اقتباس:
المشاركة الأصلية كتبت بواسطة ابو غزاله
روح التميمي , ريـمـيـة
فيه خطأ بقصيدة ( لوعة المغرم) لأحمد الناصر !!
ابصبر واتصبّر مير اظـن الصبـر مـا ينـذاق
ابصبر واتصبّر مار اظـن الصبـر مـا ينطاق
لي عوده ... |
وعليكم السلام ورحمة الله وبركاته !
مرحبا بك أبوغزالة ..
(مير) و(ومار) ..! طبعا الشاعر من الزلفي وهم هناك
يستخدمون الثانية .. لكن هناك أخطاء في النقل أشنع من هذه
سنعود إليها ونعدلها بإذن الله ..
بانتظار عودتك يا أبوغزالة .. وملاحظات المفيدة
تقبل تحياتنا
* * *
خلاص لا ترجع
خلاص لا ترجع ترانا سلينا=ما كنت أصدق يوم اني أبنساك
في بعدكم ياما عليكم بكينا=واليوم ماتطري على البال طرياك
وأنا ادري انك رغم صدك تبينا=لا شك ناسٍ ضدنا تقصر اخطاك
من سكرة الحب الصناعي صحينا=حتى المجالس عفتها خوف ذكراك
خل اللذي غير حنانك علينا=يعطيك من قلبه ربع ماعطيناك
وش عاد لا صار السلام بيدينا=قلبي وقلبك بينها دارت افلاك
ودعت ماظي حبنا وانتهينا=وقلبٍ نسيته يوم لا بد ينساك
ذكراك ياغدار هانت علينا=حتى دموع العين فرحة بافرقاك
حبٍ جديدٍ غير حبك لقينا=حديتني جعل الليالي تحداك
عبدالله العليوي / عنيزة
* * *
قرار البعد عني
لوعـرفـتـي وش بـقـلـبي والنـوايــــا=ماتعـجــلــتــي قــــرار البــعــد عـنــــــي
لوصبـرتــي تعـرفي ويش الخـفايــا=غـير مـوتــك ماقــــدر ياخــذك مـنـــــي
جيت أنور في نواحـيـك الزوايـــــا=واستـردك من زمن حـــزنـك واهـنــــي
جـيـت ابـدل في لياليــك الحكايــــا=ليـن اخـلى كل نجـــمــه لـــك تـغـنــــــي
جيـت من ربـي بقـلبي لك وصايـا=ازرع البسمــه عـلى شفاتـــك واحـنــــــي
ليـن مايبـقـى من احـزانك بقايـــا=وانــي احســن فـيـك طـول العـمر ظـنـــي
وللاسـف رديـت في كل الهـدايا=يــوم عـجلـتــي قــرار البـــعـــد عـنـــــــي
سليمان السلامة / عنيزة
* * *
وداعك موت
وداعك كيف أبتحمل وداعك=وداعك موت ياكل الحبايب
دخيلك لا تلوح في ذراعك=ترى قلبي بنار الشوق ذايب
دخيلك قبل ماتطوي شراعك=منين الصبر قلي وأنت غايب
على الفرقا وأنا أشوف اندفاعك=وأقول الله يادنيا العجايب
شريت الزين ياقلبي وباعك=وراح اليوم وجروحك عطايب
نهايتنا بكلمة قلتها لك =وداعك موت ياكل الحبايب
عبدالله العليوي / عنيزة
* * *
لحظة التوديع
لحظة التوديع فيها ويش أقـول=كل مابالقلـب قالتـه الدمـوع
أعذرن يازين لوصمتي يطـول=لاتلومن حسرة الفرقـى تلـوع
ودي أوادعك والعبـرة تحـول=موقفي صعبٍ وفرقاكم تـروع
انتصر حزني وضاعن الحلـول=وانطفت من لوعتي كل الشموع
في خفا قلبـي تعابيـرٍ تجـول=في وداعك وانتهت بين الضلوع
سليمان السلامة / عنيزة
* * *
منك انتهينا
منك انتهينا يا مخيب رجانا=الصبر طال وعذبتنا المشاوير
في موت حبك يجبر الله عزانا=بيدك رميته لا تقول المقادير
لولاك حنا ما تبدل غلانا=كل الوفاء منا ولا منك تقدير
قلنا سحابة صيف تعبر سمانا=وتزول ماله في سماء الحب تأثير
غدرك على نسيان حبك حدانا=هذي سواتك ماتفيد المعاذير
عفناك واللي عالمٍ في خفانا=البعد عنك أرحم وقلبك مع الغير
عبدالله العليوي / عنيزة
* * *
قلبك أناني
اعذريني لو على الفرقا قويت=ماتركتي باختياري حل ثاني
