الحبة .. أنا ما اذكر.. ماقدر أذكر كيف يستعملون الحبة ..لان في ناس هني مو من حقي أذكر عندهم هالاشياء..

ولكنه وصفها لي بنها جنتي .. (رح ترتاح..رح تكيف.. ) خلاني أشتاقلها..

وخدذيت الحبة .. بعد ربع ساعة قلتلهم ودوني البيت خلني أصور الكتاب ..

أنا لو أسألكم سؤال , أبيكم تعرفون ياشباب أنا بادقق علشباب..إمكن عشان أنا محتر منهم ..

لاني ماعشت حياتي سعيدة .. أبغى أسألكم سؤال يا شباب .. وباكم تعرفون شغلة

إن كل أبو وكل أم في هالدنيا لهم أحلام .. موأحلام فيهم هم ..أحلام في ولدهم ..

فأول ماتجي الام تقول حق الأبو ( أنا حامــل) يبدا الابو يفكر بها الولد ..

أبغاه يصير طيار ..

أبغاه يصير ظابط..

أبغاه يصير دكتور .. أبغاه .. وأبغاه .. وأبغاه ويقعد يحلم هالمسكين

والام كذلك ..

ولكن يوسف الصالح دش عليهم البيت .. حرق عليهم الحلم كله..

وأول مادشيت البيت لقيت أمي وأبوي قاعدين فصالة .. وقمت أطالعهم فعيوني أقلهم

سامحوني يعني حرقت أحلامكم!!

أبوي كان يتمنى إني أصير ظابط .. ولكن صرت خريج سجون ..

مني أنا .. أنا من الناس للي كنت أفتكر أن التعاطي حرية شخصية

وهذا الشي يخص فيني ... ولاحد له شغل فيني .. وهذي حياتي خاصة

لا ياخوان .. لا

حنا لما كنا شباب ماكنا ناخذ بعين الاعتبار أحلام أمنا ولا أحلام أبونا .. هدمنا كل شي بلحظة.

دشيت عليهم..أمي المسكينة حست أن فيني شي غلط !

فجت قامت وتركظ .. قالت وش فيك ياولدي؟

قلتلها مافيني شي

قالت روح روح أبوك لايشوفك روح فوق روح فوق !!

وكنت أقول هذا منكم إنتو .. إنتو ماتحسون فيني .. إنتو ماتحسسوني أني رجال .. أنتو ..وهذا مافي ثقة ..

ياخي من حقهم ان مافي ثقة .. عالم برة وحوش

فرحت وسهرت ذاك اليوم عسس إني أقرى .. وماقدرت إني أقرى ..

بكرة امتحان .. قلت يمكن بعد صلاة الفجر تشتغل الحبة عشان أقرى

ما صور ولا من يحزنون !!

الا صرت مثل الشابي ..كله ناقز قاعد ..

رحت المدرسة وأنا مو نايم ..

فدخلت أبطالع الورقة ..مني قادر

سهران وعيوني تسوي كذا .. ماحليتي شي

وأنا قاعد أحل كان عبود رواي .. قلتله عبود ماشوف؟

قالي إيه فكت

قلت زين وش الحل ؟

قال خذ هذي – ويدفها من تحت الكرسي-

وآخذها واجطها فحلقي

فكت ..اشتغلت .. صرنا مواته .. مصطلحات وأنا أبي كل أبوي يعرف المصطلحات هذي ..

لانه رح يسمع ولده يتكلم فيها..

عطوه خير .. يقله الخير بوجهك ..يعني يبي حشيش!

مصطلحات ..

دخلت في عالم الادمان طلع عندهم لغة غريبة

ولكن يا أخوان المشكله أني أنا نجحت في التعاطي ورسبت في المدرسة

وهذ النجاح اللي يسمونه نجاح قاتل ..

بديت آخذ حبة ورا حبة

وقمت أشتري .. صيف عطلنا سقط ووجب التعليق

علقوني .. أبي أنسى .. كل المصطلحات هذي كانت تجي في بالي

كنت أحب النوم .. وكانت الحبوب تسهرني

كانت تعور مخي .. فرحت حق واحد من اللي أشتري من عندهم حبوب

فقلت له الحبوب ازعجتني .. أبغ أنام

قام يقلي يا بش مهندس .. يقولون مايفك الحبوب الا الخمر !

قلت يعني شلون؟

قلي رح اشتري الخمر وأشربه ونام

قلت : بعد؟؟

قال : أقلك كان تبغى تفك!

