فوائد الزكمة
ولو يا زين الزكمه ياهو الواحد يتمناه عشان يرتاح لان والله لها فوائد كثيره مايقدرها الا الي فاقدها!!
هي صح تستهلك عليك مناديل ويصير خشمك كنه نافوره بس اهم شي تقدر تعيش حياة طبيعيه مثل العالم بدون ازعاج ولا مضايقه وغير كذا تقدر تفكر وتروق وتستمخ!
لأن بدونه يصير الواحد كنه خايف من الكيماوي كنه بايام الازمة اربع وعشرين ساعة المنديل على خشمه!! ويجية ضيق تنفس وربو وتندمر الجيوب الانفيه وقرحه بمعدته وحاله نفسيه صعبه ورفض للواقع وانفصام بالشخصيه واحتمال كبير يصل للجنون!!لان جونا ومحيطنا وبيئتنا خايسه وغير صحية ابدا !
ومصدر هذا الخياس الى الحين غير معروف ولكن هناك احتمالات كثيره عن مصدر هذا الخياس ولكن تبقى احتمالات غير مؤكده ممكن تكون صحيحه وممكن تكون خطا.
يقولون ان واحد من الاسباب ان بعض الناس وسخه وطملين وعندهم حساسيه كبيرة من المويه والتروش ويعتبرون ان التروش مناسبه كبيرة مثل الاعياد يعني مثل ما تبارك للواحد بالعيد تبارك له انه تروش!! وغير كذا البعض يعتبرة نوع من الرفاهية غير واجب على الكل القيام بة يعني مثل المرسيدسات الفخمة ولا خواتم الألماس
وهو حاجه غريبه لان مافية ارخص من المويه عندنا وحتى ماكثر اللة الا المساجد الى فيها حمامات يعني حنى لو كانو ماودهم يصرفون راس مالة يروح لاي مسجد ويتروش وبلاش!! ولا حتى يحط راسة تحت اي برادة الى مافية شارع او عاير الا فية سبيل .
وحتى يقولون ان رش الكيماوي على الخضرة ولا الفاكهة تخلي الواحد مايقدر يتحكم بنفسة يعني ياخذ راحتة اكثر من اللازم!
وحتى هذي غريبة كلنا ناكل فاكهة بس نتحكم بانفسنا زين ونقدر الي عندنا ونفرق بين اذا الواحد بلحاله ولا عندة احد يعني شي يقهر الى يسونة فينا!!! والمشكلة بكل برود والابتسامة بطول وجهه
ويقولون بعد ان ان الشراب والملابس احد اكبر مصادر التلوث الي عندنا وخاصه من العزاب الى يتعيجزون يغسلون ملابسهم ولا ودهم يودنة للمغسلة عشان يوفرون ريالين حقت الغسيل مع انهم يدفعونة كل يوم بخشيش للعامل حق الشيشه
وانا بعد واللة استغرب هذا يعني نشوف ناس وسخين الى اقصى درجة وشرابهم تشمه من موزمبيق لانه طويل العمر يتصور ماتكمل اناقته الا اذا لبس كنادر ياخي مادامك كذا على اقل ارحمنا والبس نعال او حتى امش حافي اذا ماكان عندك نعال وانت تراك شخصيه مره !!بس ريحنا لا تلبس كنادر!
نجي عاد للمصيبة الكبرى واهم اسباب ترك الدراسة عندنا وهي الحمامات وانتم بكرامه الحقيقه انه فدائي الى يدخل الحمامات العامه عندنا انا مادري ليش مايستخدمونه حقين الشرطة كوسلية تعذيب عشان يعترف المجرم اذا ماقدرو يخلونة يعترف !!! لو يدخل عندنا شارون وطقته من حقين اسرائيل كان حلو مشكلة الشرق الاوسط بدقيقه لآنه هي اكبر وسيلة ضغط ممكن نستخدمه وغير كذا اقوي من اي سلاح للتدمير الشامل!! يعني انتدب لك واحد بس من ربعنا يوم لإسرائيل يلوثه كلها ويخليهم يقبلون بشروطنا
وفية بعد احتمال اخر لهذا من الناس أكلي الثوم ولا الكراث بس هذي مشكلة فقط اذا قربت للواحد يعني حله بسيط ابعد عنه وتروح الريحة!!الا اذا بلاك اللة وصلى جنبك شي طبيعي انك تتمنى ان الامام يقرا سورة الكوثر, لانك تبي الفكه
وغير كذا فية ناس مادري وش يطبخون اربع وعشرين ساعة ريحة مطبخ بيتهم غريبه والحارة كلها صايرة موبوءه وخطر جدا للآنسان الطبيعي العيش فيها لان نسبة التلوث تعدت المسموح فيه دوليا
انا رايي انهم يجيبون كم سيارة من سيارات الاطفاء و عن طريق لي المويه يرشون الناس كلهم !! ويدورن على الشوارع كلها مثل سيارات الفليت !!!بكذا يطقون عصفورين بحجر يخلون الناس ينظفون وغير كذا يحللون رواتب حقين الإطفاء !
وحتى يمنعون بيع الشراب عندنا الا لواحد معة شهاده من اثنين راعين مغاسل انه زبون دائم عندهم !! او حتى يجيب فواتير تبين انه يشري شراب كل شهر على الاقل ماهو مثل الحين الشراب يشريه مرة وحدة بحياته من يوم يتخرج من الثانوي الى مايتقاعد وهو عليه !
|