كل شي فيه ضحيت ورضيت=وللاسف قلبك باحاسيسه أناني
عشتك أيام وحقيقه مالقيت=في مشاعرك المحبه والحناني
جيت لك غيمه من الحب وهقيت=اني القى بوسط قلبك لي مكاني
وكل مابينت ضيقي واشتكيت=منك لك حسيت في ذل وهواني
والله اني يعلم الله مانويت=غير كل الخير ولك قلبي دعاني
اعذريني لو عن ايامك سليت=ويش قلبك لو بغيت اندم عطاني
سليمان السلامة / عنيزة
* * *
ودي بشوفك
ودي بشوفك يا مطول غيابك=بعدك علي الكون ياعزوتي ضاق
أسهرت عيني في رجاوي كتابك=يمكن يهدي بين الأضلاع خفاق
جفت غصون القلب وابطى سحابك=للموت روحي ياهوى البال تنساق
ناشدتك الله لا يخيب الرجاء بك=عساك لي يامالك الروح مشتاق
قلبي معك لو تجرحه في عتابك=لا شك من دونك خطاويه تنعاق
يازين قلبي من هواك التجى بك=لاتجرحه زودٍ على جرح الاشواق
تبيعنا واليوم تبكي هوانا=لا يا عديم القلب فرقاك لي خير
عبدالله العليوي / عنيزة
* * *
ارفقي
أرفقي بالقلب بالله أرفقي=لاتردينه لحبك والفراق
لاتردينه على الشوق أتقي=فيه ربك توه من الحزن فاق
لجل وجه الله من الهم أعتقي=قلبي اللي ذاب رجوى وأشتياق
لونسيتك ماتناسى مفرقي=شيبي اللي لاح من مر المذاق
قلبك لغيري بشوقه يلتقي=وش لك بقلبي تشدين الوثاق ؟
لاتسلين بتعب قلبٍ نقي=يوم قلبك من ظروف الوقت راق
مايسرك ينقضى عمرى شقي=في رجاك وقلبك لغيري يساق
ومايفيدك لو أعيش اللي بقي=من حياتي في تعاسه ماتطاق
أسألك بالله قولى وأصدقي=ليه رديتى بعد طول الفراق ؟
سليمان السلامة / عنيزة
* * *
جروحي تسليك
مدري متى صارت جروحي تسليك=عقب الوفاء وشلون غرتك دنياك
يا من علي اليوم كثرة طواريك=نهاية الغدار ماظن تخفاك
في حبك الثاني عسى الله يهنيك=حنا مع الأيام ندله وننساك
كنت الرجاء واليوم خاب الرجاء فيك=أرخصت ماضينا وغيرت مبداك
وين الحنان اللي مقره موانيك=وين الضمير اللي عن الغدر ينهاك
غال الدموع أرخصتها لك وأنا ارجيك=ابني لك بدمعي وتهدم بيمناك
يكفين ما قاسيت منك و تغليك=منتب على قلبي وصي وملاك
عبدالله العليوي / عنيزة
* * *
قرب يطيب الجرح
قرب يطيب الجرح لولاي مريت =عـلـى دروبٍ ذكرتني بخلـي
وقفت حاير بين شوق وتناهيـت =قلبي ينوح ودمع عينـي يهلـي
أبكي حبيب راح أقفى وانا أقفيت =يومه على ذا الدرب فينـي يهلي
يوم الليالي لي علــى ماتمنـيت =يوم العذول اللي يلومـن مولـي
واليوم والله من هوانـا تشكيت =غـاب الذي لايام عمري يحلـي
غاب وتركني غارقٍ بالتناهيـت= مابعده أحــدٍ في حياتي يسلـي
سليمان السلامة / عنيزة
* * *
حزني طبيعة
مما جرى ياصاحبي لا تكدر=حزني طبيعه ماتعودت الأفراح
الصبر ينفذ والغرابيل تكثر=صار الأمل للياس والهم مفتاح
ابكي شبابي وأشتكي وأتذكر=وقتٍ مضى ليته توقف ولا راح
ابكي شره وابكي ندم واتعبر=من حر مابي ليت من مات وارتاح
طبع الو فاء ياناس فينا تغير=حتى الو فاء مسكين من غدرنا طاح
الله معك مابيك مني تعذر=يكفين عنك اسهيل والطير لا ناح
يمك حدان الشوق ما ني مخير=واللي حداه الشوق معذور لو صاح
عبدالله العليوي / عنيزة
* * *
لوكـتـبـتـك شــوق
لوكـتـبـتـك شــوق في وجــه الزمـــان=الليالـــــــي حـبــــر وأيامـــــــــــه ورق