ورحت شريت خمر وشربته

هذاك اليوم أنا شربت خمر وأمي سوت حالة طوارئ فلبيت .. المهم أبوي مايشوفني مسكين

فرجعت له قلتله : ياخوي الخمر فيه ريحه وحنا عايلة محافظة مايصلح .. وش لحل؟

قالي ياخوي: ترى مافي حل إلا الحشيش .. ترى الحشيش مافيه ريحه

أنتو لاحظتو وش قاعدين يسوون فيني هم؟

من الدخان إلى الحبوب إلى الخمر إلى الحشيش..

وأنا صاير بس هات .. مافي إدراك خلاص انتهى الموظوع

"يا أيها الذين آمنوا لا تتبعوا خطوات الشيطان ومن يتبع خطوات الشيطان فإنه يأمر بالفحشاء والمنكر "

عشان كذا أنا قاعد أقول حق الشباب .. انتبهوا انتبهوا من الدخول

لانه خلاصإ ذا استسلمت لهم فهم رح يدخلونك ..الان رح تسمع هالسوالف

بسيطة .. إذا هي جات علمخدرات

الامور وصلت إلى شرف إلى عرض .. لان هالامور شي يجر شي

هذي الحقيقة .. والله إني كنت قاعد عند مروج ودخل علينا واحد وياه طفل عمره السنتين تقريبا وكانت ناقصة من فلوسه عشر ريال

قالوله رح كمل فلوسك

قالهم : لا والله بيتي بعيد وما ..

قالو : أقووول رح كمل فلوسك

قال: أنا تعبان

قال: عيل ياخوي وش هو ظمانك

قالي: اظمني يايوسف ؟

قلتله : لاماظمنك وش فيك انت مجنون ؟

قال : عيل خل الولد عندي , ورح جيب عشر ريال

والله خلى ولده عندنا وراح جاب عشرة ريال ..والله ياخوان خلى ولده عندنا ..

- ويبكي الشيخ ثم يعيد- والله خلى ولده عندنا .. وقام يبكي الولد

وياخذه ويحطه بغرفة ثانية وهو يقول (بابا بابا )

من فيكم يحيب الحياة هذي؟؟

من هو فيكم يحب الحياة هذي؟؟

يتـــــــــــــــــــــــــبع

يعطيك العافيه اخون فلان ارجو انك ما تاخر علي بالباقي

وجزاك الله خير يا غالي

هلا وغلا بخوي منصووووور ..

صراحة يوم إني لقيت ردك .. يعني مدري شلون أوصفلك شعوري

يعني طرت من الفرح ؟؟ يمكن ..
حسيت بنوعن من التفاعل خخخخخخ

يالله نشوف وش صار بعد ؟

لذة نص ساعة !!

قعدت أتعطى الحشيش خمس سنوات أثنائها أمي صادتني .. و الأمهات مساكين

وهذي رسالة للأمهات (( الشي الي مايعرفونه .. مايدخلون فيه أرجوهم))

صادتني .. وقالتلي ياولد انت متغير وأنا أمك وأنا اعرفك وأنا كذا..

قلتلها إيه والله يما أنا متغير

ويابتلي الحل على طول المسكينة .. قالتلي انت مسحور!

وماخلت شيخ في المنطقة الشرقية ولا حتى في المارات مارحتله يقرا علي..

آخر شي ودتني حق شيخ في الخبر قلها (( ولدش محشش))

قالتله لا .. ولدي مسحور..

على شنو ياحسرة يبون يسحروني ؟؟

ولكن هذي الام موراضية تعترف ان ولدها غلط ..

هي خايفة أن أبوي يدري .. يوم درت إني استعمل مخدرات قالت :

شوف اثنين لا يدرون ..

قلتلها من ؟

قالت جارتنا أم محمد و بوك !

قلت أها .. أم محمد تهم أكثر مني .. خلاص انت ماتبين أم محمد تدري ولا أبوي .. عيل

(( بخـــي))

وقامت خمسمية ورا خمسمية آخذ منها وهي ماعندها لاحول ولا قوة..

إن ماعطتني أقلها بروح حق أم محمد .. أخلصي ! ملت

رحت اشتري حشيش في يوم من الايام ولا لقيت شباب جالسين في مجلس يتعاطون شي غريب

فقلتلهم : أنا جي أبغى حشيش

قام يضحكون علي ..

ههههه.. والله انت قديم حشيش .. ياخوي وينك ؟؟

العالم الحين مايكل جاكسون وبوب مارلي .. العالم الحين ..

قلت وين هذا ؟

قالو هذا الهروين

قلتلهم بعد؟ ياخي هروين هروين ..جيبوا

واقعد أتعاطى هروين خمستعش سنة

خمس سنوات حشيش .. وخمستعش سنة هروين

كنت مثل القنبلة اللي ماعارفين متى بتنفجر!!

