نكت سعد الخويطر - الصفحة 6

01:54 AM

.

.

سعد الله يرحمه كان مبتكر للنكته ورمز للأبتسامه .. حتى اذكر اي واحد كان يحاول يستظرف او يسوي نفسه طريف يقولون له (وش عندك ياسعد الخويطر!)

سعد(الله يرحمه) قابلته مره واحده بحياتي وكان عند قريب ليّ وكان العشاء خفيف عباره عن معلبات وخلافه.. وكانت كيسة الخبز عند سعد. واخذ الخبز سعد وقام يوزعهن علينا وقال: يلله بسرعه حلو الاسئله وأول مايصفر الدرس تراي اباخذهن

وهذه صورة نادرة للفنان سعد الخويطر وهو يؤدي وصلته في إحدى الحفلات
( حفل لنادي النجمة )

-منقوله من"منتديات فرقة عنيزة المسرحية"-

وهذي نكته سمعته من واحد يقول:

-واحد من اصحاب البشره السوداء قابل سعد
قال: ياسعد الحين الناس الشيوخ ناس بني تميم وناس بني خالد وحنا وش نصير يا سعد ؟
قال سعد: انتم تصيرون بني قار

قصيدة :
" فارس الطرب "

يامالك الأنس والآمال ترقبه=هلا ابتدرت لقاء غير محتجب ؟
ما روضة من رياض الله تسكنها=إلا ونفحك فيها ريّـق الطلب
أعلمت دربا إلي الرحمن تسلكه=معطرالوشي في ثوب من القُـرب
يا سعد هل كنت إلا فارسا طربا=يختال فيك وريق النبل والأدب
روّيت بالظرف آمالا معطلة=لولاك لم تبن مثـقالا من الغلب
حتى الرّجـام استهامت وهي ضاحكة=من فيضك العذب يا( صناجة العرب)
أمتعت بالظرف والإيناس أفئدة=تدنوا إليك بلمحٍِ نابه العصب
فللمواسم أعراف وألوية=ينداح منك عليها صيّب الغَـرَب
وللتعاليل أطياف تقلدها=ببسمة الحب والتنكيت والعجب
كل يسامر في نجواك هاجسه=ويستعين على رؤياك بالهذب
والنائمون بلا سمع ولا بصر=يستيقظون على الإيناس والطرب
في كل ذوب تروّي منه ظامئهم=تدنو إليك قلوب السادة النجب
يروون عنك انطباعا ضاحكا ونهىً=فيه الخيال عريق باسم الشنب
يا من فقدناه والدنيا تشيعه=والمولعون به في غاية الشجب
أما لنجمك يا من كنت تتحفنا=بريّـق الأنس إيراق من السحب؟
لو أن ما كنت تمليه وتنشره=من النّـكات يعار اليوم في الكتب
لاستعذب الناس أهواء وأمزجة=موارد الكتب في سعي وفي جلب
لكن رفدك ياميمون أسلمَـه=حيآؤك الفرد للإغفال والغَـيب
فللعفاء انتصار جارح نهم=وللسرور ابتلاء ناعب الغضب
لنا إليك كما تهوى مداعبةٌ=( نجم الخويطر) من نجواك في الترب
فأنت مازلت حيا في ضمائرنا=يا مالك الظرف والتنكيت والأرب
يستلهم الفكر منك اليوم عارفنا=في كل سهم طريف صادق العَـذب
فاهنأ فديناك يامن كنت تمنحنا=طيب اللقاء بوجه ضاحك طرب
يمناك بالنبل والتمكين واردة=رغم اختلا لك بالإدرار والنشب
ومن يجد مثل ماتولي بنائله=فحظه مثل ماتبني من النسب
( ياسعد) لولاك ما كانت لنا طرَفٌ=تزيح عنا وريد اليأس والتعب
لكن شهدك فيما كنت تبدعه=من رائع الفن يذري واقد اللهب
فمن سماتك يجري الأنس في دمنا=ومن وفائك نبني زاهي الحسب
في كل درب نرى نجواك تعمره=نستلهم الذكر منه اليوم في صبب
فلا تعطل ( أبا التنكيت) مجلسنا=فأنت فيه سمير الورد والقَــرَب

17/ 2/ 1419هـ
مرثية الأستاذ الشاعر : إبراهيم الدامغ في المرحوم " سعد المحمد الخويطر "
نقلا عن ديوان الشاعر ( أسرار وأسوار )

والله اني ما امل دخول هالموضوع يعطيكم العافيه
.
.
الاعلامي

.

.

في مجلة (قوافل) -العدد 24-وهي مجلة تصدر عن النادي الأدبي بالرياض كان لسعد الخويطر (رحمه الله ) نصيب في "ملف المرح السعودي"

.

.

يقولون سعد (الله يرحمه) يوم كان يدرس بالمعهد العلمي شافه الشيخ محمد ابن عثيمين (الله يرحمه) يركض وقال له الشيخ وشبك ياسعد تركض قال سعد ابد ياشيخ لاحقتن الطنزه

هذا مقطع نارد له في احد المناسبات

الله يرحمه وغفرله

أشكر كل الزملاء والزميلات الذين أثروا هذا الموضوع

برصد وتسجيل نوادر المرحوم سعد الخويطر , وبالتعليق والدعاء للمرحوم

أسكنه الله فسيح جنانه بما أمتعنا به حيا وميتا من عذب تعليقاته ..

وهذه نكتة جديدة سمعتها لأول مرة من أحد الأصدقاء عندما كنت في عنيزة

الأسبوع الماضي .. والحق أنني ضحكت عليها كثيرا , وقد ذكرتني بنكتة أخرى

ليست لسعد هذه المرة ولكنها للشاعر الكبير المرحوم عبدالعزيز السليم (الخرطة)

وسأذكرها بعدها مباشرة للتشابه ..

نكتة سعد :

لا شك أن كثيرين منكم يتذكرون الحلاق حسن هوساوي رحمه الله رحمة واسعة

يقولون وُلد لحسن مولود , ولما دري سعد بالخبر سأل : وش سمّوه ؟

قالوا ما بعد سمّوه .. قال سعد : قولوا لحسن يسميه (خلق الله)

علشان يصير اسمه (خلق الله حسن) !!

نكتة الخرطة :

يقولون إن حماد الشبل يوم ولد ولده رياض قام يدوّر عن اسم مناسب

وكان ممن سألهم الخرطة الله يرحمه والخرطة عيّار من الطراز الأول

قال يا حماد سمّه (حِسُو) علشان يصير اسمه (حسو حماد)

قال روح التميمي : و(حسو حماد) حسو قديم معروف في عنيزة

وأنا والله ما أعرفه ولا عمري شفته بس أسمع عنه ..

المهم إن سالفة الخرطة هذي له حول أربعين سنة على ما يذكرون

رحم الله الجميع