والله يا جهاد إنه موقف محرج جدا لي :
كان عندي عمل للمدرسة ولازم يكون العمل نظيف وزين سألت كذا شخص قالوا لي :
لا تعقّب ( الخطاط الشمسان ) في الأعمال المدرسية قلت زين .
رحت ذاك اليوم لمحل الشمسان لقيته مغلق ما بعد فتح كانوا يصلون المغرب ,,
انتظرتهم ,,
انتظرتهم ,,
انتظرتهم ,,
خلصوا من الصلاة ,,
نزلت الورقة اللي فيها العمل مع شرحه , دخلت محل الشمسان , وشوف ذاك الرجال اللي لابس (( جنز )) قلت له :
صديق ,, يا صديق ...... تعال , بسرعة جلدي جلدي .
وريته العمل وشرحته له , اللي لفت نظري انه ما تكلم من يوم أنا أشرح له . وإن تكلم ما غير يقول إن شاء الله , سم , أبشر
قلت له خلاص في مفهوم :
قال الرجال : وراك موبد علي تحسبن هندي أنا سعودي , معك صاحب المحل عبد الله الشمسان .
تعرف عاد وش صار قلت له : معليش صديق
أسف معليش أستاذ عبد الله لم أعرفك وهذه أول زيارة لي لمحلك .
قال عبد الله : أنت تهون عند غيرك بعضهم يقول كلام ما ينقال !!!
عقبه بديت ما أقول صديق في محلات الخطاطين ,,, ونصيحه لا تقول صديق في أي محل خطاط
