|
ديوان / الجناح .. من شعراء عنيــــزهـ
[frame="6 80"]السلام عليكم وحمة الله وبركاته
صباح الخير
اخواني واخواتي مرتادي .. هذ ا الصرح الشامخ .
يشرفني ان انتسب الى منتدى يحمل اسم غالي .. علينا جميعا وا ن تكون
اول مشاركاتي هو اهدائي لكم ديوان الجناح .. شاعر من شعراء مدينة عنيزه
وجدت ديوانه في احد المنتديات
ورغبت ان اقوم بااضافته
|؛¤ّ,¸¸,ّ¤؛|صقرالعروبــــــــــــه |؛¤ّ,¸¸,ّ¤؛|
المجد انت المجد ياللي حكوا به
والطيب منك الطيب واقف ومهتال
منهو لنا غيرك ياصقرالعروبه
ياللي الا قلت الامر زلزل جبال
حسيت شعبك فيك تسري ذنوبه
وانت الطهاره كلها فيك تختال
تمشي بدرب الخير وتعرف دروبه
تعطي ولا تاخذ عن ريالك ريال
ياابوالجميع اللي عطاء الشعب ثوبه
حناواهلنا كلنا لك لك عيال
روحك بشعبك فوق فوق محبوبه
حتى غدى حبك بالارواح تمثال
وبقلوبنا لك حب ماعذربوا به
فيه الوفاء وفيه الغلا قوس همال
عهد علينا حبكم مانتوبه
الدين دين وتارك الدين دجال
ياخادم البيتين حبك وجوبه
امر من الله تحفظه كل الاجيال
وحنا رجالك من شمال لجنوبه
ومن شرقه الغربه بعد كلنا مال
نفداك بااعمار ولاهي محسوبه
ميلت عقالك عندنا باالف رجال
ويازمرة الارهاب انتي عقوبه
للدين شر وللوطن كل غربال
حنا هل التوحيد ومن هم سعوا به
وانتم هل التكفير في كل الاحوال
وانتم لكم شيطانكم وافرحوا به
وحنا لكم ناقف على كل ماطال
كم واحد امن الجهل غرروا به
خلوه يقتل مسلم كان له خال
وكم واحد من حقدهم ذوبوا به
حتى غدى بافكارهم تايه البال
وكم واحد لااهدافهم فجروا به
وكم واحد من غلهم جاله هبال
اللي تناسوا فعلنا وماحكوا به
يوم الجهل في ديرة العز نزال
منهو بناء ذالمجد طوبه وطوبه
منهو رفع للدين رايه ولازال
عبدالعزيز اللي يقطع جنوبه
من شان هم الدين كم شاف الاهوال
عشرين عام فوقهن عشرنوبه
ومعهن ثلاث سنين وماهمته حال
داج الجزيره فاتح في حروبه
ذاك الزعيم اللي له اقواله افعال
وعياله اللي شرع ربي مشوا به
حتى بقوا من فعلهم مضرب امثال
اسعود يوم الجوع شقق جيوبه
لين الفقر به مات من طيب الاعمال
واسس لنا صرح وياما شربوا به
علم ونور العلم للشعب منهال
وفيصل حسام الدين ومهما كتبوا به
عن موقفه يومه زعل حط الاقفال
قال البدوا حنا ولابه سبوبه
نعيش بالخيمه ولا نشوف الاذلال
وخالد رحيم القلب وهذي عيوبه
فتح بنوك وللعمل جدول اعمال
واشرق زمان الخير واقفى غروبه
واعلن بوادر نهضة كيف تنطال
وراحت لاابو فيصل وانااشهد غزوا به
قاد المسيره والفهد رمز الابطال
ارسى قواعدها وثبت طنوبه
عشرين عام واربع سنين جمال
وانت بحياته كنت يالحر صوبه
انت اليمين اللي تعينه وله ظلال
وسلطان عن يسراه يمنى عطوبه
لحدودنا حامي وسم للانذال
ذاك الكرم منه الكرم عذربوا به
مثل البحر يمناه ويسراه شلال
يعطي والا منه عطاء له عذوبه
كنه من الله للعطاء صار مرسال
واليوم في عهدك لقينا الخصوبه
انجاز فوق انجاز بالسيف والجال
ومنهو لنا غيرك ياصقرالعروبه
ياللي الى قلت الامر زلزل جبال
..................
