قصيده إلقيت في عيد الفطر المبارك عام 27 /28 في مركز المللك فهد
الحضاري خلال الإحتفال بالعيد على شرف محافظ عنيزه
(( داري عنيزه ))
بالله بديـت القـاف مـن منبـع القـاف=و إختـرت منهـا كـل عـذبٍ وصافـي
وسطرتهـا مـا بـه تصنّـع ولا إكـلاف=ومـا هيـب عسـرة بالثمـر والقوافـي
مضمونهـا والـراس شالتـه الأكـتـاف=بالعيـد أهـنـي بالبـيـوت النضـافـي
تحـيـةٍ ومبـاركـه مـنـي إنـضـاف=وعيـدٍ مـبـارك بالسـعـد والعـوافـي
ومبـروك يـا دارٍ لهـا مجـد وأسـلاف=تاريخهـا مـا هـو علـى الكـل خافـي
داري عنيـزه كاملـة كـل الأوصــاف=ومن حقي أفخـر مـا يجيـن إختلافـي
ولا أقول داري خوفـي الظلـم وإجحـاف=أخـاف أصيـر مجنّـب الحـق جـافـي
أقول أنا أمـي مـا بهـا شـك وخـلاف=ضمتنـي وغيـري علـى حضـن دافـي
إيـه إفرحـي يمـه رغـم كـل زهّـاف=فيـك المعـزة والـشـرف والعفـافـي
وما زالوا رجالـك ذرى حمـر الأشعـاف=نهج السلـف مـا بـه نفـوسٍ ضعافـي
حرصٍ على النهضه على كـل الأطـراف=بـدار الشعـر والعـلـم دار السنـافـي
مجهودهـم للعيـن واضـح وينـشـاف=ثـوب الوفـا لبسـوه وافـي وضـافـي
وما هي غريبه لا رعى الـدار الأشـراف=يصبـح سحـاب الخيـر فيهـا متقافـي
اللي لهم فـي صفحـة الجـود ميقـاف=من شـان لا ياطـا الغصـون الجفافـي
من عند (( أبو بندر )) بتوجيه و إشراف=(( فيصل )) أميـر المنطقـة دوم وافـي
أميرنـا مالـه عـن الطيـب مـحّـراف=سـاد القصيـم وجـاد دون إنحـرافـي
ومنساك يا رجلٍ سعـى بالوفـا وطـاف=رجـل الشدايـد لا إنتحـى كـل هـافـي
نسل الحـرار الحـر مـا أقـول خطـاف=وعن خدمة المحتـاج مـا هـوب غافـي
وفي خدمـة الديـره وأهلهـا والأريـاف=واللـي حـوى التنظيـم حتـى الفيافـي
و إن قيل منهـو قلتهـا عنـد الأعـراف=محافـظ عنيـزة (( مساعـد )) وكافـي
اللـي يقابـل بالبشـر عـدة أصـنـاف=منهـم قلـيـل العـلـم وإلا الثقـافـي
ومدحي ((لأبو فيصل)) ترى ما هو إسراف=يستاهـل البيـضـا وهــذا إعتـرافـي
قلته وأنـا مرمـاي فـي قـد الأهـداف=وإن كـان بـه زلـه بكـم كـم رافــي
ما يبدي الموضـوع مـن كـان خـوّاف=ولا قنص مـن خـاف مـذرى السوافـي
تمت على ما قلـت مـن منبـع القـاف=وكل عام والفيحـا بهـا الجـو صافـي
الشاعر : أحمد بن عبد الرحمن الخراز