ماكـفـــاني عـمــر أعـبر عن حـنـــان=قـلبي اللــي يعـشق أمواجـــــك غــرق
ولو فرشت الأرض لأحساسي مكان=بالغلـــى لـك ضاقــت الأرض وفـــرق
زان وقـتي فـيك والا فيـك شــــــان=أنــت حـلمــي فـــي منامــــي والأرق
عـن ظروف الوقـت حبك في أمان=فـي عـيوني لو تـناسيـتـــــك بــــرق
دام قـلبك مارضى لى بالهــــوان=ناظري عـن غيرك أبعــد وأنســرق
سليمان السلامة / عنيزة
* * *
شفتك مع اللي صار عقبي حبيبك
شفتك مع اللي صار عقبي حبيبك=واحتارت العبره بعيني وصديت
مدري هي الصدفة لدربي تجيبك=مدري أنا اللي في دروبك تحريت
ملكتني واقفيت ربي حسيبك=ما تعرف الرحمة بقلبٍ توليت
يا قلب جرحك سبته من طبيبك=يا قلب ليتك بالوفاء ما تماديت
من حبنا كل السعادة نصيبك=يا فاقد الإحساس عني تخليت
وش فايده لو قلت عني حبيبك=وأنت بحياتك يوم ما ظن حبيت
عبدالله العليوي / عنيزة
* * *
للعذر ويش خليت
بيـنـي وبيـنك مابـقــى غـيـر مافـات=ياللــي لغيــر الجرح مايـوم حـبــيـت
سامحـت مـرات وتـغاضـيـت مـرات=للعـذر ويـش مــن المعاذيـر خـلـيـــت
ما كان حلمي ضعـف لو طول اسكات=نفسي على كثر الخطــا كل ماأخطيــت
كـــررت غـلـطــاتـك وكثــرت زلات=نفسك وانــا غريتك بكثر ما أغـضـيـت
مافـاد بـك صبـري وكثــر المـدارات=ضاقـت سعـة حلمي وبالحيــل مليــت
اليـوم انـا مقـفــي ولا بــه مـراوات=ولعــزتـي معـذور لوفيـــك ضحيــت
حاولت اعلمــك الوفا طـول الاوقـات=وقبلـك تعلمت الجفا منــك واقـفــيـت
سليمان السلامة / عنيزة
* * *
يشهد الله فقدناك
يا للي مسافر يشهد الله فقدناك=تعال باسم الحب جرحي خطيري
أنا غريق بالهوى هات يمناك=في زحمة أمواجك تعذر مسيري
مشتاق لك بالحيل يا كود فرقاك=عن ذكريات الحب وين المطيري
أرفق بقلب تالي الليل ناداك=وقتي حداني في هواك استجيري
نسيتني و إلا تناسيت ممشاك=و إلا أنت مشغول برجاء حب غيري
يا مستريح البال و شلون ننساك=والشوق ناره تشتعل في ضميري
خذ روحي اللي هدها الشوق تفداك=عسى الفلك لأخذتها يستديري
عبدالله العليوي / عنيزة
* * *
إعلان الرحيل
لويصير البعد وأعلان الرحيـل=لايهمك ضيقي من البعد عـادي
يكفي أنه في نظر غيري جميـل=ويكفي أنه ينتهى معك اجتهـادي
لاتظنـي همـي بفقـدك ثقيـل=ولاتظني أعلن بفقـدك حـدادي -
كم عطيت من الوفا شخص بخيل=وكم جحود زاد في طيبي عنادي
غايتي وأمنـاي تلقيـن البديـل=مثل قلبي مايخذلـك بالشـدادي
وأن ذكرتيني لـو بخيـر قليـل=كثر الله خيرك وهـذا مـرادي
الحياة فراق والـدرب الطويـل=ينتهي ممشاه لو بالوقـت زادي
سامحيني كان قلت وكـان قيـل=كلمة عني على جرحك تنـادي
وانـتٍ بألفيـن حـل ولايشيـل=قلبي الا الخير وأمر البعد عادي
سليمان السلامة / عنيزة
* * *
أعترف بانتصارك
بيدي رميت القلب في وسط نارك=و أقفيت يا ظالم وأنا فيك مفتون
إنهد حيلي في عذاب إنتظارك=و أخفيت جرحي مابي الناس يدرون
أرمي سلاحي واعترف بانتصارك=ابكيت من يضحك على اللي يحبون
متى تخفف لوعتي باعتذارك=اشوفكم مره على الحب تبكون
أنهيت قصة حبنا باختيارك=وين الصبر يا قاسي القلب وشلون
يازين قلبي من هواك استجارك=حبك عسرني ماطوى القلب بالهون
عبدالله العليوي / عنيزة