نبض القصيد
للوطن قلب الوفاء ينبض قصيــد
للوطن قلت انثر حروفي ثنـــــاء
افتخربه واكتبه حب ونشيـــــــد
وارفع الهامه واقول اني انـــــا
ايه احبه حب يجري بالوريـــــــد
راضع ذالحب من يومي ضنــــــا
من جبلها من سهلها والنضـيــــد
نشرب الماضي قراح ماسنــــــا
نستمد الطيب من خضرالجــــــريد
والكرم نحييه بعد اجدادنـــــــــا
الله اكبر كيف عادات تبــــــــيـد
والكرم والطيب فينا مافنــــــــا
دارنا للجار ملفى والبعيــــــــــد
تحتضن بالعين من لمه عـــــــــنا
وان بغى حاسد على ارضه يكيد
دونه الدستور فيه احكامــــــــنا
جاعلين الشرع في حد يســـــيد
مانشوف اللي بهرجه ذمنـــــــا
دارنا بالعون هي بيت القصيــد
مملكتنا هي ابونا وامانــــــــا
............
ميــــــــــــــــة سنه
.
.
مية سنه فيها تحقق للاجيـــــــــــــال
مجد سرى للالفين سنة جديـــــــــــده
حلم بداء به شيخ مع كم رجـــــــــــال
مبداهم التوحيد فعل وعقيـــــــــــــده
زهابهم غير التمر اقــــــــــــــط ودلال
وقلوب اصفاء والخواطر قصيـــــــــده
ركبوا عليهن عزمهم ينهض جبـــــــــال
واجسادهم فوق الاصايل زهيــــــــــده
كل ترك من بندقه فوقه ظـــــــــــــلال
واطلق رسنها يمسك الموت بيــــــــــده
فزن وراهن عجهن كنه خيــــــــــــــال
قدح الحوافربرق يسمع رعيــــــــــــده
بيض النواصي فوقهن بيض الامــــــــال
يتلون شيخٍ كنه الا طريـــــــــــــــــــده
حر شهر في نجد لااقوله افعــــــــــــال
بالموت حنا كل راس عنيــــــــــــــــــده
لين استوت له مهرة دون خيــــــــــــــال
واصخى لها من كل شي تريـــــــــــــده
وارسى دعايم حكمها بعده عيــــــــــال
محدتخاذل بينهم عن عضيـــــــــــــــــده
تشايلوا مابينهم ثقل الاحمـــــــــــــــــال
يمنى بلايسرى تراها وحيـــــــــــــــــده
وحل الوفاء واسترسلوا طيب الـــــــفال
عقب الفقر والخوف حال سعيـــــــــــــده
وحدة وطن ماهي سواليف تنـــــــــــقال
اللي بناه سعود فيصل يــــــــــــــــزيده
وراحت لخالد وردهـــــــــــــــــا جم وزلال
عهد بداء للشعب ينثر حصيــــــــــــــــده
والموت حق ماوقف دونه ابطــــــــــــــال
يالله عساها اروحهم بك شهيـــــــــــــده
وجت له تجر خطاه وحمولها اثقـــــــــــال
وقتٍ تغير والعواصف شديــــــــــــــــــده
حال القمر لامن كمل عود هــــــــــــــــلال
صار الزمن يفرض عليها جحيــــــــــــــــده
وابدى لها من فزعته هم جمــــــــــــــــال
شاف المنيه بالعيون الجهــــــــــــــــــيده
واصغى لها من حكمته تشرح الحـــــــــال
مع كل هم قيل تسمع نهيـــــــــــــــــــده
قالت همومي ي الفهد ماهن قــــــــــــلال
قال الله اقوى والعواقب حميــــــــــــــده
وقامت وهي من فرحته بس تختــــــــــــال
يوم عن التاريخ يرفع رصيـــــــــــــــــــده
رمز بناء للعلم مارد ومنهــــــــــــــــــــــال
حتى استوى بالعلم عبد وســــــــــــــــيده
اللي بذل روحه لنا واشغل البــــــــــــــــال
ماشاف طعم النوم عينه سهـــــــــــــــــيده
قاد الجحافل والعدوا شاف الاهــــــــــــوال
مافادهم جمع البشر وتحشيـــــــــــــــــــده
لنسورنا من عالي المجد منــــــــــــــــــزال
ونمورنا ماحسبت لتهديـــــــــــــــــــــــــده
شهب تهاوت بالسماء ترسم اشكــــــــــــال
