السوق اليوم و يوم الاثنين 24-8............... والله اعلم

بسم الله الرحمن الرحيم

اللهم إني أعوذ بك أن أشرك بك شيئا أعلمه و أستغفرك لما لا أعلمه
اللهم ان كان رزقى فى السماء فانزلة
وان كان فى الارض فاخرجة
وان كان بعيدا قربة
وان كان قريبا فيسرة
وان كان قليلا فكثرة
وان كان كثيرا فباركلى فية

اليوم جايبلكم سالفة

رحت اخرف اليوم بالمزرعه المغرب (( من القراده))
قعدت ادور بين النخل ابي سكرية تمره منصف ومير القاء
ذيك النخله الي به قناوين ((الي بوة التمر)) اكثرة منصف
قلت يا ولد جب الكر((وسيلة لتشعمط بالنخلة=يعني اصنصير النخله)) وارق النخله

اية

واجيب الكر وتكرمون اجدع نعاليتي بالحوض حق النخله

واربط الكر حول خصري النحيل((امحق يا دينا كرزون))

وارفع الثوب الي لة شهرين ما غسل واربطة

ويطلعن سيقاني نعومه وطروة==حشا دعاية نيفيا=((الا تقل عسبان برحيه ميته))

وتعوذ من ابليس واسمي بالرحمان وارقا النخله ومعي المحفر((سطل منول))
وحبل على شان انزل المحفر بوة
وارقا

وارقا

وارقا

وارقا

وين وصلت

واثري ما تعديت ولا متر((وهي حدود 12- الى- مترين))

وادو رفي مخباتي والقا(( علبة برندا))

واخذي جغمه (( شربة صغيرة--راحت نص العلبة))

و اقمز مثل الحصان وارقا ولا يوقفن الا قنا النخله نشب براسي

المهم

واخرف من النخله واعبي المحفر

وانا ابي انتقل للقنا الثاني

.وهب وانا ازلق من الكر

وامسط

واشوف الكر فوق وانا بالهواء متجه الى الارض

وتمر علي ذكريت حلوة يوم انا صغير
والعب بالحاره
وامزع شوش البزارين

وامحطهم بالسيسية
والعب بالدنانه
واخرب على الي يلعبون برجون

ذكريات حلوة

ويخطم علي صورة المنتهي ومراقب الميدان
يضحكون علي(( وش هالكابوس))

عادي المنتهي==سعابيله تقاطر وشوشه
ومراقب الميدان== بحالق ومنكسر نص سنة+ وصقعه باين مخه منه
ورجله جايه عكس((يعني اصابعه ورا))

وانا اقدم الشريط ويروحون

وامسط بحوض النخلة واغيص لي متر ونص او عشرة متر بالطين

واسمع واحد يقومون يقول يالشايب

الشايب

الشايب

الشايب

الشايب
قم

وانا اقوم
وعجزت اشوف زين تقل ضباب وطين بعيوني
وابرق بالوجه الي قدامي

ومن توقعون

واثرة جني النخل

قال :قم لاحقن الى هنا
وش تبي؟؟؟
قلت وش جابك انت تحت اخبرك فوق!!!!!!!!!
قال تعوذ من ابليس وارقا فوق الارض ورح لبينكم ومزرعك
قلت::وجع وانا وينن؟؟؟

قال ::انت معي تحت الارض

قلت:وجعتين الي ما يبين يصير تحت الارض

قال::ضف سنونك وارق فوق تراك طبيت علينا
اجل احد يرقا نخله بهاليلول!!!!!

ولا الجني يسويه

قلت تدري اجل
خذ هذا سطل سكري يحبة قلبك
و ورن الخط للمزرعه

وطلعن للمزرعه وقال تبي شي
قلت اية

قال امر
قلت ما يامر عليك عدو
ابي تشوف لنا السوق بكرا

قال : الشايب
قلت سم
قال:: ما احد كسر سنونك التركيب؟؟؟
قلت:لا
قال:: وش شايفن (( الماااسة او ضحكتي))
قلت: من هن ذولاي
قال:: هذولاي عرافت المجلس

قالت ::تعوذ من ابليس وعلمن وش يبي يصير بالسوق

قال :السوق بكرا يمكن نشوف نزول بحدود ((100))
اعتقد في الساعتين الاولي والثانية

ثم ارتداد بسيط باذن الله وانصح بالمظاربة السريعه
وعينك على سهم العثيم ((مظاربة مظاربة))
هذا الجني الي يقولة

=====
تحليل من قبل البرنامج الشموع اليابانية((اعطاء اشارة سالبة))
يعني السوق تحت بلغه الشيبان

يارب تهديني قبل لحظة الفوت *** وتغفر ذنوبي ياكريم العطايا

اشكيك هم داخل الصدر مكبوت *** وأيامي الي بالخطايا ملايا

هههههههههههههههههههه حلوه الشايب تحيليل بطريقه منتازه بس انتبه لي اولاه

من الجني هههههههههههههههههههه

بيني وبينك سوقنا ما يخضع للتحليل كثير المعلومه هي سيد الموقف عندنا .

وبعدين التحليل يمشي على كيف صناع السوق والسيوله . التحليل يتبع السيوله يعني .

بس اللحين على قولتهم ( كل فطير وطير )

او انتبه للعصفور لا يطير . خذ رزقك واطلع لابد الكاش يكون موجود بالمحفظه وحبذا لو

تكون فيه سيوله 30 بالميه ما تتحرك ابد من المحفظه تكون موجوده على طول تحسبا

لأي طاري قد يحصل .

حط براسك وقف الخساره اول ما تشتري مهمه ولازم تحدد خروجك من السهم لا تصور

معه ترا الحوامير ما يرحمون والله .

الشايب الله يوفقنا وياك يارب ويرزقنا حلالا طيبا .

السلام عليكم ورحمة الله وبركاته

صبحكم بالخير...

الله يرزق الجميع...

تحليل شموع مانقدر نعتمد عليه بسوقنا

لاننا قرب إعلانات نتائج الربع الثالث..

أتمنى التوفيق للجميع...

بكرا تابعوا اسمنت القصيم انا مااوصي عليه

لكن أقول إنه نازله كثير واتوقع145 قريبه..

ملاحظه للمضارب(إذا استمر غداً نزول الكيمو فأتوقع إغلاق السوق سيئ والله أعلم)

تقبلوا تحياتي..

k7eel_al3een

شكرا جزيلا

السلام عليكم
الساعه:12.43
السوق=92
الوضع: تمت زيارة 100 اكثر من مرة
وانصح باخراج السيولة بربح

استاذنكم يا جماعه
نشوفكم على خير
حذرنا من النزول الى 100
والان ارتداد بسيط تصريف للكسبان