الانيق

تحياتي للجميع

كيد لاحظتوا ان مواضيع الاعراس دايما تركز على العروس
على ملابسها

على مكياجها

على صحتها

على اعصابها و.و.و...

والعريس المسكين

محد جايب خبره

ماغير ادفع انت وساكت

لذلك جرى التنويه لما يلي:

تضامنن مع اخواننا المعاريس

المقبلين على الزواج

واللي محد واقف جنبكم

اهدي اليكم هذه النصائح

واذا عندكم زود لاتقصرون زيدوا في الموضوع عادي

قبل العرس بشهرين:

تاكد انك سويت الاشياء التاليه:

حسابك في البنك مغطى( لا تتوهق بكره وتقول ماقلتولي)

حجز تذاكر السفر لشهر العسل

حجز الاوتيل في بلد شهر العسل

خللي اختيارك رومنسي شوي يعني روح لمكان بعيد
انت وياها جزيره نائيه(فرصه تضيعها وترجع وحدك كنك ماتدري)

او مكان في الجبل والهواء حلو

هديه بسيطه(مش بسيطه اوي ) تهديها لعروستك في اول يوم عسل

تجهيز كل الحاجيات لبيت الزوجيه

قبل العرس باسبوع:

لاتحلق ابد اسبوع كامل علشان يوم العرس تلق وتلمع

استلام التذاكر السفر

استلام تاكيد حجز الاوتيل

ثوب العرس والبشت جاهزين

ادواتك الشخصيه كامله وجاهزه

فرشاه اسنان

ماكينه الحلاقه

عطوراتك

ملابسك الخاصه

بيجاما

روب نوم فوق البجاما علشان الكشخه.

نظف وجهك بالبخارقبل اسبوع من العرس

( علشان مايطلع وجهك منفخ في العرس)

حجز موعد عند الحلاق علشان حلاقه ومساج و الخ الخ الخ.

(احجز عند مشغل ......) مانبي نسوي دعايه ببلاش

يوم العرس:

خذ كفايتك من النوم

بعد ماتقوم خذلك دوش دافي وتفرك زين تراك من العيد تسبحت

روق بالك وعقلك

وفكر في افكار حلوه ورايقه علشان ينعكس الروقان على وجهك

(يعني لا تروح العرس وانت مكشر او مرتبك او او او.)

تغدى كويس لا تطيح علينا في العرس وتفشلنا

عشاء مافي !!

لاتحلم انك تاكل في الليل علشان تكون خفيف ياخفيف

(في واحد من قرايبنا مشفوح وتعشى قبل العرس وجاله تسمم من الاعصاب ليلتها

وقضى هاك الليله مابين الحمام والحمام

وكانت ليله مايعلم فيها الا الله ولين الحين نضحك عليه بسبتها

بخر الثوب والبشت وهدومك اللي بتلبسها كلها

روح موعدك للحلاق وخليه يسويلك حلاقه معتبره ومساج

علشان يروح أي ضغط عصبي وريلاكس

البس هدومك وتبخر وتدهن بالعود وبخ من العطور الزينه

فلس الرجال مسيكين وهو بعد ماعرس

روح الحين لعرسك بدري مو تحسب نفسك معزوم وتروح متاخر (يعنني اتغلى)

ارسم الابتسامه الحلوه

لحظه الدخول لصاله النساء للقاء العروس:

سمي بالله

ارسم ابتسامه حلوه

وجه عيونك لعروستك اللي قاعده في الكوشه

(هذا اذا سوت فيك حركه نذاله وسبقتك للكوشه وقعدت على الكرسي قبلك)

اما اذا كنتوا ماشيين سوا:

امسك يدها بشويش مو تضغط عليها كنك خايف وماسك ايد امك

ترا العروس في هذيك اللحظه محتاجه كثير للحنان والاطمئنان يعني حسسها بالامان بمسكه يدك

لما توصل عند الكوشه وقبل لاتقعدون على الكراسي ارفع الطرحه عن وجهها

وبوس

عاد بكيفك اي مكان بوس كله بالحلاااال

الحين اقعد على الكرسي

انتبه لاتقعد على كرسيها

(واحد من الربكه بعد ماقعدت عروسته وهو كان يسلم على خواته وعماته

وقام من الربشه قعد على العروس وكل الصاله قامت تضحك عليه (بغى يطلق هذيك الليله من الاحراج

بعد التصوير بيجيبولكم عصير علشان تشربون

(انتبه لاتفشلنا وتشرب العصير لازم تشربها من كاسك وتشربك من كاسها

وياريت تنتبه انك لاتطيح العصير على فستانها ..