وامواج نار للمعادي تبيـــــــــــــــــــــــــده
صب الغضب واضحت بقاياهم اطـــــــــــــلال
يوم الحم به يختلط مع حديـــــــــــــــــــــــده
رد الكويت لشعبها وافي خصــــــــــــــــــال
فزعة سعودي تنتفض في وريـــــــــــــــــده
ويالله طلبتك وارفعوا كــــــــــــــــــف الاذلال
ياواحد بقلوبنا نستعيــــــــــــــــــــــــــــــده
انت اللذي من رحمتك سقت الاجــــــــــــــــال
وانت اللذي ماغاب عنا وعــــــــــــــــــــــيده
تجعل حصايد مافعل صالح اعمـــــــــــــــــال
ياقف بهن في يوم ينفع رصيــــــــــــــــــده
واحفظ لنا بحماك عن كل محتـــــــــــــــــــال
امن سكن ببلاد وارض بعيـــــــــــــــــــــــــده
في ظل ابوفيصل عصاء الحقد ماطـــــــــــال
حكومة بهداية الله رشيـــــــــــــــــــــــــــــده
فيها لبومتعب مع الحق فنجـــــــــــــــــــــــال
وايد على شر النوايا عتيــــــــــــــــــــــــــده
واله الشهامه تنتخي ميلة عقـــــــــــــــــــــال
وفيه المكارم ومانطول تعديــــــــــــــــــــــده
اليا وقف في هيبته كــــــــــــــــــــــل الازوال
واليا جلس في مجلسه من يفيــــــــــــــــــــــده
قلب به الفطنه وقول عن امثـــــــــــــــــــــــال
من حكمته حتى الخطاء فك قيـــــــــــــــــــده
وفيها لبوخالد من الخير شـــــــــــــــــــــــــلال
للي شكاء دنياه واللي وحيــــــــــــــــــــــــده
منه الكرم صابه سبب فعله هبـــــــــــــــــــــال
وصارالكرم سلطان شعب يسيــــــــــــــــــــــده
كل الصعايب وان حضر اسمه هـــــــــــــــــــزال
وكل المعاني دون حقه بليـــــــــــــــــــــــــــده
ومنا لبو تركي مع الصبح مرســـــــــــــــــــــال
لا نسنس الغربي وحرك جريــــــــــــــــــــــــــده
تحية فيها عزاء حـــــــــــــــــــــــــــــب واجلال
يوم الوطن بايعك بيعه جديـــــــــــــــــــــــــــده
.
رايــــــــــــــــة العز
.
.
مثل الجواري بالبحر تحتها الخيــر
فوق الصوراي راية العز ترقـــــى
دار رفعتـي عزنـا دون تقصيــــــر
وش به علينا روحك اليوم حرقـــاء
عز سرقنا بـه نسينـا المقاديـــــــر
مابين ناس ونـاس يـادار فرقـــــــا
يادارنا خيرك خذا خيـره الغيــــــر
وحنا عيالك بالسواليـف غرقــــــاء
احد وقف حظه على جمـة البيــــــر
واحد عرف للمجد وشلون يرقـــــى
بعد السماء مابينهـم والمشاويــــر
مثل المدى والشوف من دون طرقـا
يادارنا خيرك لقاء رحمة الطيـــــــر
ونسكت ولو ذالخير للطير يرقـــــاء
.
قصة بطل
.
.
قصة بطل عزمه تحدى المستحيل
قصة بطل غنى بها جيل وجيل
حلم تحقق بالوجود؛؛؛عشناه بعد اجدادنا
مية سنه ذكرى تعود؛؛؛نوره رسم ببلادنا
امجاد توحيد وبناء؛؛؛واسم الوطن بقلوبنا
في سلمنا وحروبنا؛؛؛امجاد توحيد وبناء
حناالحضاره للشعوب؛؛؛رمز المحبه بالقلوب
ببلادناشرق الغروب؛؛؛رمز المحبه بالقلوب
حكام تافي بالعهد؛؛؛عبد العزيز اليا فهد
في عدلهم كل شهد؛؛؛حكام تافي بالعهد
راية التوحيد في يمنى ملكنا
لااله الا الله
اسس التعليم وبدربه سلكنا
بالا اله الا الله
عن يمينه من ولي العهد يمنى له تعين
وعن يساره بدل بسلطان يسراه بيمين
حلم تحقق بالوجود؛؛؛عشناه بعد اجدادنا
مية سنه ذكرى تعود؛؛؛نوره رسم ببلادنا
قصة بطل عزمه تحدى المستحيل
قصة بطل غناء بها جيل وجيل
عبدالعزيز....عبدالعزيز...عبدالعزبز
.