وأمي مازالت وياي مسكينة .. يابعض مرات أجيها محشش و اتفلسف عليها ..

ويابعض المرات أجيها شارب هروين ويغمى علي ألقيها مسكينة تقرى قرآن فوق راسي ..

تبى تطلع اليني اللي فيني .. فأمي ملت

فحولت المعاملة على أختي .. خطابنا خطابكم المذكور .. حولناك على أختك

فجبت أختي الغرفة والا أنا طايح مدري عن نفسي ..

يوم تقلها أخوك يشرب مخدرات .. قالت أختي

يووووووووه .. لاحد يدري بعدين محد يجي خطبني!

أخ !! كل واحد خايف على نفسه ؟؟

واقعد ويا أختي وأمي .. هاتو فلوس .. ترى محديخطبكم .. شوفو ترا أفظحكم

وأقعد أشتغلهم

هذا دور الاهل .. دور الام..

أنا ما أنكر أمي و أبوي وخواني وخواتي ساعدوني على التعاطي

بس ماكانو مايدرون

فعشان كذا أنا قاعد أقول لكل أم ولكل أب إذا في يوم من الايام مجرد شكيت فولدك

ترى الفاصل بينك وبينه التحليل

تعال ياولدي أنا شاكك فيه .. تعال أمشي نحلل.. خلنا نتأكد .. يطمئن قلبي

ملت أختي .. وحولت المعاملة حق أخوي

جابوأخوي في الدار .. قالو شوفو أخوك وش صاير فيه .. أخوك يتعاطى مخدرات !!

قال أخوي أووووه .. أهم شي أنه أهل زوجتي لا يدرون!

أخ.. تمام .. هذا واحد ثالث دخلناه وياهم باللعبة..

قامو يعطوني .. وانا تعاطى .. قمت أتعاطى بكميااااااات الحين

وصلت المعاملة عند أبوي ...........

هم كانو يتوقعون أن ابوي لمن يدري يبي يذبحني ..

يوم يو لأبوي .. أنا كنت واقف فوق عشان قلت لو بغى شي ولا شي .. إلا أنا منحاش !

قام قالوله .. ترى ولدك يتعاطى مخدرات

قال : وووه أهم شي بو فهد لا يدري !

قلت : ويه .. حتى أبوي معاهم ؟

كان الخجل الاجتماعي ذابحنا

كان الخجل الاجتماعي هو اللي ساعدني اني اتعاطى أكثر

هذي رسالة لكل أب .. لا يحاول يسير دكتور

ورسالة لكل أم .. لاتحاول تسير دكتورة

ورسالة لكل أخ .. لا يحاول يساعد أخوه على التعاطي وهو مايدري

الحل تحليـــــــل !

فبديت أتعاطى ..

يوم من الأيام طلعت بفن .. قلت هنا في المملكة العربية السعودية مايحترمون المدمن

أنا أبي اروح اشوف دولة ...أهاجر عشان تحترمني كمدمن!

أبغى حقوق المدمن..

وين الدولة هاذي؟

((تايلند))

ورحت حق أخوي قلتله أنا ابغى اهاجر ..

أوووووه أستانس قالي هذي خمسة وعشرين روح محل ماتروح ولاترجع

خلاص صرت وصمة عار.. يعني بديت أتنازل عن أشياء وايد

فرحت تايلند .. وبعد أربع أيام بتايلند .. وانصاد ترويج..

يصيدونيبعد أربع أيام .. ويطقوني ذاك الطق اللي والله

والله والله كانو يصعدوني الردج مشي وأنزل بطانة ماقدر أمشي من الطق !!

من كثر الطق قمت أتبول على نفسي ..

وشالوني حكمولي بتسع شهور سجن .. وحطوني في غرفة يمكن عشرة بخمسة..

وكان فيها مية سجين .. خمسين ينامون وخمسين يقعدون ..

شحاااادك؟؟ (( أنا حـــــــــــر )) وهذي حريتي الشخصية

اللي قمو يمدون على كرامتي .. ذي حريتي الشخصية..

ورجعت تاني مرة المملكة .

يوم رجعت المملكة.. أبوي و أمي طلعولي حل حلو

ياترى وش حل ميمته ؟؟ خلنا نتابع في الحلقة الجية .. ونصيحة نظرا لطول الموظوع تقدرون تفصلون الخط ..
وتمونه فاصل لين ماتقرونه كله..
مرة ثانية أقول هي المادة طويله نوعن ما بس لظروف الدراسة مامداني اكتب أكثر ..
تقبلو تحيااااااااااتي