المنتهي كم

مغامرة علي فلافل وام الجدايل
حبايبي انا الكاتب المنتهي كم اقدم لكم مغامرة ام الجدايل وعلي فلافل اللي كل العالم يتحرى نشرها ويمكن تاخذ جائزة نوبل بعد للديكور ما علينا اول شي نعرف بالبطلين حقين القصة وايش هي سالفتهم ::
البطل علي فلافل ::
مواليد منفوحة : مولود على جدار : يتميز بالطول 2 متر, كبير الخشم حتى انة يسمونة النفاث , اللون مثل لون الليالي , متخرج من رابع ابتدائي واحترف بيع الطرطعان (( مفرقعات )) , العلامة الفارقة بينة وبين القرد انة شعرة كنة فلافل ويمتاز شعرة بالغموض : يسبح بالسنة مرة وحدة وتحت حنفية الصرف الصحي :
البطلة أم الجدايل :
مواليد محرقة الحاير : تمتاز بالقصر 55 سم : البشرة حنطية : مائلة للأصفرار : خشمها كنة عبسة عكس البطل : عيونها كبار (( تقول للبقرة ياصغر عيونك )) : متخرجة من خامس بعد رسوب دام 10 سنوات ونجحت بالدف :
** ملاحظة : البطلة اكثر ثقافة وعلم من البطل :
بدت القصة من يوم كان البطلين صغار كان كل واحد منهم يحب الثاني (( الله على الغرام )) كانوا يلعبون بالمجاري اللي هو الصرف الصحي يسبحون ويتنزهون على شاطئة العطر ؟؟!!
المهم كانوا عيال الحارة غيرانين من ابو الفلافل لية سيطر على حسناء الحارة ام الجدايل وكانت هي معجبة بقوتة وقوة شفط خشمة لأنة كان بشفطة وحدة من خشمة يسحب المجاري , المهم كبرت قصة الحب بينهم ووصلت درجة العشق بس المشكلة انة علي فلافل ما كان يقدر يحب ام الجدايل لأنة خطر يشفطها , المهم كانوا يلعبون بالحارة لعبة المطاردة او نسميها (( الحيق )) وكان , حمد صاجة و صالح مواصير مخططين انهم يخطفون ام الجدايل من علي فلافل , (( شفتوا الخباثة ))
المهم حمد صاجة وصالح مواصير اتفقوا انهم يخلون علي فلافل هو اللي يلحقهم الأول وبين ما هو مغمض عيونة علشان يبعدون ويلحقهم , هذي قواعد اللعبة , استغلوا استغلوا فرصة انة علي فلافل كان مغمض عيونة ويعد للعشرة علشان يبدى بالمطاردة واستغلوا الفرصة وكل واحد سحب جديلة من جدايل ام الجدايل وهجوا فيها يعني انحاشوا (( تخيلوا شكلها وهم طايرين فيها مع جدايلها )) , المهم ابو الفلافل يوم سمع صوت ام الجدايل التفت وناظر ودرى بالخيانة العظمى من قبل حمد صاجة وعلى ماصورة , يوم جن جنونة ومايسمع الا ام الجدايل تناديلة حبيبي ابوالفلافل انقذني من العداة ارجوك اهي اهي اهي اهي طراط (( مزكومة عادي بس معها فاين )) ههههههاي , الرجال البنية اعترفت بالحب اللي تكنة له بقلبها طبعا (( انبسط شوي )) , وبلحظة وبدى حمد صاجة وعلي ماصورة يسمعون كنة صوت رعد او طيارة جنبهم يوم ناظروا لقوا علي فلافل من الحمقة اشتغل خشمة وقام يدخن لأنة هو مميز بالخشم النفاذ
لكن هم كانوا اخذين حسابهم ومتفقين مع المجرم صديقهم سعد(( طربيزة )) وهذا هو اللي دلهم على الخطة ,, انة يسرق لهم طيارة علشان يهربون فيها من علي فلافل وكان سعد طربيزة يناظرهم ويحتريهم يوم شافهم ضحك ضحكتة المشهورة يعيعيعيعيعيعيعيع ,, وكانت المسكينة ام الجدايل تنادي لأبو الفلافل وهم يسحبون فيها بالزفلت ,, ابو الفلافل يا حبيبي انقذني الله ياخذك وابو الفلافل ما زال بمكانة ويدخن وقامت تصرخ رجلية بمفعول خشمة وداس وراهم بسرعة كالبرق لكن ما امداه عليهم لأن سعد طربيزة قدر ياخذهم وركبوا ام الجدايل للطيارة ,, وطاروا (( بس هنا تكمن قوة علي بس )) وقف علي بس ووجة خشمة الى الطيارة وأخذ نفس ثم شفط ذيك الشفطة وسحب الطيارة ورجعها شوي وسعد طربيزة يدوس للطيارة ويحاول يفلت مع ان المكينة نفاثة لكن ابو الفلافل اجتمع حبة وحمقة وقوتة كلها بخشمة وسحب مرة ثانية بخشمة النفاذ وقدر انة يهبط الطيارة ونزلوا المجرمين وتركوا ام الجدايل وهربوا من المكان وراح ابو الفلافل واطمئن على ام الجدايل وكان متخيل انها تبي تعطية ((بوسة)) مثل الأفلام بس هي تفلت بوجهه وقالت ما اكلمك الا اذا اخذت حقي منهم وقال ابشري ونا ابو الفلافل ولحقهم ومسك حمد صاجة وطع طيع طو طم طع آة اية اوة وفقع لة وجهه وبعدة شفط علي ماصورة ومثل الأول طع طيع طو طم اة اية ,, والتفت ولقى سعد طربيزة ابعد قال ما ينفع معة الا النفاذ وسوى حركتة المشهورة التفحيط والرعد والدخان اللي يطلع من خشمة وشفط سعد طربيزة وجابة جنبة وقام وكفخة وكفخة وكفخة وطع طيع طو طم طيط الا ان قدر يحقق انتصارة على العداة ورجع لأم الجدايل وعاشوا حياتهم بسعادة لأتوصف !!
والوعد الجزء الثاني من مغامرات ام الجدايل وابو الفلافل ..
معكم الكاتب المنتهي كم

قنبور

يسسسسسسلمو وما قصرت

الحلو انا

مشاء الله
وش ذا
ماقصرت وتسلم ايدينك