.الارهاب
عن الارهاب حنا ياوطن باارواحنا نفديـــــــك
بيدينا راية التوحيد وكل الشعب جند اللــــــه
تقدم له يابو فيصل متى بااعمارنا نشريــــك
على مع جاسم وفالح وعايض جنب جاراللــه
ترانا بالكفاح وبالسلاح كبودنا ترويـــــــــك
يسارك لك يمين الخير وعن يمناك عبداللــــه
متى باارواحنا وعيالنا يافهد نجزيـــــــــــك
متى بااموالنا وعيالنا نعطيــــــــــك حق الله
حكمت ولاظلمت ولابقاء في رايتك تشــــكيك
خدمت البيت وال البيت وصنت حقوق خلق الله
مع العشرين ثلاث سنين فيهن شعبك يهنــيك
مع العشرين ثلاث سنين فيهن حبك من اللـــه
وعن الارهاب حنا ياوطن بارواحنا نفديــــك
بيدينا راية التوحيد وكل الشعب جند اللـــــهال
..............................
قصيده بدون نقط
الصــد
الصد علمه صار والوصل لاموول
ماله امل لوهو كمل له عددها
حاله وحالك حال لوحالك الحول
وحاله على حاله على ماوردها
صارالامل كله على الصد محمول
وصارالوداع هموم حاسم وعدها
حكمه على هاك الوله حكم مسطول
وحكمه على روحه رماها وحدها
حمل على صدره وهو كله حمول
وكل الحلول اسوار سار لهددها
اسمع واحس احساس والحس مرسول
وكل الكلام سهام واصل لهدها
واسرح ورى هاك الامل دوم واصول
والمس هواه وكل كلمه حصدها
العمر كله له عسى عمره الطول
والروح كل الروح روحه حسدها
والصد علمه صار والوصل لاموول
ماله امل لوهو كمل له عددها
............
جنوود بلييس
عن عيونك .. لي عيون المهاة اللي .. تقد النور
عن عيونك لي عيون (ن) .. على السبار ملتفته
تحسبيني الى غبتي .. بموت لغيبتك .. مقهور
ابد .. لا واللذي سواك .. مكاني داخلك .. عفته
اناانتي ماتعرفيني .. الى مني شكيت الجوور
ادوس اللي رضاء لي ذل .. واروح وكن ماشفته
مقامي هو مقامي .. داخلي شاعر بدا مغمور
كتبت الشعر .. بااحساسه .. وغنيته وسولفته
ومقامك داخلي امسى .. بعد هاك الزهور قبور
مثل هاك الجنوب اللي .. جنود بليس قاصفته
ابد مالك بقاء ذكرى .. ولاطاري ولالك دور
مسحتك من حياتي .. وانتهى الماضي وحذفته
ولو.. انتي سئلتيني .. كتبت الشعر فيني بحور
اقول ان اللي كتبته فيك .. جاملتك وصففته
لأنك ماتعرفين الشعر .. من كلمة العصفور
وانااللي لو كلام البوم اعرفه .. شعر غلفته
انااللي بالشعر ارقى.. ورى هاك النجوم ادور
وانااللي لو اشوف تراب .. في دبوس وصفته
وعن عيونك .. لي عيون المهاة اللي .. تقد النور
عن عيونك لي عيون (ن) .. على الدراق ملتفته
.................
(( انسى.نفسي ))
انسى نفسي يوم يومين وثلاثـــــــه
وانتي والله لحظه مره مانسيــــــت
ليتك تشوفين دمعي وانبعــــــــاثه
وكيف احس اني بعد فرقاك ميـت
وليتك تشوفين وجهي وانشعاثـــه
وليتك تشوفين حالي وش غديـــت
العباير حارثه صدري حراثــــــــه
والهواجس لاقيه بالقلب بيـــــــــت
ايه احبك والوفاء فيني وراثــــــه
والوفاء لك بس انتي ماحييـــــت
ياجمال الكون كله ويا انــــــــاثه
يانعومه ياحلاوملـــــح وصيـــــت
كل حسن البيض بك انتي اثاثــــه
وكل زين قال من عندك بديـــــت
وفي عيونك شي من شفت اكتراثه
احتفيت بدنية الحب احتفيــــــــــت
ماالوم القلب لو قال استغاثــــــــه
وماالوم العين لو قالت بكيـــــــت
ليت كل الشعر يكفيني تراثـــــــه
لااكتبك في كل ليله الف بيــــــت
وليتها تنفع تشابيه الحداثــــــــه
كان جبت من الصور حتى انتهيت
وانسى نفسي يوم يومين وثلاثــه
وانتي والله لحظه مره مانسيـــت
..........
هذا مااحببت ان اعرضه على انظاركم
اذا كان مسموح بااضافة بقية قصائده
فسوف اقوم بجمع مااستطيعه
...........
تحيتي وتقديري للقائمين على هذاالصرح
ارجوا اجابتي
[/frame]
|
