هذا واحد يشتغل عسكري في الشرقيه وحاجز بالمطار جت رحلته وراح وهو بالطريق كانس بالددسن 84 هنقلين كفرات سكين ( انواع الطفره)وهو بالطريق بدا يسمع اصوات انفجارات وقف على الردم وناضر الموتر مابه شي بعدين سمع الغنمه الي تثغي بالصندوق اثره نسى ينزل الغنم الي معه المهم ركب ومشى الرجال شوي ويسمع نفس الصوت يا ولد ايش الهرجه وقف على جنب ويناضر الموتر سليم يوم ناضر بالصندوق الا الغنم ميتات ومتجرحات من عند اصبات ورا الرجال حلل الموضوع وناضر عرف ان الهواء يدخل مع اثمه وتصر الغنمه وتنفجر وكل الغنم على هالحال ضاق صدره وركب واكنس خايف تفوته الطياره شوي وتبدى السياره تطلع صوت وانطح الرادميه وقف ويناضر وي وايطالع الا مسمار الكفر منحل ويجيب المفك ويكربه واركب واكنس المهم وصل المطار سليم معافا
ركب الطياره وسافر يوم اقلعت الطياره شافو ان الطياره بدت تميل من المطبات الهوائيه وراحت المطبات والميله ما راحت خافو الي باالطياره وخوينا ما يدري وش الطبخه مبسوط اول مره يركب طياره ولا يعرفلهيحسبها هي كذا المهم قام وراح لم الحمام يبي يشنتر دخل الدوره وجلس مبسووووط مره اخر روقان شاف مسمار يبيله شوي شد واطلع المدليه وطلع الفك طبعا مدليته كلشي فيها واكرب المسمار واكرب واكرب وتميل الطياره للجه الثانيه ويبدا يوزنه الا ما خلها تمام عدال المهم خلص من شغله وطلع لقا كلن يهليبه ويرحبه ومبسوطين منه عشانه ساعدهم وكل واحد يطيربه شوي وهو مبسوط هاج الكشره لاخر شي المهم وصلو لم تبوك نزلوها هناك اضطراري عشان يزينو باقي الاعطال بالطياره يوم نزل لقى قنوات الجزيره وال CNN وكل العيال متجمعين طبعا قنوات السعوديه مهب فاضيه الا ها المواضيع ذي
يوم ناضر الاه مهوب بالشرقيه بتبوك وهو يبي الشرقيه ياولد عدل بدل ابروح لم الشرقيه عندي الدوام قال وحد من الكبار مالك هم يابو فلان هالحين اجيبلك طياره ويدق الو مرحبا ارسلولنا طياره بتبوك قالو سم وامر ورررررررر وتجي الطياره الحربيه F16 ركب الطياره ومسكو الخط لم الشرقيه وهم بالطريق قبل ما ياصلون الشرقيه اغمى عليه الطيار ويجي صاحبنا وبعده ويقعد بمكانه المهم ان طريقهم تغير مع التصبيخ بالرجلين حزت تبديل المقاعد ويسمع البرج حق المطار يقعطلهم ويمسك الريشه ويتنحنح قال السلام ياعيال عرفوه على طول ويردون عليه هلا بصاحبنا شلونكم وش جابك انت قال ان الطيار اغمى عليه وخليته يردف قال ايه انت ما منك خوف تدل الدرب ؟ قال لا والله مدري وين انا بهقالوله مهب مشكله عطنا دربك معين شف البوصله وعلمنا يوم علمهم الاهم عكس الاتجاه180 درجه قاله راعي البرج اسمع نزل الطاره الا ما توصل رجليك وتطب علينا قال يالله هذاي جاي لمكم بعدين استقبلوه حقين الشرقيه
يوم نزل الطياره ناضرو الا الي ينزله تسذا مهوب اي طيار قالو هذا سواق طبعا فيه الجزيره والعيال والسعوديه على حطت ايدك مهوب فاضينله ويبدون يهلون به ويرحبون والمسكين مرووووح فوووق من الطيران الي جاه وريئس المطار يشكره مع جهه والي مع الجهه الثانيه ورفيقنا للحين مغمى عليه المهم خلص منهم وراح وركب ذاك التكسي الي يحبه قلب تسعاوي يلاعب الهوى المهم وهو رايح لم الدوام خايف يتاخر ابلشوه العالم الي تو قال لراعي التكسي دوس شوي وداس راعي التكسي المهم وصلو تي وراه بحر رفع رجله التكسي يبي يهدي ولاالدعسه معلقه والموتر فرامله لك عليه المهم ماتشوف الا التسعاوي ناقزه بالبحر ودردب بالبحر وتمشيله شوي وتاقف ويجيك صاحبنا ويدق على خفر السواحل وهو تحت الماء طبعا الجوالات يشتغلن تحت الماء ويجون ويسحبونهم بالقارب ويطلعونهم من البحر ناضر الساعه ما بقى شي على الدوام وخذله ليموزين وسيدا لم الدوام يوم دخل وصكوه بحجز انفرادي عشانه تأخر نص دقيقه ولا هالحين محجوز الرجال ولاهوب طالع ابد..
اتعبناكم معليش
]
