قصتي مع المدرسه؟؟حشا مب قصه شرح ذا.
السلام عليكم ورحمه الله وبركاته
هلا بالشباب......... أسف على دلاختي بالشات بس والله اني أستانس اذا شفتكم معصبين وعلى قول المثل من سبك حبك.
أسف حبيت أقرقر معكم قرق خربوطي ياليت تتقبلونه بكل روح رياضيه.
طبعا أبقرق عليكم وش صار معي بالمدرسه لاني فااضي
يوم الاثنين قالي أبوي رح للمدرسه بس شف لاترجع الا ومعك ملفك وورقه نقل قلت زين رحت وكلمت الوكيل حولن على المدير وكل واحد نفسه بخشمه تقل ذابح أبوه المهم رجعت الفصل ولا بوه مدرس الاحيا الخكري يحط أساس حق البنات الله يدودبه
انثبرت بالفصل وعطون الكتب ورجعنا كل واحد يناظرهن الي يقول مصدقين كل ذا بنذاكره والي يقول مانجحت بالترم الا ول أنجح بذا وأنا قاعد أناظر هاك الخشش الوسيمه بالحيل
ويوم جت الحصه الاخيره ولا الفصل فاضي مابه غير ثلاثه أنا واحد منهم (الباقين فلخوه)
قعدنا نهبل بهالمدرس الحليل مصدق انه قوي معطي العيال واحد بالمشاركه الا أنا لاني أحل الواجبات حقت المواد الثانيه ومسكت معطين خمسه المهم قضت رجعت البيت
يوم اثلاثا ء رحت المدرسه الجديده ومعي ملفي ولا محد معطين وجه وكلن يناظر بعين احتقار تقل ذابح عياله
و ماقبلون
يوم الاربعا رحت مع الوالد وأنواع الابتسامات المدير والوكيل والمدرسين (أنواع النفاق)
و قالو خله هذا مثل ولدنا أنا صدقت ياحوول و قعدت عند الوكيل ساعه أمير يقولي وش تبي قلتله أنت الي مقعدن هنا وهذي سالفتي قالي رح الدور الثاني رحت الدور الثاني مبه الا ذاك الهندي يمشي ويتفل وأنا أناظره وهويمسح تفالينه
المهم سلحون هناك ساعتين ونص ويوم جا الي أحتريه قالي وهو مكشر خير وراك واقف قلتله السالفه وقعد يسوي معي مقابله شخصيه تقل داخل هندسه
وقالي يالله رح الفصل الفلاني رحت والا مابوه أحد ( اليوم ماحضر طلاب كثار ولاخمسهم)
رجعت لمه قالي انزلع الي جنبه وأنا كسرت راسي وياويلي قلت سم ومشيت
يوم وصلوت ولا ذاك المرجج واحد يرقص والثاني معه المسجل وواحد نيم يشاخر الله يدود به
سلمت وردو السلام وكل واحد رجع مكانه يحسبونن دبووووس وجدعت الكتب وقعدت ويازينه من قعده وماأمدان أغمض عيوني الا جاو احد مقلع شليون دبج الباب ودخل الين نص الفصل ووقف قال ياعيال وين الوكيل قلتله بغرفته
قال مبوه أحد
رحت أشرب ما ورجعت قالو ها بشر وأنا مادري وش السالفه تذكرت انهم مرسلينن للوكيل قلت يقول اطلعو على واحد واحد ولا يشوفكم المدير قالوا ايوالله ان الوكيل حليل أمير يطلعون وأنا أخرهم
وبنص الطريق للبيت دق علي أبوي قالي ها بشر قبلوك قلت أنا بالبيت قال ماشالله والمدرسه قلت هجيت
قالي الله يصلحك
شفتو زود الميانه أول يوم أسجل عندهم لاأول حصه وأهجج الطلاب وأهج معهم الله يستر السبت ادعولي
داري ان قرقي بايخ ومامنه فايده أهم شي اني ضيعت وقتكم
أخوكم العله أبو شاصي
|
