العلم بحر.تجيكم السالفه حنا طلعنا للصمان سيارتين جيب شاصي وجيب صالون .المهم وقفنا عند محطة ام رقيبه قبل ندخل الصمان نبي نعبي بنزين ونشري بعض الاغراض .وجاء شخصين معهم جيب لكزس ووقفوا جنبنا وسلمو علينا وقامو يسألون عن بعض المحلات والاحداثيات .المهم سولفنا معهم والى والله رجاجيل تشرى خوتهم ولزمت عليهم يخاووننا بهالرحلة الي ماهيب مطوله مع التساهيل .قالو تم وعلى فكره ماهم من اهل الديره .وتخاوينا ودخلنا وشفنا لنا فيضه تسمى المنشرحه وقعدنا بها وشبينا وشرعنا بغدنا المهم الشباب حولو دش صغير معهم وشبكو النت بوك عليه (جهاز كمبيوتر شنيطه صغيره) بسم الله امر يشتغل واثره على الاقمار الصناعيه .والحين انا قاعد اكتب منه .وهذا من زين حظي ان ما انقطعت عنكم وصدق الي يقول على نياتكم ترزقون .والظاهر اني دبلت اسبدهم ودهم يشتغلون عليه بس انا عنز بدو طاحت بعبس .وكل ما وقفنا اخذتي ربع ساعه او ثلث ودخلت اويق عليكم .وابشركم الامور تمام والبر زين بالحيل ولا يفوتكم .
ياحبيلك ياساري .. مانسيتنا وانت هناك .. عز الله ان مجلسنا غالي عليك .. وهذا اللي مغليك عندنا .. علي فكرة فيضة المنشرحه هذي حولها فقع .. صيد .. عشان نشخص عند الربع ونقولهم نعرف فياض الفقع و الصيد
ممكن تشرح بالتفصيل كيف شبكوا على الأقمار الصناعية...لأنه لازم أول شي تتصل على الإنترنت عن طريق التلفون بعد ذلك تدخل على موقع مقدم الخدمة ثم تفصل الإتصال همين تشبك الدش...يمكن إن ربعك ذولا استخدموا شبكة جلوبال ستار للاتصال بالانترنت همين شبكوا الدش وفصلوا الشبكة...
وعذرا
لأني صراحة عندي اهتمامات بهالمواضيع...والطريقه اللي قلتها جديدة علي...فياريت تفصل بالموضوع أكثر...ويعلم الله إنه مو قصدي أشكك بكلامك.
تراي امزح ياطويل العمر .ابرك الساعات وانا اخوك.انا ابي اقولك الي انا شفت وبعدين أسألهم واعطيك التفاصيل بدقة متناهية وتقنيه .اقولك معهم جهاز تقل شنطه (نت بوك يسمونه) ومحول كهرباء صغير على البطاريه وجهاز مثل الدش شبك اسود فيه ثلاث اسلاك وجهازين واحد اسود تقل لاسلاكي (يعني مثل حق الدوريات) وله اريل طويل شوي ويطلع منه اسلاك من تحت تقدر تفصلهن وتقدر تتصل منه بعد مثل التلفون وجهاز ثاني يشبكونه بين الجهاز التلفوني وجهاز الدش ومن الدش ويتصل بالكمبيوتر ويقلون لي تكفى لاتطول بالحيل تراه الان يجري اتصالين من دولي الى داخلي ومن الداخلي الى الشبكه .هذا الي اقدر افيدك فيه هالوقت وبعد ان شاء الله ما اقابلهم انقلك حتى اسماء الاجهزة .
