وهم

تخيلو العكس الحرمه تقوم بنفس اعمال الرجال والرجال يقوم بنفس اعمال الحرمه؟؟؟

ــــــــــــــــــــ1 ــــــــــــــ

سعيد عمرة 26 سنة خلص دراسته وقاعد ينتظر بنت الحلال الي ترضى فيه (الله من واحد بيقعد بها لو الوضع كذا )... سعد تعبان نفسيا كل ماجو ناس يخطبونه لبنتهم وشافته بنتهم راحو ومعاد رجعو (وجه واحد رايح في خرايطها)...واخر وحده جتهم ام فهد تبي تخطب سعد لبنتها نوره ... نوره شارطة انها لازم تشوف سعد (الحمد لله على النعمة الي انحن فيها )... جت نوره وقعدت في المجلس ودخل عليها سعد ومعه العصير ... حط العصير عند نوره ... وطلع يركض لغرفته ... صك باب الغرفه وتسند عليه وخدوده حمر وهو يدعي يارب اعجبها وتاخذني .. .. وراحت نوره تشوف غيره... وجلس سعد اسابيع ينتظر رد نوره ؟؟؟؟؟
ـ

ــــــــــــ2 ـــــــــ

ابو محمد يقوم من الساعة 6 الصباح …. ويسعى في فطور ام محمد واذا زهب الفطور راح لام محمد يصحيها …
ابو محمد/ قومي يا ام محمد … قومي يابعد عمري افطري وروحي للدوام …
وبعد ربع ساعه من التدليع والتخقيق قامت ام محمد ….
التفت عليها ابو محمد وقال/ صباح الخير ….
ام محمد/ ردت برومانسيتها المعتاده كل يوم أي خير هو الي يشوف وجهك يشوف خير زهبت الفطور والشاهي
ابو محمد/ يرد ويقول نعم ياحبيبتي كل شي زاهب ….
ام محمد / انزين اقلب ويهك عني ابغسل ويهي وايي افطر هاالحين ....
ابو محمد/ شوفي يا ام محمد هذي الوريقه فيها بعض المقاضي للبيت
ام محمد / هذا الي انت فالح فيه يالثور
ابو محمد / الله يسامحج ياام محمد ويخليج لي ولاهلج … نحن شو بدونج . .
ام محمد / المهم بكره انا عندي مشوير قريب وبوديك عند اهلك يومين .
ابو محمد / وين بتروحين … (خايف تعرس عليه )
ام محمد / ابروح لجهنم … اقولك لا تسالني وين بروح وين ابيي … وان عاد سمعت كلمة وين رايح منك … ترى والله مايردك الا بيت اهلك …. والا والله لاصك لك جار او ضر اعصر به قلبك .
ابو محمد / العذر والسموحه طال عمرج … شو تبين اطبح لج على الغدا طال عمرج …
ام محمد / اطبخ سم … ( صكت الباب وظهرت )؟؟؟؟