واذا لاسمح الله وقطرت العصير على الفستان (اضحك ضحكه هبلاء

وقولها قطري عصير على ثوبي علشان نصير خالصين)هههههه.

وانت قاعد في الكوشه مع العروس

انتبه تستخف دمك وتسالها مين هذيك ومين هاذي

(في واحد سال عروسته وهم في الكوشه قال لها مين هذيك اللي لابسه عدسات زرق وتضحك

(من يومها وزوجته فاقده الثقه فيه(اجل بالعرس وعيونك ضربت شوط وشافت العدسات )

تدري كيف عندي لك حل البس نظارات سوود في العرس علشان لاتشوف احد

بعض الاعراس يقومون العريس مع عروسته للرقص

(لاتنسى نفسك وتردح وتفشلنا)

ترى صارت مرة قوموا العريس مع عروسته علشان يرقصون

شوي والعريس استنزل

عند تقطيع الكيكه:

امسك يدها وروحوا للكيكه(يمكن ماتدل مكان الكيكه )

امسك السكينه ويدك فوق يدها على السكينه (كذا الاتيكيت) وقطعوا

الكيكه

خذ بالشوكه قطعه صغيره مره علشان تاكلها (مو تحط نص الكيكه في الشوكه

وتقولها كولي

ترزز مره ثانيه للتصوير

بس خلاص نادوا الناس للعشاء وكل واحد يروح بيته

قلنا خلاص وش منتظرين؟؟

ايييه صح غنوا معهم:

ومباركين عرس الاثنين

لا لا لا لحظه لاتروحون

ياخي خليك رومنسي شوي وشيلها قبل لاتدخلون الغرفه (خللي دمك خفيف شوي

علشان

تشيل الحواجز بينكم ويروح الاحراج والخوف ترى الضحكه رسول سلام بين المحبين

FamOus

ماودك تكمل بعد شوي

تقل باقي شي ماكملته ولا انا غلطان

ولا اقول بكيفك انيق

=================================================

مهربالكراث

كل ذا أبسويه وش قالوا لك وجهي مغسول بمرق ولا بالع حبه تعديم الحيا ؟؟؟؟!!!


أما برقص ولا أبدخل عند الحريم كثر منها لا وأشربه عصير أقول كيف الحال

وش قالولك مصاريا؟؟؟؟؟؟؟؟؟؟؟

بلا عرس بلاهم يالله الشاصي قولوا أمين................أمين

لؤي

شوقتن للعرس...ياهو لحظات حلوه مرررررره.....يالله من فضلك....بس عاد مو بالشكل ذا شكلك متربي مع لبنانيين...

أ. عبدالرحمن المقبل

ان اشهد انك دغدغت مشاعرنا يالأنيق !!

مساكين يالمهرب و لؤي مايدرون عن العروس يحسبون الديرة كله عنيزة !! مايدرون عن زواجات الرياض اللي فيها مثل هالاشياء و الا عروس مكه و جدة !!
و اقول اذا كانت امك معزومة لعرس مكاوية قلها تسوي الاتي !!
1- تقرا على نفسه علشان ما تصيبه صدمة حظارية !
2- تكثر الملابس لان اهل العرس يوزعون انواع العصيرات !
3- تشم العصير اذا كان ريحته مثل الطيب تسقيه للكنب !
4- اذا شافت صحن يدور على الحريم لا تمد ايده و تاخذ ( زقاير )
5-لا تروح قدام لان النكان محجوز للمعسلات !!
6- تقعد ورا لان العريس و ابوه و اخوه و ولد عمه و ولد خاله وولد جيرانهم و كل الاسماء الخمسة بيدخلون معه و يرقصون !!

____________________________

بقى شي للعريس انه ماينسى ياكل سمك من قبل العرس باسبوع

زوروسيف العدالة