قبل حوالي السنه طرح الشاعر الكبير
رشيد الزلامي
أبيات ووضع لمن يجاريها بنفس القوه جائزه خمسون ألف ريال
وإلى الآن لم يبت في موضوعها
المهم أني رديت عليها وبعثتها على عنوان المسابقه في حينها
تقول أبيات الشاعر رشيد
ياصاحبي درب العلا عسر بالحيل=دونه مسافه جرهديه وجردا
وقدمك لعطران الشوارب مداهيل=قطاعة الفرجه على كل سردا
ون كان ما تقدر علوم الرجاجيل=عوّد وتلقى واحدٍ منك واردا
ورديت بهذه الأبيات
بديت بسم اللي عليه التساهيل=ربٍ خلقني فرد وآتيه فردا
ومن بعدها حبيت أجاري التماثيل=واقطف نواميها كما قطف وردا
لو كان ماني حروة الجدي وسهيل=ماغير أباريهم على كور حردا
يابو جميل الناس جيلٍ بعد جيل=جيل أمس ماهو مثل جيل النهردا
ربك خلق خلقه ونفّل تنافيل=تلقى وجيه إكرام ووجيه قردا
ولااحدٍ معدل مايل الناس تعديل=ساير زمانك واطرد الهم طردا