ـــــــــــــــــــــ 3 ـــــــــــــــــــــ

ناصر قاعد في غرفته ... منسدح على بطنه يقرا مجلة سيدي ولك انتَ ...وفجه التلفون ترررررررررررررررررررررن
ناصر / الو مين
ساره/ هلا ومرحبا بها الصوت .. انا ساره
ناصر / عفوا من تبغيين
ساره / ابغاك انت
ناصر / قلة حيا … ما عندج اخوان تخافين عليهم وعلى سمعتهم بعدين ترضين وحده تكلم اخوانج يا قليلة الادب طوط طوط طوط
ترررن ترررن
ساره / اسمع لاتسكر السماعه انا اعرفك واعرف كل شي عنك … وانت بعد تعرفني زين
ناصر / انا ما اعرفج ولا ابغى اعرفج. طوط طوط طوط
تررن تررن
ساره /الو اسمع انت تتذكر رسايلك الي عندي وصورك ايام الثانوي … تراها موجوده لحد الان عندي محتفظة بها كل ها السنين
ناصر / ارجوج انا عرفج هالحيين ارجوج انا كبرت وعقلت وذيك الحركات كانت ايام المراهقه … ارجوج رجعي صوري ورسايلي ارجوج والله لو يدرون اخواتي ليقطعون راسي .
ساره / انا بعطيك كل شي بس ابغاك تواعدني في محل اعطيك فيه الصور … والا والله لانشرها في كل مكان …
ناصر / ارجوج لا تفضحيني … ارجوج … وين طيب اواعدج علشان تعطيني الصور والرسايل .
ساره / اسمع انا اعرف ان عندكم عرس الخميس الياي بتروحون له … سو نفسك مريض ولا تروح معهم وانا بيب الصور والرسايل لك
ناصر / طيب خلاص الخميس (مكسور الجناح)
وفي يوم الخميس ماراح ناصر مع اهله للزواج تعذر ان هدومه خربها الخياط … وقعد ناصر لوحده في المنزل …. وفي تمام الساعه 10 واذا بجرس الباب
تررررررررررررررررررررررررررررررن
ناصر بخطوات متثاقله وبصوت يشوبه الخوف من المجهول يرد ويقول / مين
ساره / انا ساره افتح الباب
ناصر / لا استطيع لايوجد في المنزل سواي … ادخلي الرسايل والصور من تحت الباب
ساره / اذا لم تفتح الباب فستندم طول عمرك وبتصير سمعتك على كل لسان هذا اذا ماذبحوك خواتك .
فتح ناصر الباب … ودفعته ساره بقوه …. ودخلت المنزل لتستفرد بهذا الضعيف المسكين اللذي لاحول له ولا قوه … اخذ ناصر يرجع للخلف وهو خائف من ساره حتى دخل الى داخل المنزل هربا منها ولكنها لم تتركه في حاله … وبعد ان اخذت مبتغاها … همت بالخروج … وقال لها ناصر والدموع ملىء عينيه لماذا لماذا انهيت حياتي ماذا تريدين مني ارجوك اخرجي اخرجي ولكن قبل ان تخرجين اعطيني الصور والرسايل …
ساره / أي صور واي رسايل … هل جننت حتى اعطيك اياها ؟؟؟؟؟
لقد اصبح ناصر ضحية استهتاره ايام المراهقة ؟؟؟؟؟؟؟؟؟


وشكرا

جود

هههههههههههههههههههههههههههههههههههههههه انواااااااااااع الوناسه لو هالعكس يصييييييير احمد ربك ياوهم انه مب صدق كلامك ولا كان علوووووم
والله اني رحمت سعد كل ماجت وحده تخطبه تطقر به الله لايحطني بموقفه
ولا ابو محمد اعوذ بالله مرته قشراااا بس رهييييييبه تبي توديه لاهله يوميييييييييين هههههههههههههههههههههههه
بس ناصر هذا لحاله ياعمري توهق هو ورسايله قلعته محد قاله ياخذ راحته الحريم مالهمش اماااااااااااااااان الا انا عندي رسايل كثييييييره من معجبين بس مافكرت اهدد اي واحد منهم
<===== كني ذمه وضمير ههههههههههههههه
بس بصراحه موضوعك يضحك مرررررررررررررررررررررره ورهييييييييب خلاني اضحك كذا

اميـــرالقلـوب

لو يصير العكس ودااعا للخوف وداعا للمذاكره ودااعا للمصاريف==>قعيطي

آه بس لو يصير اللي تقوله!!! وتجي البنت مع ابوها للبيت وتشوفني ههههههه مسخره والله كان نصير لعبه بأيدين البنات ههههه مادري وش يصير لو ينقلب الوضع ؟؟ والا أجل تهدده هآه ههههه لاقيته شف البنات بس اذا مسكو على الواحد شيء يجننووووووووووونه يهبلون فيه الله يستر .
بس حلو الاعتراف من جود (البنات مالهم امان)

مشكوووووووور أخوي على الموضوع ونبي أكثر ===>الى الامام

اخوك / امير القلوب

خويلدولداهله

لووووووووووو صارت ......عز الله الي 100% اصير عانس



<==========واثق من نفسه

الفري

والله الموضوع حلووووووووو

وشكلي ابي احلم به

<==========(عجااااااااااز)

والله ان مايصير به زواج يدوم اكثر من يومين

ان كان يصير الزواج عرفي

الموضوع كله حلو بس لو مابش ججج وطقته لانه بعضهن مافهمتهن

طيب على السيره اسامينا لازم تغير انا اصير الفريه

وهم

الفريه........
خويلده بنت اهلها,,,,,,,,
ايميره القلوب,,,,,,,
جواد..................
اشكركم على ردودكم,,,,,,,,,,,,


مع تحيات وهم(لحد يقول لي يش انت ما قلبت اسمك بنت )