مشاريع سلحفاتيه واحيانا سرابيه !!!!!

السلام عليكم ورحمة الله وبركاته

ابارك لكم هذا الشهر الفضيل وفقنا الله واياكم والمسلمين

اجمعين لصيامه وقيامه ,,,,

_____________

+++++++++++++++++++++

_______________________________

+++++++++++++++++++++++++++++++++++++

الموضوع طالن اعماركم على طاعته عن حواسين مشاريع عنيزة !!!

فهى اما (تحبى حبيان ) فى تنفيذها او اضغاث احلام وعلى الورق بس !!

يعنى وش بلانا كذا ؟؟؟

ورانا ما حنّاب مثل غيرنا ما يمديه يعلن عن المشروع الاّ وهم فرحين به!!!

هو البلا فينا والاّ بحظ عنيزة ؟؟؟؟

ابضرب امثله حتى يكون كلامى واقعى :

وين مشروع امارة عنيزة ؟؟؟

او طاح عليه اجدار !!

وين مشروع مستشفى السبيعى ؟؟

وين مشروع الجمله للخضار والفاكهه؟؟؟

وين مشروع العثيم مول ؟؟

وين صالة البسام وليش ما تشتغل ؟؟ والله لو هم يصنعون صاروخ قد خلص

وطار بعد !!!

وين مشروع عنيزة مول كل سنه نواعد بتشغيله ولا شفنا شى !!!

وين وين وين وين وين ........الخ

والغريبه ان فيه مشاريع فى مدن مجاوره ما يمدينا نسمع فيها الا نسمع

با فتتاحها واقربها المخازن الكبرى ,,,,

يا جماعة الخير الوكاد ان فيه خلل وعلى المسؤليين دراسته ,,,

اقترح وضع مجموعه (ما ناب قايل لجنه خايف) من ا لمسؤلين ومن كل

الجهات الحكوميه للمتابعه وتسهيل العقبات ان وجدت ,,,

وانتم وش رايكم ,,

للجميع شكرى وتقديرى ,,,,

اخوكم ولد المسوكف

يجب الله رزق بس طول بالك الخير جاي بمشيئة الله تعالى

اخي العزيز ولد المسوكف تقبل الله الصيام
ياما وياما سمعنا عن تصريحات واخبار قد يكون القصد منها الدعاية...!!
ايضا اين مول الفهـد الذي نشر في قناة الاقتصادية وكتب عنه في جريدة الاقتصادية بانه يكلف 150 مليون وانه قد تمت ترسيته على شركة ما ادري وش اسمها وانه ...وانه ...الخ من انه؟؟
اما مول عنيزة فهو يولد الآن بعد حمل طويل كما كان مشروع سوق الخضار المكون من جدران ومظلات حديدية وبوية والذي استغرق العمل فيه اربع سنوات او خمس
لماذا الكذب بمشاريع وهمية ؟ ولماذا التأخير في المشروع الوحيد مول عنيزة
هل السبب اصحاب المشاريع ام ان هناك اسباب اخرى ؟

كل ما نفذوا مشروع فشل أو خسر وش الفايدة منهن

يا خوي المستثمر يدرس الجدوى الاقتصادية قبل أن يعتزم البدء بالمشروع

المستثمر تهمه مصلحته قبل التفكير بمستقبل عنيزة
يا خوي وشلون تبيهم يستثمرون وهم يشوفون ربيعنا كل ما فتح شي ببريدة طاروا لمه

ياخى هذى عنيزه من زمان وهى كذا ويش الى تغير فيها شف سوق التمر ماتقدر تحرك فيه ولا عندهم نيه ينقلونه الى مكان اكبرلكن نقول الله يعين----تحياتى

اخوى احمد

آمين الله يجيب الرزق بس ترى غيرنا ما راح يحترينا والدليل شف المشاريع

هناك تنفذ بسرعة البرق وحنا الله يخلف كل سنه مشروع وبه منّه بعد ,,,

شكرا لك

عزيزى الغالى رمضان

صدقنى انى جبت عينات فقطمن المشاريع ولاّ وين مشروع انهاء شارع الملك سعود

وين امتداد دوار السنديه والا وين مشروع الدوار نفسه !!

ليش مشروع الشبيلى اللى بمخطط اليمامه يزحف ازحافه ؟؟؟

الشق اكبر من الرقعه والله يكتب ما فيه الخير ويشدون المسؤلين الهمه شوى

ويهتمون بالمشاريع الفعليه حتى تنتهى وبس ,,,,

لك خالص الشكر والتقدير ,,,

اخوى برق

صدقنى فيه مشاكل اكبر مما نتوقع والا ترى عنيزة ما هيب صغيره وهى بلا شك

فرصه للأستثمار بس ما ادرى وش الدبره هل الخطا بطريقة التسويق للأستثمار

والا فيه مشكله بالتعامل مع المستثمرين !!!

لك كل الود

اخوى البعد

ولكن الى متى والوضع على ما هو عليه ؟؟

اتوقع لو وجدت تلك اللجنه لحلت كثير من المشاكل ,,

تقبل تقديرى